ئىراندا ئۈچ ئادەم دارغا ئېسىلدى

          تۈركىيەدە چىقىدىغان«http://www.netgazete.com»بۈگۈنكى خەۋىرى:
ئىران رادىيو-تېلۋېزىيەسىنىڭ خەۋىرىدە بىلدۈرۈلىشىچە،ئىراندا باسقۇنچىلىق ۋە قۇراللىق بۇلاڭچىلىق جىنايىتى ئۆتكۈزگەن ئۈچ كىشگە دارغا ئېسىش جازاسى بېرىلگەن.
        خەۋەردە بىلدۈرلىشىچە باسقۇنچىلىق ۋە قۇراللىق بۇلاڭچىلىق جىنايىتى  بىلەن ئەيىپلىنگەن ئۈچ كىشى سىستان-بەلۇجىستان ۋىلايىتىدە دارغا ئېسىلىدىكەن، سىستان-بەلۇجىستان تەپتىش مەھكىمىسىنىڭ باياناتىدا مۇنداق دېيىلگەن:خەلقنىڭ مال-مۈلكى،بىخەتەرلىكىگە تەھدىت سالغانلارغا ئىبرەت بولسۇن ئۈچۈن بۇ 3كىشگە كەڭ خەلق ئاممىسى ئالدىدا ئوچۇق-ئاشكارە دارغا ئېسىش جازاسى بېرىلدى.
        ئىران قانۇنلىرىدا قەستەن ئادەم ئۆلتۈرگەنلەر،باسقۇنچىلىق جىنايىتى ئۆتكۈزگەنلەر،قۇراللىق بۇلاڭچىلىق قىلغانلار،ئەتكەسچىلىك بىلەن شۇغۇللانغانلار غا قارىتا دارغا ئېسىش جازاسى بېرىلىدۇ دەپ بەلگىلەنگەن.

تۈركچىدىن ئۇيغۇرچىلاشتۇرغۇچى:ئىمىنجان تۇرسۇن ئۆزتۈرك