ئەرلەر نېمە ئۈچۈن «تىلىدىن قېلىش» خەۋىپىگە دۇچ كېلىپ قالىدۇ

ئەرلەرنىڭ تويدىن كېيىن كەم سۆز ۋە ھېسياتىنى ئىپادىلىشىنىڭ يېتەرسىز بولۇشى بېسىمنىڭ ئارتىپ كېتىشىدىكى تۈپكى ئامىل بولۇپ قالماقتا.
ئىگىلىنىشىچە، ھازىر ئەرلەر «تىلىدىن قېلىش» خەۋىپىگە دۇچ كېلىۋېتىپتۇ. ئامېرىكا رودې ئارىلى ئىشتاتىدىكى نېرۋا كېسەللىكلىرى مۇتەخەسىسى سكوت خېيزېرماننىڭ تەتقىقاتىدىن ئايان بولۇشىچە، ئاياللار تويدىن كېيىن كۈنىگە ئوتتۇرا ھېساب بىلەن 7000 سۆز قىلىدىكەن، بەش خىل ئىنتوناتسىيە ئىشلىتىدىكەن، ئەرلەر 2000 سۆز قىلىدىكەن، ئۈچ خىل ئىنتوناتسىيە ئىشلىتىدىكەن.
مۇتەخەسسىسلەرنىڭ چۈشەندۈرىشىچە، ئادەملەر تويدىن كېيىن مۇھەببەتلىشىۋاتقان مەزگىلدىكى قايناق ھېسياتتىن نورمال تۇرمۇش رېتىمىغا قايتىدىكەن، بولۇپمۇ ئەرلەر بۇرۇنقىدەك ھېسياتىنى ئىپادىلەشنى خالىمايدىكەن. بۇنىڭ بىلەن تەبىئىي ھالدا شېرىن-شېكەر سۆزلىرى ئازىيىدىكەن. خېيزېرماننىڭ قارىشىچە، ئەر-خوتۇن چوقۇم تىل ئارقىلىق ھېسيات ئالماشتۇرۇشقا ئەھمىيەت بېرىشى كېرەككەن، شۇڭا ئەرلەر «تىلدىن قېلىش» خەۋىپىدىن قۇتۇلۇش ئۈچۈن، بىرىنچىدىن، پىكىر ئالماشتۇرۇشنى ھەرگىزمۇ بىر تەرەپنىڭ مەسىلىسى دەپ قارىماسلىق؛ ئىككىنچىدىن، خوتۇنىنىڭ تەسىرىنى ئاكتىپ قوبۇل قىلىش؛ ئۈچۈنچىدىن، ئاياللار مەسىلىسىنى ھەل قىلىش ئۇسۇلىنى سىناپ بېقىش، يەنى ۋاتىلداش ئارقىلىق كۆڭلىدىكىنى ئېيتىش كېرەككەن.

                                        شىنجاڭ قانۇنچىلىق گېزىتى