ساتە سات
نۇرمۇھەممەت ئۆمەر(تۈمەن)
يېرىڭ بولسا يېرىڭ سات،مايسىللىرىڭ قوشۇپ سات
بىغىڭ بولسا بىغىڭ سات،تېرىكىڭنى قوشۇپ سات
ئۆيۈڭ بولسا ئۆيۈڭ سات ،چارۋا قويۇڭ مېلىڭ سات
بۇغداي قوناق ئېشىڭ سات، تۇزۇڭ يېغىڭ نېنىڭ سات
ئىلىم ئالماي ئىلىم سات،ئەمەل كەلسە ئېلىڭ سات
دوستىڭنى سات ئىنىڭ سات،كېرەك بولسا قېنىڭ سات
دوللارغا سات كويغا سات ،داستىخانغا تويغا سات
ئىلىكىڭدە بىرىنى سات ،بارلىقىڭنىڭ بارىنى سات
بويغا يەتكەن قىزىڭ سات،نىرىدىنمۇ نىرىغا سات
قۇرۇق يالغان گىپىڭ سات،دوراپ تۇرۇپ تولاپ سات
سەللە كىيىپ ھەدىس سات ،ساختا گەپنى زولاپ سات
پۇلنى كۆرسەڭ ئىمان سات ،خۇدانىمۇ قوشۇپ سات
كولاپ تىپىپ كوزاڭ سات ،نارىسىدە قوزاڭ سات
يىگىتلىرىڭ ۋىجدان سات،خوتۇنلىرىڭ ئېرىڭ سات
ئوغۇللىرىڭ كۈچۈڭ سات ،قىزباللىرىڭ تىنىڭ سات
قېزىپ يۈرۈپ يېيىپ سات ،ساتە يەنە ساتە سات
مەنبە:ئۆزۈم
