ئىشلىتىش
بۇ مەزمۇن 5قەۋەتتىكى almiliq نىڭ 2011-07-30 12:22 يوللىغان يازمىسىغا نەقىل :
ئۇيغۇر 145-نومۇرلۇق يولداش، سىز دەپ بېقىڭە سىزمۇ بىر تور پۇقراسىغۇ، سىز ئۇيغۇر تور بەتچىلىكىگە قانداق تۆھپىلەرنى قوشۇۋاتىسىز، ياكى سىز بىرەر شىركەتنى قۇرغان، ئىشسىزلارنى ئىشقا ئورۇنلاشتۇرغان، ئىنساننىڭ ئەڭ تۆۋەن، ئەڭ ئىپتىدائىي ئىھتىياجى بولغان قورساق بېقىش غېمىدىن خالاس قىلىۋاتقان ساخاۋەت ئىگىسىمۇ، يە؟ سىز تۇخۇمدىن تۈك ئۈندۈرۈپ، باشقىلاردىن قۇسۇر تاپمىسىڭىز كۆڭلىڭىز تىنچ تۇرمامدۇ، قانداق؟
سىزگە سەمىمىيلىك بىلەن دەپ قوياي قېرىندىشىم: ھازىرقى جاھان غەيۋەت قىلىدىغان دەۋر ئەمەس، بىزگە ئەمەلىي ئىش قىلىدىغانلار لازىم، خەققە 1 -تيىن چاغلىق ياردەم، ياخشلىق قىلسىڭىز مانا بۇ سىزنىڭ تۆھپىڭىز، بۇنى ھەر بىر مۇسۇلمان پەرزەنتى چۈشىنىپ يېتەلەيدۇ، ھەم << ياخشى سۆز ئۆزى بىر ساۋاپ >> دىگەن ئەقىدە بىلەن خەققە دىل ئازارى قىلمايدۇ.
چاقىرىق : خەلقئاراغا تونۇشلۇق مىللىي كارخانىمىز ئارمان، ئىخلاس، ئامىنە قاتارلىق داڭلىق شىركەتلەر ئۈستىدە قىلىنغان پىتنە -پاساتلارغا قۇلاق سالمايلى قېرىنداشلار.......
ئاۋال سىزگە ئەسكەرتىپ ئۆتۈش كىرەك بولغان مۇھىم مەسىلە:مىنىڭ ئۇيغۇر تور دۇنياسىغا قانداق تۆھپە قوشىۋاتقىنىمنى سوراپ يۈرمەڭ.قولۇمنى يۈرىكىمگە قويۇپ دىيەلەيمەنكى مەن ئۇيغۇر تور دۇنياسىغا،توردىكى مىھنەتكەشلەر ئۈچۈن ئاز بولسىمۇ قولۇمدىن كىلىشىچە بىر ئىشلارنى قىلدىم،قىلىۋاتىمەن..ئاللاھ خالىسا بۇنىڭدىن كيىن كەڭ كۆلەمدە پائالىيەت ئىلىپ بارماقچى.تور دۇنياسىدا قىلغان ھىچبىر ئىشىمنى مەن قىلدىم دەپ دەۋراڭ قىلغىنىم يوق.چۈنكى مىنىڭ مەن ئۇنداق مۇنداق ئىش قىلغان دەپ قۇرۇق شۇئار توۋلاش بىلەن خوشۇم يوق.(سەمىمىي پىكىرىم شۇكى : مىنىڭ بۇ سۆزلىرىمگە ئىشەنسىڭىز بولىدۇ.ئەگەر ئىشەنچ قىلالمىسىڭىز ۋە ياكى باشقىچە قاراشتا بولسىڭىز چ چ نى قالدۇرۇڭ.سىز بىلەن مەلۇم ۋاقىتتا ئالاقىلىشىمەن.قالغىنىنى شۇ ۋاقىتتا بىلسىڭىزمۇ كىچىكمەيسىز)
ئىككىنجى سۇئالىڭىزغا بىرىدىغان جاۋابىم؛توغرا مەن سىز دىگەنگە ئوخشاش شىركەت قۇرغان يۈزدىن ئارتۇق ئادەمنى ئىشقا ئورۇنلاشتۇرغان بىر ئادەم.خەير-ساخاۋەت ئىشلىرىغا كەلسەك بۇنىمۇ دەۋراڭ قىلىپ يۈرۈشنىڭ ئورنى يوق..
تۇخۇمدىن تۈك ئۈندۈرۈپ دىگەن ماۋۇ گىپىڭىزگە بىرىدىغان جاۋابىم : مەن تۇخۇمدىن تۈك ئۈندۈردۇممۇ ياكى سىزنىڭ كۆزلىرىڭىز ھەقىقەتنى كۆرمەيۋاتامدۇ؟ تۇخۇمدىن تۈك ئۈندۈرۈش دىگەن بۇ ئاتالغۇنى يوق يەردىن گەپ تاپقانلارغا ئىشلىتىمىز.ئۇنداقتا مەن تۇخۇمدىن تۈك ئۈندۈرگەن بولسام ئۇنداقتا سىز ماڭا رادىل ئابلانىڭ ئارمان شىركىتى مەھسۇلاتلىرىنىڭ ئۇيغۇرچە تور بەتلەردىكى ئىلانىدىن بىرنى كۆرسىتىپ قويمامسىز.ئۇيغۇرچە شىركەتلەرگە ئىلان قويمىغان ئىكەن تور دۇنياسىنى قوللىمىدى دىگەن گەپ.
تور ئىلانىغا كەلسەك دۇنيادىكى ئەڭ چوڭ تور شىركەتلىرىدىن گۇگلى شىركىتى ۋە فەيس بۇك قاتارلىقلارنىڭ يىللىق ساپ ئىلان كىرىمىلا مىليارد دوللارلىق ئۆتكەلدىن بۆسۈپ ئۆتىدۇ.ئارمان شىركىتى،رادىل ئابلا ئەگەر تور ئىلانى ئۈنۈمسىز دەپ قارىسا گۈگىل شىركتى قاتارلىق تور شىركەتلىرىنىڭ تاپقان پۇللىرى ئاسماندىن ياغقان بولماي نېمە؟يەنە شۇ تور ئىلانىنىڭ ئۈنۈمى بولمىسا نىمىشقا دۆلىتىمىزدىكى نۇرغۇن شىركەتلەر مەھسۇلاتلىرىنىڭ ئىلانلىرىغا تور بەتلەرگە قويىدۇ.نىمىشقا ئىلاننى تور ساھەسىگە يۈزلەندۈرىدۇ.ئۇنتۇپ قىلىشقا بولمايدىغان مۇھىم مەسىلە شۇكى بىز كۈندە قاقشايدىغان تىلىۋىزىيەگە نۇرغۇن كىشىلەر قىززىقماس بولۇپ كەتكىلى تۇردى.ئۆزۈمنى ئىلىپ ئېيتسام تىلىۋىزۇر دىگەن نەرسىگە قاراپ باقمىغىلى يەتتە يىل بوپتۇ.ئەتراپىمدا ساپلا تور مۇھىتى.شۇنداق بولغان ئىكەن مەن مەھسۇلات ئىلانلىرىنى ۋە يىڭى مەھسۇلاتلارغا قارىتا چۈشەنچىلىرىمنى توردىن كۆرىۋاتىمەن بىلىۋاتىمەن.
قوشۇپ قويۇشقا تىگىشلىك بولغان يەنە بىر نۇقتا:دۇنيادىكى بىرىنجى باي نامىنى ساقلاپ كىلىۋاتقان بىل.گايتىس ئەپەندىم ئىنتىرنىت تورىغا سەل قارىغانلىقى ئۈچۈن مەشخۇلات سىستىما ساھەسىدە گىگانتلىق ئورنىنى ساقلاپ كىلىۋاتقان بىلەن تور ساھەسىدە گوگىل ، فەيس بۇك قاتارلىق شىركەتلەرگە ئۇتتۇردى.
غەيۋەت قىلىش مەسىلىسىگە كەلسەك مەن ئۆزۈمنىڭ پىكىرىنى دادىللىق بىلەن بايان قىلىۋاتىمەن.ئەگەر رادىلاخۇننىڭ تىلفۇن نۇمۇرىنى تاپالىغان بولسام بۇ يەرگە ئىنكاس يوللاپ ئاۋارە بولۇپ يۈرمەيتتىم.بىلىدىغانلار بولسا ئىنكاسىمنىڭ مەزمۇنىنى يەتكۈزۈپ قويۇڭلار...
سەمىڭىزگە سىلىپ قويىدىغان مۇھىم بىر مەسىلە شۇكى: ئۇيغۇرچە ماركىلىق مەھسۇلاتنىڭ ھەممىسى ئۇيغۇرنىڭ بولمىغاندەك ئۇيغۇرچە ئىسىم قويىۋالغان كارخانىلارنىڭ ھەممىسى ئۇيغۇرنىڭ ھىساپلانمايدۇ.مەبلەغنى ئاللاكىملەر چىقىرىپ شىركەت باشلىقلىقىغا ئۇيغۇرنى چىقىرىپ قويسا ئۇ شىركەت يەنىلا ئۇيغۇرنىڭ بولمايدۇ.
مىنىڭ پىكىرىمنى خاتا چۈشىنىۋىلىپ ئۆزىنى مىللەت سۆيەر پىداكار ساناۋاتقان تورداشلار دىققىتىگە:
مەن ئارمان شىركىتىنىڭ غەيۋىتىنى قىلىپ ئۇ شىركەتنىڭ مەھسۇلاتلىرىنى سىسىقكەن،ئوسۇرۇقكەن ، ئاچچىق ياكى تاتلىق دىگەندەك گەپلەرنى قىلمىدىم.كاللىسى بار ھەربىر تورداش تىلىۋىزۇردا تارقىتىلىۋاتقان ئارمان،ئىخلاسنىڭ ئىلانىغا دىققەت قىلىپ باقايلى.بۇ ئىككى شىركەتنىڭ تىلىۋىزىيە ئىلانى ئۈچۈنلا خەجلەيدىغان پۇلى مىليۇن يۇەندىن ئاشىدۇ.تور ئىلانىنىڭ كۇرسى ئىشىۋاتقان بۇگۈنكى كۈندە ئۇيغۇرنىڭ ئەڭ چوڭ شىركەتلىرى ھىساپلىنىدىغان ئارمان شىركىتى ھىچبىر تور بەتكە مەھسۇلات ئىلانى بىرىپ باققىنى يوق.ئۇيغۇر تورچىلىقى ئۈچۈن بىر كەتمەن توپا تاشلىغىنى يوق.(ئارمانغا قارىغاندا ئىخلاسنىڭ تىرىقتەك بولسىمۇ ئىنساۋى باركەن، قارىسام بۇ قىتىم مىسرانىم تورىغا ئىلانىنى قويۇپتۇ.)ئەجىبا دۇنياۋىي كارخانىلار تور ئىلانىغا يۈزلىنىۋاتقان بۈگۈنكى كۈندە ئارمان شىركىتى تور ئىلانىدىن كۆرىنەرلىك نەتىجىگە ئىرىشەلمەسمۇ.تىلىۋىزىيە ئۈچۈن خەجلىگەن مىليۇندىن ئاشىدىغان ئىلان پۇلنىڭ نەچچە ئوندەن بىرىنى تورغا سەرپ قىلىپ تور ئىلانچىلىق كەسپىگە يۈرۈش قىلالماسمۇ؟ئۈنۈمى بولمايدۇ ئەمەس بولىدۇ.بەلكىم رادىلكام ئىم بى ئەي دە ئوقىغان ، خەنسۇچە سەۋىيسى يۇقىرى بولغاچ ئۇيغۇرچە تور بەتلەرگە كىرمەسلىكى مۇمكىن.ئۇ ئادەم كىرمىسىمۇ توربەتلەرگە ئىلانلىرى كىرسە بولاتتى...
تور بەتكە ئىلانى كىرسە ئۇيغۇر تورچىلىقى ئۈچۈن نىمە پايدىسى بولىدۇ دەپ ئويلاپ قىلىشىڭىز مۇمكىن.مىسرانىم تورىنىڭ قۇرغۇچىسىنى تىلغا ئالساق ئۇ يىگىتنىڭ ئىككى پۇتى مىيىپ بولغاچ باشقا كىرىم مەنبەسىدىن پايدىلىنىش ئىقتىدارىدىن قالغان.ئولتۇرۇپ تور بەت ياساش ۋە باشقا تىخنىكىلىق ئىىشلارنى قىلىش ئارقىلىق تۇرمۇشىنى قامدايدۇ.تور ئىلانى بولغاچقىلا بارلىق تور بەت ئىگىلىرى گۇگىل ، بەيدۇ، قاتارلىق ئىلانلارنى قويۇپ كىرىم قىلىدۇ.تور بەتچىلەر تور ئارقىلىق پۇل تاپالىسا،تارتقان ئەجرىگە چۈشلۇق نەتىجىگە ئىرىشەلىسە يىڭى-يىڭىدىن خەلىقئارادا قىززىق نۇقتا بولىۋاتقان بىلىملەرنى بىزگە يەتكۈزەلەيدۇ(ئارمان شىركىتى پەقەت سوپۇن-گۇگۇت،پارشۇك-تالقاننىلا تەمىنلىيەلەيدۇ خالاس)ھەممىمىز ئىغىزىمىزنى ئىچىشىپ ئاھ-ۋاھ دىيىشىپ قىززىقىپ كۆرىۋاتقان تور بەتلەرنى قۇرۇشقا پۇل كىتىدۇ..كىتىدىغان شۇ پۇلنىڭ مەنبەسى دەل ئاشۇ ئىلاندا بولغانلىقى ئۈچۈن شۇنىڭغا تايانماي ئامان بولمايدۇ.كارخانىلار ئىلان قويمىسا،بىكىنىپ يىتىۋالسا ، تىلىۋىزىيەگە مىليۇنلاپ خەجلىسە چىداپ ، تور بەتلەرگە ئون مىڭلاپ خەجلەشكە مۇدىرىيەت يىغىنى ئىچىپ يۈرسە مىللىتىمىز تەرەققىي قىلىپ ئارمان شىركىتى ئاي شارىغا بىنام يەر ئاچىدۇ.شۇ ۋاقىتتا ئۇيغۇرىمىزنىڭ ئاي شارىدا تىرىلغۇ يىرى بولۇش چۈشى ئەمەلگە ئاشىدۇ.
كۆزىمىز كۈندە كۆرۈپ تۇرىدىغان ھەقىقەت: ئۇلىنىش س ن تورىنى ۋە قۇرغۇچىسى نىزامىدىننى تىلغا ئالايلى: 1500 يۇەن بىلەن ئۇلىنىش تور نامىنى سىتىۋالغان(كوچا خەۋىرى) نىزامىدىن تور بىتى ئارقىلىق ئىلاندىن كىرىم قىلىپ نۇر تورى، ئۇچۇر تورى،ئۇلانما تورى قاتارلىقلارنى بارلىققا كەلتۈردى.تورغا چىقىدىغانلار بىلىشى مۇمكىن ئۇلىنىش تورىنىڭ ئىلان كىرىمى ھەرقانداق بىر ئۇيغۇرچە توربەتنىڭ ئىلان كىرىمىدىن يۇقىرى.شۇ كىرىم بولغاچقا نىزامىدىن ھازىر ھەممە ئادەم كۈندە كۆرمىسە،مىھمان بولمىسا تۇرالمايدىغان ئۇچۇر تورى ، نۇر تورىنى قۇرۇپ كەڭ تورداشلارنىڭ ئەڭ يىڭى دۇنيا ۋەزىتىدىن،كۈندىلىك تۇرمىشىمىزدىكى ئۇچۇرلاردىن بىزنى خەۋەردار قىلىپ تۇرىۋاتىدۇ،ھەممىمىز كۆرىۋاتىمىز،پايدىلىنىۋاتىمىز.ئىشقىلىپ يامان ئەمەس.ئەمدى سوراپ باقسام ماۋۇ تېمىدىكى مىللەتپەرۋەرلىرىمىزدىن قايسىڭلار نىزامىدىنغا پۇل بىرىپ تۇردۇڭلار،ياكى مۇشۇنچىلىك تور بەت قۇرۇپ ياخشى ئىش قىپسىز دەپ كۆڭلۈڭلارنى بىلدۈردۇڭلار...(نىزامىدىن ھىچكىمنىڭ كۆڭۈل بىلدۈرىشىچە ئىھتىياجلىق ئەمەسكى نۇرغۇن كارخانىلار ئۇنىڭ تور بەتلىرىگە ئىلان قويۇشقا مۇھتاج)
خۇلاسە كالام:ئۇيغۇر تور بەتلىرىگە كارخانا،مەھسۇلات ئىلانلىرىنى قويۇپ تور بەتچىلىكىمىزنى ئازراق بولسىمۇ ئىېقتىسادى ئاساس بىلەن تەمىنلەۋاتقان بارلىق كارخانىچىلىرىمىزغا تەشەككۈر.بىيىپ كىتىڭلار،مەھسۇلاتلىرىڭلار بازار تىپىپ كەتسۇن.ئىشىڭلار يۈرۈشۈپ كەتسۇن.تورغا كۆڭۈل بۆلمىگەن كارخانىلارنىڭ كۈلى كۆككە سورۇلسۇن.
