خەلق گېزىتى تورى 8 -ئاۋغۇست خەۋىرى: 8 -ئاۋغۇست نەشىردىن چىققان «يەرشارى ۋاقىت گېزىتى» نىڭ خەۋىرىگە ئاساسلانغاندا، كورىيە پۇقرالىرى جۇڭگونىڭ يىمەكلىك ۋە دورىلىرىدىن قاتتىق ئەنسىرەشكە باشلىغان، كورىيەدىكى ئۈچ چوڭ تېلىۋىزىيە ئىستانسىىسىنىڭ بىرى بولغان SBS تېلىۋىزىيە ئىستانسىسى 6- ئاۋغۇست كەچ كورىيەدە جۇڭگونىڭ «ئادەم گۆشى كاپسۇلى» بايقالدى دىگەن تېمىدىكى پروگراممىنى خەۋەر قىلغاندىن كېيىن، خەلىقنىڭ كۆڭلىدە قورقۇنۇش پەيدا بولۇشقا باشلىغان.
بۇ پروگراممىدا SBS تېلىۋىزىيە ئىستانسىسى جۇڭگونىڭ قىسمەن دوختۇرخانىلىرىدا ئۆلگەن بوۋاقلارنى سېتىش ھەمدە ئادەم «گۆشى كاپسۇلى» ياساش ئەھۋالىنى بايقىغانلىقىنى ئېيتقان. پروگراممىدا يەنە ئاگاھلاندۇرۇش بىرىپ، قىسمەن «ئادەم گۆشى كاپسۇلى» نى كورىيەلىكلەر ئاللىقاچان ئىستىمال قىلدى دىيىلگەن. مەزكۇر خەۋەرلەر گۇرۇپپىسى بىۋاستە جۇڭگوغا كىلىپ، ئەسلى ماتىرىيال ساتىدىغان دوختۇرخانىنى ئىزدەپ تاپقان ھەمدە «ئادەم گۆشى كاپسۇلى» ياساش جەريانىنى كامىراغا ئېلىۋالغان، «ئادەم گۆشى كاپسۇلى» ياساش جەريانى ئىنتايىن قورقۇنۇشلۇق بولغانلىقتىن كۆپ قىسىم كۆرۈنۈشلەر غۇۋا بولۇپ قالغان، بىراق قىسمەن كۆرۈنۈشلەر ئىچىدىن چاچ ۋە تىرناق پارچىسى بايقالغان.
مۇناسىۋەتلىك كىشىلەرنىڭ ئېيتىشىچە، بۇ خىل قۇۋۋەت قىلىش ئۈنۈمىگە ئىگە بولغان «ئادەم گۆشى كاپسۇلى» نىڭ كۆپ قىسىمى جۇڭگو،چاۋشىيەن مىللىتى ئارقىلىق كورىيەگە كىرگەن، ھەمدە سېتىلىش باھاسى جۇڭگو بازىرىدىكىدىن ئون ھەسسە يۇقىرى بولغان. خەۋەرنىڭ چىنلىقىنى ئاشۇرۇش ئۈچۈن پروگرامما ئىشلەش جەريانىدا دۆلەتلىك تامۇژنا بېجى نازارىتى ۋە ئىلىم-پەن تەكشۈرۈش ئاكادىمىيىسىنى خېمىيىلىك تەكشۈرۈش ئېلىپ بېرىشقا تەكلىپ قىلغان. نەتىجىدە تەكشۈرۈپ چىققاندىكى DNA ۋە گىننىڭ %99.7 ى ئادەملەر بىلەن ئوخشاش چىققان.
پروگراممىنى كۆرگەندىن كېيىن كىشىلەر ئارىسىدا ناھايىتى كۆپ غۇلغۇلا پەيدا بولۇپ، بۇ قىلمىشنى ئادەم قېلىپىدىن چىققان ھەرىكەت دەپ باھا بىرىشكەن.
خەلق تورىدىن dolqun تەرجىمە قىلدى.
مەنبە:
http://news.okyan.com/View.aspx?ID=2729
كەڭ ساي مۇنازىرە مۇنبىرى » مەمىلكەت خەۋەرلىرى » كورىيە ئاخباراتى جۇڭگو «ئادەم گۆشى كاپسۇلى» ياسىدى دەپ بىلجىرلىدى. 
