1-ئىيۇلدىن باشلاپ ،جۇڭگو -قازاقىستان ئىككى مەملىكەت شوپۇرلىرىنىڭ ماشىنا ھەيدەش ئۈچۈن ۋېزىسىغا چوقۇم ھەيدىمەكچى بولغان ماشىنا نومىرى يىزىلىشى ،ھەمدە شۇماشىنىدىن باشقا ھىچقانداق ماشىنا ھەيدەپ قارشى مەملىكەتكە كىرىشكە بولمايدىغانلىقى رەسمىلەشكەن ئىدى. ھازىر بۇ كەسىپ بىلەن جان باققۇچىلارغا بۇ يېڭى سىياسەت خىلى كۆپ ئاۋارىچىلىقلارنى ئېلىپ كەلدى.
بەزى شوپۇرلار ئۆزلىرىنىڭ بىر يىل داۋامىدا بىر ئاپتۇمۇبىلغا باغلىنىپ قېلىپ ، ئاپتۇمۇبىل بۇزۇلۇپ قالسا ئۆزىنىڭمۇ ئىشسىز قالىدىغانلىقىنى سۆزلىسە ،يەنە بىر تەرەپتىن ئۆزىنىڭ سەۋەبى بىلەن قارشى تەرەپكە چىقىش مۈمكىنچىلىكى بولمىغاندا ئاپتۇمۇبىلنىڭمۇ <<دەم>>ئىلىشقا مەجبۇر بولۇپ قالغانلىقىنى بىلدۈرمەكتە.
بۇ چارىنى 2011-يىلنىڭ بىشىدا ،قازاقىستان تەرەپ ئوتتۇرىغا قويغان دەپ سۆزلىشىدۇ قازاقىستان شوپۇرلىرى .ئۇلار جۇڭگو تەرەپتىن قازاقىستانغا كىرگەن شوپۇرلاردىن ۋېزىسىغا ماشىنا نومىر قويۇپ كىرىشنى تەلەپ قىلغان .بۇ چارە خەۋىپسىزلىك جەھەتتە مەلۇم ئۈنۈمگە ئىرىشەلىگەندەك كۆرۈنسىمۇ ،ئىككى مەملىكەت ئىقتىسادى مۇناسىۋىتىگە بەلگىلىك تەسىرلەرنى كۆرسىتىشى مۈمكىن.
جۇڭگو ماللىرىنىڭ كىرىش سۈرئىتى ئاستىلاش سەۋەبىدىن ،قازاقىستان تامانىدا قۇرۇلۇش ماتىرياللىرى،كۈندىلىك ماللار،بالىلار ئويۇنچۇقلىرى ۋە بەزى پەسىلگە قارشى ئۆستۈرۈلگەن مىۋىلەر يىتىشمەسلىككە باشلىغان.باھاسىمۇ 15-25 % كىچە ئۆرلىگەن.
2010 يىلدا ،مەملىكىتىمىز بىلەن قازاقىستان ئولتۇرىسىدىكى سودا تەخمىنەن 20 مىليارد دوللاردىن ئاشقانلىغى مەلۇمات قىلىنغان ئىدى.
جۇڭگو -قازاقىستان شوپۇرلىرى بولسا، بۇ چارىنىڭ پات يىقىندا ئەمەلدىن قىلىشىنى كۈتۈشمەكتە ئىكەن.
