ياش ژۇرنالىست، ئەدەبىي تەرجىمان، «جۇڭگو مىللەتلىرى» ژۇرنىلىنىڭ تۆھپىكار مۇھەررىرى، ئۇيغۇر تەھرىر بۆلۈمىنىڭ مۇدىرى خەمىت نېغمەت ئەپەندى 2011-يىلى 7-ئاينىڭ 22-كۈنى ئۈرۈمچىدە كېسەللىك ساۋەبى بىلەن بىزدىن مەڭگۈلۈك ئايرىلدى.    خەمىت نېغمەت، 1966-يىلى 1-ئاينىڭ 1-كۈنى غۇلجا شەھىرىدە تۇغۇلغان بولۇپ،  باشلانغۇچ ۋە ئوتتۇرا مەكتەبلەرنى غۇلجىدا ئوقۇغان. 1983-يىلى شىنجاڭ ئۇنىۋېرسىتېتىنىڭ سىياسەت فاكۇلتېتىغا ئوقۇشقا كىرگەن.  1987-يىلى ئوقۇش پۈتتۈرۈپ ھازىرغىچە دۆلەت مىللەتلەر ئىشلارى كۆمىتېتىنىڭ باشقۇرۇشىدىكى «جۇڭگو مىللەتلىرى» ژۇرنىلى تەھرىراتىدا ئىشلەپ كەلگەن ئىدى. بۇ مۇناسىۋەت بىلەن مەرھۇمغا بولغان چوڭقۇر تەزىيەمىزنى بىلدۈرىمىز. مەرھۇمنىڭ ئائىلە - تاۋاباتلىرى ۋە ئۇرۇق - تۇغقان، دوست - بۇرادەرلىرىدىن سەمىمىي ھال سورايمىز.  
ئىزاھات:  سۈرەت ۋە مەرھۇمنىڭ تەرجىمھالىغا ئائىت ئۇچۇرلار «يازغۇچىلار تورى»دىن ئېلىندى.

20-ئەسرنىڭ 80-يىللىرىنىڭ ئاخىرقى چاغلىرى ۋە 90-يىللىرىنىڭ باشلىرىدا "جۇڭگو مىللەتلىرى" نىڭ ئەسلىسى "مىللەتلەر ئىتتىپاقى" نىڭ ئىشخانىسى "شىنجاڭ گېزىتى" قورۇسىدا چاغدا ھەر كۈنى ئۇچرىشاتتۇق، ھەپتىدە بىرەر كۈن يىغىلىشىپ سىردىشاتتۇق!

سىرداش دوست ئىدۈك، ئون بەش يىل مۇقەددەم تىزىمىزدىكى ئوخشاش كېسەللىك ۋەجىدىن ئۇيغۇر شىپاخانىسىدا بىر بالنىتسىدا ئىككىمىز  يالغۇز بىر ئاي بىللەن داۋالىنىپ مۇڭداشمىغان گېپىمىز قالمايتتى، ھەر ئىككىمىزنىڭ قارىغۇچىمىز يوق ئىدى، چۈنكى مەرھۇمنىڭ جانابىي ھەق رەھمىتىگە بالدۇر كەتكەن خانىمى غۇلجىدا ئاغرىق ئىدى. تېخى، بۇلتۇر 7-ئاينىڭ 30-كۈنى  مەرھۇم ئاتامنىڭ نەزىرىگە كېلىپ ماڭا تەسەللىيلەر بەرگەن ئىدى، 8-ئاينىڭ 3-كۈنى مىللەتلەر نەشرىياتىدىن ساۋاقدىشىم ئەھمەتجاننى كەپتۇ، دەپ سىرداشلار يىغىلىپ مۇڭداشقان ئىدۈك،  مۇشۇ نەچچە يىل مابەينىدە تىرىكچىلىك قىيامەتلىرىدە پات-پات دىدار- مۇلاقاتتا بولالمىغان  ئىدۈك، مەرھۇمنىڭ چوڭ قىزى ۋە كېيىنكى قوشكېزەكلىرىنىڭ بېشىنى جانابىي ھەق سىيلاپ بەختىنى بەرگەي، مەرھۇمنىڭ ياتقان يېرى جەننەت بولغاي! ...

بۇ خەۋەر ماڭا بەكلا تەسر قىلدى ، ئاغىينىلەر، قادىرئاللاھ  بەرگەن تەننىڭ ساغلاملىقىنى ئۆزىمىز ئاسرايلى!

ياتقان يېرى جەننەتتە بولغاي، ئۇيغۇر ئەدەبىياتىنىڭ تۆھپىكارى ئىدى.

مەرھۇمنىڭ ياتقان جايى ئۇرۇمچىدىكى قەبرىستانلىقتىىكى بىر قەبىرىنىڭ ئىچىدە بولغاي. قىيامەت كۇنى قىلغان ياخشى ئەمەللىرى
يامان ئەمەللىرىدىن كۆپ بولسا ئاندىن ياتقان تۇرغان جايى جەننەتتە بولغاي.

تونىشاتتۇق.

رەھمەتلىكنىڭ ياتقان يىرى جەننەتتە بولغاي،«مىللەتلەر ژورنىلى»نى خىلى كۆپ كۆرەتتىم رەھمەتلىكنىڭ تۆھپىسى بىلەن مەزمۇنى كۈندىن كۈنگە ياخشى بولۇپ كىلۋاتاتتى ،ئۇنىڭ ئاخىرەتلىكىگە خەيرىلىك،ئائىلە تاۋاباتىغا سەۋىر تىلەيمەن

ئاللاھ ئىگەم ئۆزى ھەممىنى بىلگۇچىدۇر  ۋە كۆرۇپ تۇرغۇچىدۇر......قالۇ ئىننەللاھى ۋە ئىننە ئىلەيھى راجىئۇن...

سەۋىر قىلىڭ قىرىندىشىم  
ئاللا ھەممىزگە رەھىم قىلسۇن.

قالۇ   ئىننەلىللاھى   ۋە ئىننە  ئىلەيھى  راجىئۇن

جۇڭگو مىللەتلىرى...ژۇرنىلى ئىسىل ژۇرنال  بۇ ژۇرنالنى ئىسىل قىلغان خەمىت نىغمەت ئەپەندىدەك ،،بىلىملىك ،خەلىقپەرۋەر زىياللىرمىزدۇر،،مەرھۇم ۋاقىتسىز بىزدىن ئايرىلىپتۇ،،،،،،مەرھۇمنىڭ ئاخرەتلىكىنى بەرسۇن ،،،ئائىلىسگە سەۋىر تىلىيمەن...!