ئەسسالامۇ ئەلەيكۇم تۈۋەندىكى يازما http://www.2094.com.cn/

تور بېكىتىم توغۇرسىدا خىلمۇ-خىل قاراشلار ئىنكاس شەكلىدە ياكى تىلىفون ، خەت-چەك شەكلىدە ماڭا يىتىپ تۇردى . مەنمۇ بۇ توغۇرسىدا چۈشەنچە بەرمىدىم ، ماڭا يەتكەن ئۇچۇرلارنىڭ تەڭدىن تولىسى ،<< تور بېكىتىڭىزنى قانۇنسىز تۇرۇپ قانداق ئىچىۋاتىسىز >> ، << مەن تور بېكىتىڭىزگە كىرسەم تور ساقچىلىرى گەپ قىلمامدا >> ، << قانۇنسىز بېكەتنى ئۇلېنىشىمغا قوشمايمەن >> ، << ياخشىسى سىز تور بېكىتىڭىزنى تاقىۋىتىڭ ، ئۆزىڭىزگە ئىش تاپقۇچە >> قاتارلىقلار …

مەن ئەمدى بۇ توغۇرسىدا ماڭا ئۇچۇر قىلغان زىيارەتچىلەرگە تۇرايىمدىلا جاۋاب قالدۇراي .



ئېلىم-پەن ئۇچقاندەك تەرەقىي قىلىپ ھازىرغا قەدەر نۇرغۇنلىغان كەشپىيات ۋە يېڭىلىقلار بارلىققا كەلدى بۇلارنىڭ ھەممىسى ئاللاھنىڭ بىزگە بەرگەن كاتتا سوۋغىسى دىسەك ھەرگىزمۇ ئارتۇقلىق قىلمايدۇ ، جۈملىدىن Internet يەنى تور بىزگە ئويلىمىغان قۇلايلىقلارنى ۋە شارائىتلارنى كەلتۈرۈپ بەردى . مەسىلەن ؛ بىز بۇرۇن قىرائەت ۋە ماقالىلەرنى ئاڭلىماقچى ھەم ئوقۇماقچى بولساق بىر قاتار ئاۋارچىلىقلارنى باشتىن كەچۈرەتتۇق لېكىن ھازىر ئۆيىمىزدە ئولتۇرۇپلا مۇڭلۇق قىرائەتلەرنى ئاڭلىيالايمىز ،نادىر ماقالە ئەسەرلەرنى كۆرەلەيمىز ھەم ئىقتىسادى جەھەتتىن كۆپ تىجەشلەرنى ئېلىپ بارالايمىز . بىزگە مۇشۇنداق ياخشى شارائىتلارنى يارىتىپ بەرگەن<< ئاللاھ >>چەكسىز ھەمدىلەر بولسۇن .

ئۇيغۇر تور بېكەتلىرىمىزدە سۈپەت ۋە مەزمۇن جەھەتتىن نۇرغۇنلىغان نادىر تور بېكەتلەر بارلىققا كەلدى . شۇنىڭغا ئەگىشىپ ھەم ناچار ، سۈپەتسىز تور بېكەتلەرمۇ يوق ئەمەس ، لېكىن بىزنىڭ بەزى ئۇيغۇر تور زىيارەتچىلىرىگە نېمە بولدىكىن ناخشا مۇزىكا ، كىنو-فىلىم ، ۋە باشقا مەزمۇنلار بار تور بېكەتلىرىگە خاتىرجەم ھالدا كىرىپ زىيارەت قىلدىكەن بىراق ئىسلامى مەزمۇن بار تور بېكەتلەردىن ئۆلگۈدەك قورقىدىكەن . نېمە سەۋەب؟

بەزى زىيارەتچىلەرنىڭ قارشىدا ئىسلام تور بېكەتلەر قانۇنغا خىلاپ ، ئەگەر بىز زىيارەت قىلساق قانۇنغا خىلاپلىق قىلغان بولىمىز دەپ ئويلايدۇ .

ئىسلامى تور بېكەتلەرنىڭ ھەممىسى قانۇنسىز ئەمەس سىز قانۇننى چۈشەنمەي تۇرۇپ قارغۇلارچە پەرەز قىلىپ ئىسلامى تور بېكەتلەر تەرەقىياتىغا توسالغۇلۇق قىلماڭ ، بىز ئۇيغۇرلار بۇرۇندىن تارتىپ ئىسلام دىنىغا ئىتىقاد قىلۋاتقان بىر مىللەت . بىزنىڭ ئۆرۈپ-ئادىتىمىز ، قائىدە-يۇسۇنلىرىمىز ، ھەم تۇرمۇش ئۇسۇللىرىمىزمۇ ئىسلام دىنى چىگىرسىدىن ھەرگىز قىچىپ قۇتۇلالمايدۇ . چۈنى ئىسلام دىنى بىزنىڭ پۈتۈن تۇرمۇشىمىزغا سېڭىپ كەتكەن ، شۇنداق بولغانىكەن نېمە ئۈچۈن قانۇنسىز دەيدىغان ھوقۇقىڭىز بار .

بىز تور بېكەتنى قانۇنلۇق ئەنگە ئالدۇرۇپ ، قانۇنسىز مەزمۇنلاردىن خالى ھالدا تەرەقىي قىلدۇرۇپ مىڭىۋاتىمىز ، بەزى تورداشلىرىمىزنىڭ نەزىرىدە ئىسلام تور بېكەتلىرىنىڭ ھەممىسى قانۇنسىز دىگەن خاتا چۈشەنچە بولغاچقا تور بېكىتىمىزگە ۋە باشقا ئىسلامى مەزمۇنلار بار تور بېكەتلەردىن قىچىپ ، كىرسىمۇ يۇشۇرۇن ھالدا كىرىدۇ . بىزنىڭ سىزگە تەۋسىيە قىلدىغىنىمىز تور بېكىتىمىزگە ئاشكارە ھەرقانداق ئەھۋال شارائىتتا كىرىپ خاتىرجەم ھالدا زىيارەت قىلىۋىرىڭ چۈنكى بېكىتىمىزدە ھەرگىزمۇ قانۇنسىز مەزمۇن يوق ، ئەگەر بىرەسى سىزنى مۇشۇ تور بېكىتىمىزگە كىرىشتىن چەكلىسە شۇ چەكلىگەن كىشى قانۇنغا خىلاپلىق قىلغان بولىدۇ ۋە پۇقرالارنى دىنىي ئېتىقاد ئەركىنلىكىدىن قانۇنسىز مەھرۇم قىلىش جىنايىتى شەكىللىنىدۇ تورداشلارنىڭ پايدىلنىپ ئۆزىنىڭ قوغدىشى ئۈچۈن تۆۋەندىكى قانۇننى ئوقۇپ قويۇشىنى ئۈمۈد قىلىمىز …

<<جۇڭخۇا خەلق جۇمھۇرىيىتىنىڭ ئاساسىي قانۇنى 36 – ماددا جۇڭخۇا خەلق جۇمھۇرىيىتىنىڭ پۇقرالىرى دىنىي ئېتىقاد ئەركىنلىكىگە ئىگە. ھەرقانداق دۆلەت ئورگىنى، ئىجتىمائىي تەشكىلات ۋە شەخس پۇقرالارنى دىنغا ئېتىقاد قىلىشقا ياكى ئېتىقاد قىلماسلىققا زورلىماسلىقى، دىنغا ئېتىقاد قىلىدىغان پۇقرالارنىمۇ، دىنغا ئېتىقاد قىلمايدىغان پۇقرالارنىمۇ كەمسىتمەسلىكى لازىم. دۆلەت نورمال دىنىي پائالىيەتلەرنى قوغدايدۇ. ھەرقانداق كىشىنىڭ دىندىن پايدىلىنىپ جەمئىيەت تەرتىپىنى بۇزىدىغان، پۇقرالارنىڭ سالامەتلىكىگە زىيان يەتكۈزدىغان، دۆلەتنىڭ مائارىپ تۈزۈمىگە توسقۇنلۇق قىلىدىغان ھەرىكەتلەرنى ئېلىپ بېرىشىغا يول قويمايدۇ. دىنىي تەشكىلاتلار ۋە دىنىي ئىشلار چەت ئەل كۈچلىرىگە بېقىنمايدۇ. جۇڭخۇا خەلق جۇمھۇرىيىتىنىڭ مىللىي تېررىتورىيىلىك ئاپتونومىيە قانۇنى11 – ماددا مىللىي ئاپتونومىيىلىك جايلارنىڭ ئاپتونومىيە ئورگانلىرى ھەر مىللەت پۇقرالىرىنىڭ دىنىي ئېتىقاد ئەركىنلىكىگە كاپالەتلىك قىلىدۇ. ھەرقانداق دۆلەت ئورگىنى، ئىجتىمائىي تەشكىلات ۋە شەخس پۇقرالارنى دىنغا ئېتىقاد قىلىشقا ياكى ئېتىقاد قىلماسلىققا زورلىماسلىقى، دىنغا ئېتىقاد قىلىدىغان پۇقرالارنىمۇ، دىنغا ئېتىقاد قىلمايدىغان پۇقرالارنىمۇ كەمسىتمەسلىكى لازىم. دۆلەت نورمال دىنىي پائالىيەتلەرنى قوغدايدۇ. ھەرقانداق كىشىنىڭ دىندىن پايدىلىنىپ جەمئىيەت تەرتىپىنى بۇزىدىغان، پۇقرالارنىڭ تەن سالامەتلىكىگە زىيان يەتكۈزىدىغان، دۆلەتنىڭ مائارىپ تۈزۈمىگە زىيان يەتكۈزىدىغان، دۆلەتنىڭ مائارىپ تۈزۈمىگە توسقۇنلۇق قىلىدىغان ھەرىكەتلەرنى ئېلىپ بېرىشىغا يول قويۇلمايدۇ. دىنىي تەشكىلاتلار ۋە دىنىي ئىشلار چەت ئەل كۈچلىرىگە بېقىنمايدۇ. ئالىي خەلق تەپتىش مەھكىمىسىنىڭ <خەلق تەپتىش مەھكىمىلىرى بىۋاستە قوبۇل قىلىدىغان پۇقرالارنىڭ دېموكراتىيە ھوقۇقىغا، جىسمانىي ھوقۇقىغا دەخلى – تەرۇز قىلىش ۋە مەسئۇلىيەتسىزلىك قىلىش دېلولىرىدا دېلو ئېچىش ئۆلچىمى> توغرىسىدىكى بەلگىلىمىسى (1989 – يىل 11 – ئاينىڭ 30 – كۈنى) 41 – نومۇرلۇق سەككىزىنچى، قانۇنسىز ھالدا پۇقرالارنى نورمال دىنىي ئېتىقاد ئەركىنلىكىدىن مەھرۇم قىلىش ۋە ئاز سانلىق مىللەتلەرنىڭ ئۆرپ – ئادىتىگە دەخلى يەتكۈزۈشكە ئائىت دېلولار (<جۇڭخۇا خەلق جۇمھۇرىيىتى جىنايى ئىشلار قانۇنى> نىڭ 147 – ماددىسى). دۆلەت خادىملىرىدا قانۇنسىز ھالدا باشقىلارنى نورمال دىنىي ئېتىقاد ئەركىنلىكىدىن مەھرۇم قىلغان ياكى مەجبۇرلاش ۋاسىتىلىرى بىلەن قانۇنسىز ھالدا ئاز سانلىق مىللەتلەرنىڭ ئۆرپ – ئادىتىگە ئارىلاشقان، دەخلى يەتكۈزگەن تۆۋەندىكى ئەھۋاللارنىڭ بىرى كۆرۈلسە، دېلو ئېچىش كېرەك: 1. مەجبۇرلاش ۋاسىتىلىرىنى قوللىنىپ، باشقىلارنىڭ نورمال دىنىي پائالىيەتلىرىگە ئارىلىشىش ياكى مۇرىتلارنى دىنىدىن چىقىپ كېتىشكە مەجبۇرلاش، پۇقرالارنى دىنغا ئىشىنىشكە ياكى مەلۇم بىر مەزھەپكە ئىشىنىشكە مەجبۇرلاش قىلمىشى قەبىھ، ئاقىۋىتى ئېغىر، تەسىرى ئىنتايىن يامان بولسا؛ 2. قانۇنلۇق دىنىي سورۇنلارنى ھەمدە باشقا دىنىي مۇئەسسەسەلەرنى قانۇنسىز ھالدا پېچەتلىۋەتكەن ياكى چېقىۋەتكەن بولسا؛ 3. ئاز سانلىق مىللەتلەرنى ئۆرپ – ئادىتىنى ئۆزگەرتىشكە مەجبۇرلاپ ياكى ئاز سانلىق مىللەتلەرنىڭ ئۆرپ – ئادىتىگە قانۇنسىز ھالدا ئارىلىشىپ ۋە دەخلى يەتكۈزۈپ، مىللىي ماجىرالارنى كەلتۈرۈپ چىقارسا؛ 4. قانۇنسىز ھالدا باشقىلارنى نورمال دىنىي ئېتىقاد ئەركىنلىكىدىن مەھرۇم قىلىپ ۋە ئاز سانلىق مىللەتلەرنىڭ ئۆرپ – ئادىتىگە دەخلى – تەرۇز قىلىپ باشقا ئېغىر ئاقىۋەتلەرنى كەلتۈرۈپ چىقارسا.“>>
دېمەك بېتىمىز قانۇنسىز ئەمەس ، دۆلەت ئىچىدىكى مۇلازىمىتىنى ئىشلىتىۋاتىمىز ، بىزمۇ باشقا بېكەتلەرگە ئوخشاش<<ئاي سى پى icp 备案 >> دېگەنگە ئوخشاش رەسمىيەتلەرنى ئۆتىگەن. تەكشۈرۈپ باقسىڭىز بولىدۇ .
بەزى ئۇيغۇر تور بەت قۇرغۇچىلىرىنىڭ ئىسلامى تور بېكەتلەر ئۈچۈن كۆرسەتكەن ئاتالمىش باناسى
ھازىرقى زىيارەت مىقدارى كۆپرەك بىكەتلەر ئىسلام تور بېكەتلەرنى قەتئىي قوللىمايدىكەن ، ياكى ئۇلار نەپنى ئويلامدۇ ، ياكى قانۇنسىز دەپ ئويلامدۇ ئىشقىلىپ ھەر ئىككى خىل ئېھتىماللىق مەۋجۇت . جۇملىدىن مەنمۇ بىرقانچە ئالدىنقى قاتاردا مېڭىۋاتقان تور بېكەت مەسئۇللىرى بىلەن پاراڭلىشىپ كۆردۇم . نەتىجە يۇقىرىدا ئىيتىلغاندەك بولدى .
ئۇلار سەۋەب قىلغان ئىشلارغا مەن تۆۋەندە ئازراق چۈشەنچە بېرىپ ئۆتەي .
1-يەنە شۇ قانۇنسىزلىق؟ مەن يۇقىرىدا بۇ توغۇرسىدا دەپ بولدۇم يۇقىرىدىكى مەزمۇننى چۈشىنىپ ئوقۇسىڭىز ئىسلام تور بېكەتلەرنىڭ ھەممىسى قانۇنسىز ئەمەسلىكىنى بىلۋالسىز .
2- نەپنى ئويلامدۇ ؟ مەنچە بۇنداق بولىشى تەبىئى چۈنكى ئۇلارمۇ مۇلازىمىتىر يىللىق پۇلى ۋە ئىشلەيدىغانلارنىڭ مۇئاشى ، ئۆزىنىڭ تۇرمۇش پۇلى دېگەندەك ئىشلارنى ئويلاشمىسا بولمايدۇ ، لېكىن بىر يىرى ئۇلار پۇل دەپ ئۇدۇللا ئىيتتالمايدىكەن . سەۋەبى ئىسلام دىنىمىزغا بولغان ھۆرمىتى بولسا كېرەك . سىزنىڭ ئازراق بولسىمۇ دىنىمىزنى ئويلىغىنىڭىزغا ئاللاھنىڭ رەھمىتى بولسۇن ! دەۋەرسەڭلەر بولىدۇ ، ئىسلامى تور بېكەت قۇرغۇچىلار ئەممە سەل كەمبەغەل بولدىكەن لېكىن قولىدىكى بارىنى بىرىشكە تەييار !
3-ئۇلار ئۆزىنىڭ مەسئۇليىتىنى بىلمەيدۇ ؟
سىزلەرگە دەيدىغىنىم بەلكىم سىز شۇ ئاتالمىش سەۋەبلەر تۈپەيلىدىن ئىسلامى تور بېكەتلەر تەرەقىياتغا توسالغۇلۇق قىلۋاتقىنىڭىزنى بىلمەي قىلۋاتىسىز ، قوللىماسلىقنىڭ ئۆزى بىر توسالغۇ ، سىزنىڭ شۇ توسالغۇلۇق قىلغىنىڭىز تۈپەيلىدىن ھازىر ئۇيغۇر ئىسلامى تور بېكەتلەر تەرەقىياتى بەك ئاستا بولۋاتىدۇ . لېكىن بۇ ئىسلامى تور بېكەتلەر ئۈچۈن باش قاتۇردىغان مەسىلە ئەمەس . سىز ئۈچۈن باش قاتۇردىغان مەسىلە . ئۇ سىزنىڭ مەسئۇليىتىڭىز ، سىزنىڭ بۇرچىڭىز ، چۈنكى سىزنىڭمۇ دىنىڭىز ئىسلام ئەمەسمۇ ؟
تەھرىرلىمەيلا ئېلان قىلۋەتتىم ئېملا خاتالىقى بولسا ئەيىپكە بۇيرىماڭلار .
ئەسكەرتىش : بۇ مىنىڭ شەخسى قاراشلىرىم دىنىمىز بىلەن مۇناسىۋىتى يوق .

http://www.2094.com.cn/hikmet/?p=86#comment-9مەنبە

دۆلىتىمىزدە كۆپ سانلىق مىللەت بار ، ھەم ھەر قايسى مىللەتنىڭ ئۆزى خالىغان  دىنغا ئىتقاد قىلىش ئەركىنلىكىمۇ بار .
مەن سىزنى قوللايمەن . تور بىتىڭىزگە كىردىم ھەم شۇنداق سۈيۈندۈم . ئاللاھ سىزنى ئىككىلا ئالەمدە ئېزىز قىلسۇن قېرىندىشىم . بىر بوشلۇق بار ئىدى ، مانا دەل سىز بۇ بوشلۇقنى تولدۇرۇپسىز . ئاللاھنىڭ ئالدىدا پەقەت ئېغىزدىكى گىپىمىز بىلەن ئەمەس بەلكى ئەمەلىي ھەركىتىمىز بىلەن سىنىلمىز .
ئاللاھ ئۆزىنى مەن مۇسىلمان دەپ يۈرگەن قېرىنداشلىرىمىزنىڭ بىلمىنى زىيادە قىلسۇن ، ئۇلارنى ئىسلام دىنىدا مۇستەھكەم قىلسۇن ! ئۆزىنىڭ سايىسىدىن ئۆزى ئۈركۈيدىغان ئاشۇ قېرىنداشلىرىمىزغا  قورىقماس قەلىب ئاتا قىلسۇن !

ئەسسالامۇ ئەلەيكۇم  قېرىندىشىم ئىسلامى  بىكەتلەر ھەرگىز قوقۇنۇشلۇق ئەمەس بىز ئۇنداق قارىمايمىز ھەم  كىرىشتىن قورقمايمىز بىز ھەرگىز قانۇنغا خىلاپلىق قىلمىدۇق ھەم بۇنىڭدىن كىيىنمۇ قىلمايىمىز قانۇنلۇق قۇرغان بىكەتلەر بولسا بىز داۋاملىق قوللاپ تۇرىمىز ،مۇشۇنىڭغا ئوخشاش بىكەتلەرنى قۇرغان قېرىنداشلىرىمىزغا ئاللا ھەسسىلەپ ئەجىر ئاتا قىلسۇن،

                  

تەھرىرلەندى

بىزنىڭ چوڭ ھۈكۈمىتىمىز شۇنداق ياخشى سىياسەت بەلگىلمىلەرنى تۈزۈپ بەردى،لىكىن كىچىك ھۈكۈمەتلىرمىز سايىسىدىن ئۈركۈپ ئەشۇنداق قورقۇنۇچلۇق ھالەتكە ئەكەپ قويدى.ئەمەليەتتە ھەممىسى قانۇن يولغا قويغان دائىردە بۇلىۋاتىدۇ،بۇنىڭدا خاتىرجەم بۇلۇش كېرەك بىزنى چوڭ ھۈكۈمىتمىز،ئۇلۇغ پارتىيمىز قوغدايدۇ،ھەق-ناھەق،توغرا-خاتانى ئايرىپ بىزنى قوغدايدۇ.

ئەسسالامۇ ئەلەيكۇم!
    ھەق گەپنى، نەق گەپنى قىپسىز قېرىندىشىم! اللە ئىلمىڭىزنى ۋە ئەجرىڭىزنى زىيادە قىلسۇن. بۇ مەسىلە توغرىسىدىكى مېنىڭ قارىشىم تۆۋەندىكىچە:

....................

مۇنبەر دېگەن دەۋەت سورۇنى،
ئېمان-ئىسلام بىزنىڭ غايىمىز!
قورققانغا كۆرۈنىدۇ قوش،
خەتەرلىكتۇر ھەتتا سايىمىز!...
  
توشقانچىلىك يۈرەككە ئېگەـ
ئەمەس توۋا، لېكىن گاھىمىز.
قورققانغا ئۆلمىسەك ئىدۇق،
پەقەت قەبرە بارار جايىمىز!...

ئەسسالاممۇ ئەلەيكۇم .ئسلامى بىكەتلەر ھەرگىزمۇ قورۇنۇشلۇق ئەمەس. مۇشۇنداق بىكەتلەرنىڭ كوپلەپ بۇلىشىنى خالايمز ھەم ئىسلامى بىكەتلەرنى قوللايمز .ئاللاھ سزگە رەخمەت قىلسۇن    

قېرىندىشىم،ئاللاھ سىزگە رەھمەت قىلسۇن،كۆپلىگەن ئەجىر ساۋابلارنى بەرسۇن.مەن ئىسلامى تورلارغا كىرەتتىم،لېكىن سىزنىڭ تور بېكىتىڭىزگە كىرىپ باقماپتىمەن،ئىنشائاللاھ،ھەرگىز يېرىم يولدا توختىتىپ قويماڭ،مەزمۇنلارنى يېڭىلاپ تۇرۇڭ،مەنمۇ كۈچۈمڭنىڭ بارىچە تەشۋىق قىلىمەن،ئىنشائاللا

ئاللاھ رەھمەت قىلسۇن، مەنمۇ سىزنى قوللايمەن. بىكىتىڭىزگە مەنمۇ كىرىدىم، ھەقىقەتەن ياخشىكەن. ھەممىمىز ئىسلامى تور بىكەتلەرنى قوللايلى قېرىنداشلار.