chinaz تورىنىڭ 5-ئاينىڭ 25-كۈنىدىكى خەۋىرى، بىر قانچە يىلدىن بىرى، تېڭشۈن QQ ھەقىقىي نام تۈزۈمى توغرىسىدىكى بەس-مۇنازىرىنىڭ قۇيرۇقى ئۈزۈلمىدى.نۆۋەتتە تورداشلارنىڭ تورغا چىقىش ئادىتىدە خېلى ئۆزگىرىش يۈز بەرگەن. شۇ نۇقتىدىن ئېلىپ ئېيتقاندا، ھەقىقىي نام تۈزۈمى يامان ئىشى بولمىسا كېرەك. ئەگەر بۇندىن كېيىن ھەممە ھەقىقىي ئىسىملىشىپ كەتسە، ئۇنداقتا توردا پاراڭلىشىشنىڭ مەززىسى قالارمۇ؟ مۇشۇ ئاينىڭ 20-كۈنىدىن باشلاپ، تېڭشۈن QQ ھەقىقىي ئىسىم بىلەن توردا سۆزلىشىش تەسىرات پائالىيىتىنى يولغا قويغان بولۇپ، ھەر كۈنى 20 مىڭ ئادەم تەكشۈرۈلۈپ تەستىقلانغاندىن كېيىن، 6-ئاينىڭ باشلىرىدا بۇ يېڭى تىپتىكى ئابونتچىنى (QQ2011 Beta3) سىناق تەرىقىسىدە ئىشلىتىدىكەن ھەمدە 6-ئاينىڭ ئوتتۇرىلىرىدا باشقا ئابونتلار بۇ يېڭى نەشردىكى QQ نى ئىشلىتىدىكەن. تېڭشۈننىڭ ھەقىقىي نام بىلەن سۆزلىشىش پائالىيىتى تور بېتىگە «يېڭى نەشردىكى QQ دا ھەقىقىي نام بىلەن سۆزلىشىشنى ئېچىش» دېگەن خەت چوڭ قىلىپ يېزىلغان بولۇپ، بۇ راستىنىلا تېڭشۈن QQ نىڭ پۈتۈنلەي ھەقىقىي ئىسىم تۈزۈمىنى يولغا قويۇشىدىن دېرەك، بېرەرمۇ؟
مەزكۇر تور بەت ئارقىلىق، مۇخبىرلار تىزىملىتىپ سىناپ كۆرگەندە، سىستېمىدا«سىز ئاۋۋال ‹تېڭشۈن دوستلار› نى ئىلتىماس قىلىڭ ھەمدە باش سۈرىتىڭىزنى تەكشۈرۈش ئۆتكۈزۈڭ» دېگەن ئۇچۇر كۆرۈنگەن. دېمەك، بۇنىڭدىن قارىغاندا، ھەقىقىي نامدىن باشقا يەنە ھەقىقىي رەسىمنى تەمىنلەش كېرەك، ئىكەن. ئۇنىڭدىن باشقا، «تېڭشۈن دوستلار» دىكى دوستلارنىڭ سانى 20 دىن كۆپ بولۇشى ھەمدە شەخس ئۇچۇرلىرىغا ھەقىقىي ئىسىم ۋە ھەقىقىي ئې-خەت ئادرېسىنى تولدۇرۇشنى تەلە قىلىدىكەن.
ئەگەر يۇقىرىدىكى تەلەپلەر راستىنىلا ئىجرا قىلىنىدىغان بولسا، ئۇنداقتا تېڭشۈننىڭ ھەقىقىي نام تۈزۈمى ناھايىتى مۇكەممەل بولغان بولىدۇ. چۈنكى، «تېڭشۈن دوستلار» نى ئىلتىماس قىلغان ۋاقىتتا، بىر قەدەر يۇقىرى بولغان ھەقىقىي ئىسىم گۇۋاھلىقى تەلەپ قىلىنىدۇ. بۇ تەلەپلەر ھەقىقىي ئىسىمدىن باشقا، تۇغۇلغان كۈن، تۇغۇلغان جاي، ئوقۇش پۈتتۈرگەن مەكتەپ ھەمدە خىزمەت ئورنى قاتارلىق ھەقىقىي شەخسىي ئۇچۇرلارنى ئۆز ئىچىگە ئالىدىكەن.
2005 -يىلى 7-ئاينىڭ 20-كۈنى داغدۇغىلىق ھالدا ھەقىقىي نام تۈزۈمى پائالىيىتىنى ئېلان قىلىپ، QQ توپى قۇرغۇچى دەرىجىلىك باشقۇرغۇچىلارنىڭ ھەقىقىي نامدا تىزىملىتىشىنى ئەمەلىيلەشتۈرگەنىدى. ئەممە نۆۋەتتىكى ئىجرا بولۇش ئەھۋالىدىن قارىغاندا، بۇ ئىشنىڭ بېشى بار، ئايىغى يوق ئىكەنلىكىنى كۆرۈپ يېتىمىز. چۈنكى ھازىر تورداشلار يېڭى توپ قۇرماقچى بولسا، ئۇلار ھەقىقىي نام چەكلىمىسىگە ئۇچرىمايدۇ. بۇ قېتىم، تېڭشۈننىڭ ئوتتۇرىغا قويغان بۇ ئىشىنىڭ ئۈنۈمىنىڭ قانداق بولىدىغانلىقى توغرىسىدا ھېچنېمە دېگىلى بولمايدۇ».
ھەقىقىي نام تۈزۈمىنى ئورناتقاندىلا، ئاندىن تېخىمۇ كۆپ پۇل تاپقىلى بولىدۇ.
تېڭشۈن QQ خۇددى FaceBook، رېنرېن، كەيشىن قاتارلىق SNS (ئىجتىمائىي ئالاقە تۈرىدىكى تور بېكەتلەر) گە ئوخشاش ھەقىقىي نام تۈزۈمىنى تاللىدى. چۈنكى نام ئۇچۇرلىرىدىن پايدىلانغان ۋاقىتتا، SNS تور بېكەتلىرىدىكى ئېلانلارنىڭ ئېنىق ئۆلچەم دەرىجىسىنى Google Adsense قاتارلىق ئەنئەنىۋى ئېلانلارنىڭ ئېنىق ئۆلچەم دەرىجىدىن ئۈچ ھەسسە يۇقىرى ئورۇندا تۇرىدىكەن،
ئېنىق ئۆلچەمدىكى ئېلانلارنىڭ چېكىلىشىدىن كىرىدىغان غايەت زور ئېلان كىرىمى تېڭشۈن QQ ئۈچۈن ئېلىپ ئېيتقاندىمۇ ئوخشاش. ھەقىقىي نام تۈزۈمى جەريانىدا كىشىلەر توپىنىڭ يېشى، كەسپى، قىزىقىشى، تەرەپ رايونى، ئوقۇش تارىخى، ئوقۇغان مەكتىپى قاتارلىقلار خاسلىقلىرى ئارقىلىق ئېلان بەرگۈچى شىركەتلەرگە تاللاش ئىمكانىيىتى يارىتىپ بەرگەندە، گەرچە چېكىلىش تەننەرخى تۆۋەن بولسىمۇ، ئەمما ئۇ غايەت زور پايدا ئېلىپ كېلىدۇ. ئەگەر ئۇزۇن ئۆتمەي، سىزنىڭ QQ پاراڭلىشىش كۆزنىكىڭىزدە، ئەتراپىڭىزدىكى بىرەر شىركەتنىڭ ئېلانى چىقىپ قالسا، ھەمدە ئۇ ئېلان سىزنىڭ ياش قاتلىمىڭىزغا قىزىقىشىڭىزغا ماس كەلسە، سىز ئۇنى چەكمەي تۇرالامسىز؟
QQ ھەقىقىي نام تۈزۈمىنى سىز قارشى ئالامسىز؟
ھەقىقىي نام تۈزۈمى تېڭشۈن QQ ئۈچۈن غايەت كىرىم ئېلىپ كېلىشى مۇمكىن، ئەمما ئاددىي تور ئاممىسى ئۈچۈن ئېلىپ ئېيتقاندا، سىز ھەقىقىي نام تۈزۈمىنى قارشى ئالامسىز؟
شەھەر رايونىدىكى مەلۇم سۇغۇرتا شىركىتىدىكى جاڭ ئەپەندىم پېشقەدەم تورداش بولسىمۇ، ئەمما ئۇ ئې-خېتىگە ھەر كۈنى كېلىدىغان N دانە SNS تەكلىپىنى ئېچىپمۇ قويمايدىكەن. ئۇ ئۆز ۋاقتىدا ئىجتىمائىي ئالاقە تور بېكەتلىرىگە تېزىملىتىۋالمىغىنىنى تىلغا ئېلىپ ئۇ مۇنداق دېگەن:«ھازىر %90 يۇقىرى ئىجتىمائىي ئالاقە تور بېكەتلىرى ھەقىقىي نامدا تىزىمغا ئالدۇرۇشنى تەلەپ قىلىۋاتىدۇ. ئۇنىڭ ئۈستىگە جۇڭگودىكى نۇرغۇن شىركەتلەرنىڭ شەخسلەرنىڭ مەخپىيەتلىكىنى قوغدىشى ئانچە ياخشى ئەمەس، مەن خىزمەت جەريانىدا نۇرغۇن شىركەتلەرنىڭ ئابونتلارنىڭ مەخپىيەتلىكىنى پۇلغا ساتىدىغانلىقىنى ئۇچراتتىم، شۇڭلاشقا، مەن ھەقىقىي نام تۈزۈمىگە بىر خىل كۈچلۈك ۋەھىمە يوشۇرۇنغان دەپ قارايمەن». ئۇ ئوخشاشلا QQ غىمۇ شۇنداق قارايدىغان بولۇپ، بۇ ھەقتە مۇنداق دېگەن:«ئەگەر QQ مۇ ھەقىقىي نام تۈزۈمىنى قوللانسا، ئۇنداقتا، تورغا چېقىش بەك لاۋزا بولۇپ كېتىدۇ».
بلوگ تورىنىڭ قۇرغۇچىسى فاڭ شىڭ دوڭ (方兴东) مۇنداق قارىدى:«ھەقىقىي نام تۈزۈمىنىڭ بىر قىسمى ئىشلىتىلمەكچى بولسا، ئۇنى ئويلىشىپ بېقىشقا بولىدۇ. ئەمما، پۈتۈن ھەقىقىي ئىسىم جەزمەن پۈتكۈل ئالاقە تورى تەرەققىياتىغا بۇزغۇنچىلىق قىلىدۇ. مېنىڭچە، مۇنداق ئىككى تۈرلۈك مېخانىزم مەۋجۇت، بۇلارنى يەنىلا تورداشلار ئۆزى تاللىسۇن. ئالاقە تورىنىڭ تەرەققىيات نىشانى بولسا، ھەقىقىي نام تۈزۈمىنى تەۋسىيە قىلىدۇ، ئەمما ئۇنى مەجبۇرلىمايدۇ. ئۇنىڭدىن باشقا، ھەقىقىي نام تۈزۈمى نازارەت قىلىپ باشقۇرۇشقا پايدىلىق، بۇ ئارقىلىق تورداشلارنىڭ پىتنە-ئىغۋا ۋە ئۆسەك سۆز تارقىتىشىنىڭ ئالدىنى ئالغىلى بولىدۇ.
مەنبە:نۇر تورى
كەڭ ساي مۇنازىرە مۇنبىرى » ساياھەت كۆڭۈل ئېچىش » QQ دا ھەقىقىي نام بىلەن پاراڭلىشىشقا تەييارلىقىڭىز پۈتتىمۇ 
