تۈركىيە ئاۋازى رادىيوسى خەۋىرى:
      سۈرىيەدىكى توقۇنۇشلاردىن ئۆزلىرىنى دالدىغا ئېلىش ئۈچۈن تۈركىيەگە كەلگەن سۈرىيەلىك مۇساپىرلارنىڭ سانى 10 مىڭدىن ئېىشپ كەتتى، كەلگەنلەر چېدىر شەھەرلەرگە ئورۇنلاشتۇرۇلماقتا.

     چېدىر شەھەرنى كۆزدىن كەچۈرگەن بىرلەشكەن دۆلەتلەر تەشكىلاتى (ب د ت) نىڭ پاناھلانغۇچىلار ئىشلىرى بويىچە تۈركىيە ۋەكالەتخانىسىنىڭ ئالىي كومىسسارى كارول باتچالېر، چېدىرنىڭ ئەھۋالىنىڭ ناھايىتى ياخشى ئىكەنلىكىنى قەيت قىلدى.

مۇساپىرلارنىڭ بارلىق ئېھتىياجلىرىنىڭ قامدالغانلىقىنى ئەسكەرتكەن كارل باتچالېر تۈركىيەگە رەھمەت ئېيتتى.

سۈرىيەدە 120 نەپەر ئامانلىق ساقلاش خادىمىنىڭ ئۆلتۈرۈلۈشىدىن كېيىنكى جىددىيچىلىك داۋام قىلماقتا.

ئەھۋالىنىڭ خەۋپ ئىچىدە ئىكەنلىكىنى ئىلگىرى سۈرۈپ دۆلەتتىن قاچقانلار ھاتاينىڭ يايلاداغى ۋە ئالتىنئۆزۈ ناھىيەلىرىدىكى چېگرا ئېغىزلىرى ئارقىلىق تۈركىيەگە كىرمەكتە.

     تۈركىيەگە كىرگەن 10 مىڭ 115 كىشى چېدىر شەھەرلەرگە ئورۇنلاشتۇرۇلدى. ۋەقەلەر ئەسناسىدا يارىلانغانلار ۋە باشقا بىمارلار بولۇپ جەمئىي 68 سۈرىيەلىكنى داۋالاش خىزمەتلىرى داۋاملاشماقتا.

     سۈرىيەدىكى توقۇنۇشلار تېخىمۇ ئەۋجىگە چىقىپ كەتكەن تەقدىردە كۆچۈش دولقۇنىنىڭ زورىيىپ كېتىشىدىن ئەندىشە قىلىنماقتا.

     يەنە بىر تەرەپتىن، تۇنجى قېتىم مەتبۇئات مەنسۇپلىرىنىڭ كىرىشلىرىگە رۇخسەت بېرىلگەن چېدىر شەھەردە، مۇخبىرلارنىڭ پەقەت رەسىم تارتىشىغىلا يول قويۇلدى.

ھەي نىمە بۇلۇپ كەتتى بۇ ئىشلار ، تۈركىيەنىڭ بۇ قېرىنداشلارغا ياردەم بەرگىنى باك ياخشى بوپتۇ.
اللە ھىم شۇلارنىڭ مۈشكىللىرنى ئاسان قىلغايلا، ھەم شۇ تۈرۈك قېرىنداشلىرمىزغا رەھمەت قىلغايلا.

نىمە ئىشلار بوپ كىتىپ بارىدۇ بۇ جاھاندا