ئېيىتقىم كەلمەس ناخشىلارنى ئېيتىمەن
كۆڭلى تارىتماي تاماق يىگەن بالىدەك.
ئىچ-ئىچىمدىن پىغان ئۆرلەپ تۇرسىمۇ،
قۇنۇۋالدى گۈل ئۇستىگە كېپىنەك.
+++++++++++++++++++++
بىراق مېنىڭ بىر دەستىمۇ گۇلوم يۇق،
ناخشىلارنى ئەركىلەتكەن بەرگىدە.
ئەزرائىلغا شېئىر ئۇقۇپ بېرىمەن،
سۆيگۇ،ئاشىق،ھايات،ئۆلوم..ھەققىدە.
++++++++++++++++++
بۇ دۇنيادا قۇدرەتلىكتۇر ھەممىدىن ،
كۆزياشلىرى سېمۇۋۇللوق بالىلار.
مەنمۇ تىخى بالا ئىدىم تۇنۇگۇن ،
خياللىرى يۇلتۇزلارنى يىغلىتار.
++++++++++++++++++++++
بالىلىقىم يۈرىكىمنى قىلسا قان،
كېپىنەككە ئايلانغىملا كىلەتتى.
قىزىل گۈلۈم ئاشۇ قاننىڭ ئچىدە
بىر جەسەتنىڭ بارلىقىنى بىلەتتى.
++++++++++++++++++++
رېئالىققا يۇزلەنمەسكە نە ئامال،
تاشلاپ كەتتى مېنى گۈل ھەم كىپىنەك ،
كۈن نۇرىدىن زىرىكمىگەن تاغ كەبى،
زىرىكمىدى ئاھ ئۇرۇشتىن بۇ يۇرەك.
----------------------------
          پىياز
بىر باش پىياز ئىدىم مەن گۇيا،
قەۋەت-قەۋەت دەردكە ئورالغان .
تۇغرالغاندا بىر قەۋەت قېنىم
ۋاقىرايدۇ تاغلار پەرىشان.
++++++++++++++++
ئېچىشىدۇ يارىمنىڭ كۆزى،
كۈلومسىرەپ سالغاندا پىچاق .
ھېچكىم ئۇيلاپ باقمىغان بىلەن ،
مېنىڭ باغرىم قان تۇلغان بۇلاق.
+++++++++++++++++++++
بۇ بۇلاقتا يۇيۇنمايدۇ ئاي،
قۇللىرىنى سۇنمايدۇ يۇلتۇز،
غەمگە پاتقان تاغنىڭ كەيندىن .
بىر باش پىياز ئەگىشەر يالغۇز.
++++++++++++++++++
بىر كۇبلىتلىق قۇشاقتەك گۇيا،
تۇيۇلماقتا سرلىق ئۆتمۇشۇم.
قايتا-قايتا ئۇقۇيدۇ ئۇنى
پىياز بۇلوپ تۇغرالغان گۈلۈم .
مەنبە :ئىلى دەرياسى ژۇرنىلى 2008-5-سان ئاپتۇرى:شىنجاڭ ئىقتىساد گىزىتىدىن قەيسەر تۇرسۇن .

شېئىرنى ياخشى يېزىپتۇ. مەنغۇ شېئىر يازالمايتتىم. تۇرۇپلا قوشاق يازغىم كېلىپ قالدى.

بىر كۇپلىت شېئىردەك قسىلدىم  ئەجەپ
ھەر مىسرا قوينىدا تولغىنىپ نەچچە.
ئارزۇيۇم يېزلسا  قېپقىزىل بولۇپ،
ئېچلاتتى پورەكلەپ  مىڭلىغان غۇنچە.

كەتمدىم تېخىچە پتىمدىن يېنىپ، 
ياشايمەن ئۆزۈمنىڭ داستانلىرىدا. 
چىن تۆمۈر باتۇردەك ئوغۇز بۇۋامدەك  
تىكلەيمەن  ئابىدە ئانا تۇپراقتا.