ئاسىيا كىندىكى تورى خەۋىرى، تورغا چىقىدىغانلاردىن QQنى بىلمەيدىغانلار بولمىسا كېرەك، ئەگەر سىز QQدا  دوستۇم ياكى ئۇرۇق-تۇغقىنىم دەپ بىلدىغان بىرەرسى سىزگە جىددى پۇل لازىم بولۇپ قالدى، ماڭا دەرھال پۇل سال دەپ ئۇچۇر يازسا قانداق قىلىسىز؟ ئۈرۈمچىلىك بىر قىزچاق مۇشۇنداق ئالداش ئۇسۇلى بىلەن باشقىلارنىڭ 50مىڭ يۈەن پۇلىنى ئالداپ كەتتى.

       7-ئاينىڭ 13-كۈنى ، مۇخبىر ئۈرۈمچى شەھەرلىك جامائەت خەۋىپسىزلىك ئىدارىسى توربىخەتەرلىكى تارماق ئەترىتىدىن ئىگىلىشىچە ، ساقچى تەرەپ يېقىندا QQدا ئالدامچىلىق قىلغان بۇ دېلونى پاش قىپتۇ.

      2011-يىل 4-ئاي ، توربىخەتەرلىكى تارماق ئەتىرتى تەڭرىتاغ رايونى ساقچىخانىسىدىن كەلگەن دېلو مەلۇم قىلىش تېلېغوننى تاپشۇرۋالغان بولۇپ ، بۇ دەل 3-ئاينىڭ 23-كۈنى سائەت 1دە لى xx نىڭ ئۆيىدە تورغا چىقىپ QQ دا پاراڭلىشىپ ئولتۇرسا ، تۇيۇقسىز ئېرىنىڭ QQسىدىن كامىرىدا پاراڭلىشىش ئۇچۇرى كەلگەن. لىxx ئەسلەپ مۇنداق دەيدۇ : كامېراسىدىكى سۈرەتتە كۆرۈنگىنى ھەقىقەتەن مېنىڭ ‹‹ئېرىم››،بىز بىردەم ئۇنى بۇنى پاراڭلاشقاندىن كېيىن ‹‹ئېرىم›› مال كىرگۈزدىغانغا پۇل كەملەپ قالدى، مېنىڭ كارتامغا 50 مىڭ يۈەن پۇل سېلىۋېتىڭ دېدى ۋە كارتا نومۇرنى بەردى. لى xx بانكىغا بېرىپ پۇلنى سېلىپ بولغاندىن كېيىن ئېرىگە تېلېغون قىلىپ پۇلنى سېلىپ بولغاندا ئاندىن ئېرىنىڭ ئەسلى تورغا چىقمىغانلىقىنى، QQ رىنىڭ ئوغرىلانغانلىقىنى، بۇنىڭ بىر ئالدامچىلىق ئىكەنلىگىنى بىلگەن ۋە دەرھال ساقچىغا مەلۇم قىلغان..

      ساقچىلارنىڭ تىرىشىش نەتىجىسىدە جىنايەتچى 6-ئاينىڭ ئوتتۇرلىرىدا قولغا ئېلىنغان ۋە جىنايىتىنى تۇللۇق تاپشۇرغان.  توربىخەتەرلىكى تارماق ئەترىتىدىن ئىگىلىگەن سانلىق مەلۇماتلاردا كۆرسىتىلىشىچە  ، بۇ يىل 6-ئايدا قوبۇل قىلغان ۋە پاش قىلغان توردا ئالدامچىلىق قىلىش دېلولىرىدىن 108 پارچە بولۇپ سانى بارغانسېرى كۆپىيىۋېتىپتۇ، بۇنىڭ ئىچىدە QQ دا ئالدامچىلىق قىلىش ، توردا ئايروپىلان بېلىتى سېتىش ئالدامچىلىقى قاتارلىقلار  70-80 پىرسەنتكىچە بولىۋېتىپتۇ ، ئۇنىڭ باشقا ئۆي ئىجارىگە بېرىشتە ئالدامچىلىق قىلىش قىلمىشىمۇ  بار ئىكەن. 
      ساقچىلار يەنە شۇنى ئەسكەرتىدۇ : QQ ئىشلەتكەندە ھوشيار بولۇش، ئاسانلىقچە باشقىلارغا ئىشىنىپ كەتمەسلىك ،ئەگەر پۇل ، مال-مۇلۇك ياكى شەخىسنىڭ مەخپىيەتلىكى ،ئىزەت - ھۆرمىتىگە تاقىلدىغان مەسىلىلەردە ئالاھىدە دىققەت قىلىش،مۇشۇ توغرىلىق پاراڭلاشقاندا قارشى تەرەپنىڭ سالاھىتىنى جەزىملەشتۈرگەندىن كېين ئاندىن داۋاملاشتۇرۇش .  ئالدىنىپ قېلىش ۋە بىھۇدە ئاۋارچىلىقتىن ساقلىنىش كېرەك.