ئەسسالاممۇ ئەلەيكۇم  كەڭساي مۇنبەر ئەھلى كەمىنە پىئانىس0999 دىن سىلەرگە ئوتلۇق سالام.  بۈگۈن كەڭساي مۇنبىرىگە يېڭى ئەزا بولۇش سالايىتىم بىلەن ھەرقايسىڭلارغا ئاددى ئىككى ئېغىز يۇمۇر سۇنماقچى...
  
       ئېغىر سەتچىلىك
بىر ئايال دوختۇرخانىنىڭ لېغىتىدا تۇغۇپ قويۇپ سەتچىلىككە چىدىماي ھۆڭرەپ يىغلاپ كېتىپتۇ.  سېستىرا قىز بۇ ئايالنى بەزلەپ بولالماي دوختۇرخانا باشلىقىغا خەۋەر قىپتۇ. ئەھۋالنى چۈشەندۈرۈپتۇ، دوختۇرخانا باشلىقى كېلىپ ئېسەدەپ يىغلاۋاتقان ئايالغا:
__ خانىم ئۆزىڭىزنى بېسىۋېلىڭ، بۇ ھېچقانچە سەت ئىش ئەمەس ھېلىمۇ تۆت تېمى بار لېغىت ئىچىدە يەڭگىپ قاپسىز.ئۆتكەن يىلى بولغان ئىشقا سېلىشتۇرغاندا بۇ ھېچقانچە ئىززار تارتقۇدەك ئىش ئەمەس..ئۆتكەن يىلى بىر ئايال دوختۇرخانا دەرۋازىسى ئادىدىلا تۇغۇپ قويغان ....
 دوختۇرخانا باشلىقىنىڭ گېپى تۈگىشى بىلەن ئۇ ئايال تېخىمۇ جار سېلىپ يىغلاپ كېتپتۇ ۋە:
__..ئۆتكەن يىلقى شۇ ئايالمۇ مەن ئىدىم ..
        سېلىشتۇرۇش
دوختۇر ئوپراتسىيەگە كىرىشتىن بۇرۇن يىڭى كەلگەن سېستىراغا ناركوز بۆلۈمدىن قويۇقلۇق دەرىجىسى %20لىك ناركوزدىن ئېلىپ چىقىشنى بۇيرۇپتۇ.سېستىرا كىرىپ كېتىپ بىردەمدىن كېيىن قويۇقلۇق دەرىجىسى%10لىك ناركوزدىن ئىككىنى ئېلىپ چىقىپتۇ ۋە دوختۇرغا:
__ناركوز بۆلۈمدىكى ئەركىشى بىرتال قويۇقلۇق دەرىجىسى%20لىك ناركوز بىلەن ئىككى تال%10لىك ناركوزنىڭ ئۈنۈمى ئوخشاش دەپ بەرگەنتى _دەپتۇ .بۇنى ئاڭلىغان دوختۇر ئاچچىقلىنىپ :
__سىز چىقىپ شۇ ئەركىشىدىن سوراپ بېقىڭ! ئۇ ئەگەر توي قىلماقچى بولۇپ 20ياشلىق تاپالمىسا 10ياشلىق ئىككى قىز بىلەن توي قىلسا ئوخشاش بولامدىكەن؟!
       موماي
 ئۈرۈمچىدىن غۇلجىغا قايتاشىمىزدا ئاغىنىمىزنىڭ ماشىنىسىغا چۈشۈپ ماڭغانىدۇق. يول ئۈستىدە بىر موماي ئۇچراپ قالدى ۋە ماشىنىغا چىقتى .بىردەمدىن كېيىن موماي شوپۇر ئاغىنىمىزغا :
__مېنى سانجىغا كەلگەندە ئويغىتىپ قويۇڭ __دەپلا ئارقا ئورۇندۇقتا ئۇخلاپ قالدى. ئارىدىن خېلى ۋاقىت ئۆتتى ، بىز پاراڭ بىلەن بولۇپ كېتىپ سانجىدىن ئۆتۈپ كېتىپتۇق .بىر ۋاقىتتا مېنىڭ ئېسمگە كېلىپ شوپۇرغا موماينىڭ گېپىنى ئەسكەرتىم. ئۇ ئاپلا  دەپ ماشىنىنى كەينىگە بۇراپ سانجىغا ماڭدى. خېلى ئۇزاق مېڭىپ سانجىغا قايتىدىن كەلدۇق. ئاندىن شوپۇر بېرىپ ئۇخلاپ قالغان موماينى ئويغاتتى:
__موما قوپسىلا سانجىغا كەلدۇق...
 ئۇيقىدىن كۆزىنى ئاچقان موماي ئاستا تۇرۇپ:
__ئويغىتىپ قويغىنىڭغا رەخمەت بالام...مۇشۇ يەردە چۈشۈپ تەرەت قىلۋالاي دېگەن....
    قەغەز يولۋاس
 بىر كۈنى توشقان كاستۇم بۇرۇلكىلىرىنى كىيىپ  شىبلىتلىرىنى مايلاپ پارقىرىتىپ كوچا ئارلاۋېتىپ بىر ئاشخانىغا كىرىپتۇ ،ۋە لەغمەن بۇيرۇتۇپتۇ.  بىر ھازا ساقلاپ بۇيرۇتقان لەغمەن ئەمدىلا چىققاندا توشقانغا تېلغۇن كېلىپ قېلىپ سىرتقا تېلغۇندا پاراڭلاشقىلى چىقىپ كېتپتۇ. بىر ھازا پاراڭلىشىپ قايتىپ كىرسە ،لەغمىنى يوق،تەخسىسى قۇرۇق تۇرغان  .ئاچچىقى بىلەن:
__يې ..ھارامتاماقلا!!! قايسىڭ لەغمىنىمنى يېدىڭ!  يېگىنىڭ قوپە  ئورنۇڭدىن!  __دەپ تۇرسا ، ئارقىسىدا ئولتۇرغان يولۋاس قوپۇپ:
__ھە ..مانا مەن يىدىم  گەپ باما..
توشقان بىر قارىۋېتىپ:
__ۋاي سىزمىتىڭىز ئاكا..مەنتەڭ كېرەكما ئاكا...
       بىخەستىلىك
 كوچىدا ماشىنامنى ھەيدەپ كېتىپ بېرىپ ،ئالدى تەرەپتە ھېسامكامنىڭ موتۇنى ئۇچۇرۇپ ھەيدەپ كېتىپ بارغانلىقىنى ،ئارقىسىدا ئولتۇرغان ئوغلىنىڭ چۈشۈپ قالايلا دېگىنىنى كۆرۈپ ،ماشىنىنى تېزلىتىپ يېتىشۋېلىپ :
__ھېسامكا  ئارقىڭىزدا ئولتۇرغان بالىڭىز چۈشۈپ قالايلا دەپتۇ...._دېسەم  ھېسامكام ئارقىسىغا قاراپ ئەجەپلىنىپ:
__ۋوي بالام ..ئاپاڭ قېنى؟
       چىش دوختۇرى
 بىر ئايال چىشىنى دوختۇرغا كۆرسەتمەكچى بولۇپ بېرىپتۇ، چىش دوختۇرى ئايالغا:
__ئاغزىڭىزنى ئېچىڭ
 ئايال:
__رەخمەت
 دوختۇر:
__نىمىگە رەخمەت دەيسىز؟
 ئايال:
__ئېرىم دايىم مېنى ئاغزىڭنى يۇم دەيتتى.
     جىنايەتچى
 تۈرمە باشلىقى تۈرمە ئىشىكىنى ئېچىپ:
__114نومۇر ! سېنى ئايالىڭ كۆرۈشكىلى ئىزدەپ كەپتۇ
__قايسى ئايالىم؟
__ۋوي سېنىڭ قانچە ئايالىڭ بارتى؟!
__ ...شۇ ..مەن قوش نىكاھلىنىش جىنايىتى بىلەن سولانغان.
       پوچى شاكىچىكلە
 ھەممەيلەن بىلىشىمىز مۇمكىن يۇرتىمىز غۇلجىدا باللا  ئۆز ئارا جىقراق  پو ئېتىپ قويىدۇ . بىر كۈنى 6_7ياشلىق ئىككى بالا دادىلىرىنى ماختاپ پو ئېتىپ قاپتۇ .بىرسى دەپتۇ:
__قارا مېنىڭ دادامچۇ قالتىس ئېنجىنىر ...ئالىپ تېغىنى دادام لاھىيەلىگەن جۇمۇ..
 يەنە بىرىمۇ بوش كەلمەي دەپتۇ:
__ قارا مېنىڭ دادامچۇ قالتىس مەرگەن..بىلەمسە ئۆلۈك دېڭىزنى مېنىڭ دادام ئېتىپ ئۆلتۈرۋەتكەن.
          كەچۈرۈڭ....
 تاڭسىڭنىڭ ئاچچىقى كېلىپ سۇنۋۇكۇڭنى چىمەنتاغقا قوغلىۋېتىپتۇ.  لېكىن ئۇزۇن ئۆتمەي پۇشايمان قىلىپ جۇباجىنى بېرىپ سۇنۋۇكۇڭنى قايتۇرۇپ ئەكىلىشكە بۇيرۇپتۇ.. بىر ھازا ۋاقىت ئۆتكەندىن كېيىن جۇباجى سالپىيىپ قايتىپ كەپتۇ ۋە:
__ئۇستاز. ئۇ مايمۇن خاپىلاپ قاپتۇ ،قايتمايمەن دەيدۇ_دەپتۇ..ئاچچىقى كەلگەن تاڭسىڭ شۇ ھامان چەمبىرەك ئەپسۇنىنى ئوقۇپتۇ... بىر ھازا دىن كېيىن ئاسماندىن بىر ئاۋاز كەپتۇ:
__كەچۈرۈڭ، سىز ئىزدىمەكچى بولغان ئابۇنت مۇلازىمەت رايۇنىدا ئەمەس....
         دۆت ئەسكەر
 قۇماندان مەشىق قىلغىنىغا 4يىل بولغان ئەسكەرلەرنى سىناپ باقماقچى بولۇپ ھەممىسىنى قارغا ئاتقۇزۇپتۇ.. ئارىدىن بىر ئەسكەر 10پاي ئوقنىڭ بىرسىنىمۇ تەككۈزەلمەپتۇ. بۇنى كۆرگەن قۇماندان ئاچچىقى بىلەن:
__ۋۇ نان قېپى! مۇشۇ ھالىڭغا ئۆزەڭنى ئەسكەر ھېساپلامسەن! بۇنداق دۆت ئەسكەر خەلىقنى قانداق قوغدىيالايدۇ! بۇنداق ياشىغۇچە بىر پاي ئوق بىلەن ئۆلىۋاساڭ بولمامدۇ!...
  بۇ گەپلەر ئۇ ئەسكەرگە بەك ئېغىر كېلىپ ،بۇرۇلۇپ يۈگرەپلا ئورمانلىققا كىرىپ كېتىپتۇ، ئۇزۇن ئۆتمەي بىر پاي ئوق ئاۋازى ئاڭلىنىپتۇ، قۇماندان ئىچىدە<بۇنداق دېمىسەم بوپتىكەن..>دەپ پۇشايمان قىلىپتۇ..لېكىن بىردەمدىن كېيىن ئۇ ئەسكەر يۈگرەپ قۇمانداننىڭ ئالدىغا كەپتۇ ۋە ئۇڭايسىزلانغان ھالدا:
__....دو..دو..دوكلات قۇماندان..شۇ ..ئۆزۈمگىمۇ تەگكۈزەلمىدىم.
         مەست
 بىر غىق مەست كىتاپخانىغا كىرىپ:
__ قوغۇن باما
 كىتابخانا باشقۇرغۇچىسى:
__بۇ كىتاپخانا ! قوغۇن ساتمايمىز __دەپتۇ .مەست چىقىپ كېتىپتۇ. ئەتىسى ئۇ يەنە دەلدەڭشىپ كىرىپتۇ:
__قوغۇن باما
  كىتاپخانا باشقۇرغۇچىسى ئاچچىقلىنىپ:
__ۋوي دېدىمغۇ! بۇ كىتاپخانا قوغۇن ساتمايمىز! __دەپتۇ.  مەست چىقىپ كېتپتۇ.  كىتاپخانا باشقۇرغۇچىسى ئۇنىڭ يەنە كېلىشىدىن ئەنسىرەپ كىتاپخانا ئىشىكى ئالدىغا يوغان قىلىپ<بۇ يەردە قوغۇن يوق> دەپ يېزىپ چاپلاپ قويۇپتۇ...ئەتىسى ھېلىقى مەست يەنە دەلدەڭشىپ قولتۇغىدا بىر قوغۇننى كۆتۈرۈپ كەپتۇ:
__قوغۇن ئالامسىلە 
       قېلىن قوشنا
 بىر قېلىن قوشنىمىز بار ئىدى دايىم توختىماي نەرسە كېرەك سوراپ ئاۋارە قىلىدۇ .داداممۇ ئۇنىڭغا ئۆچ ئىدى. بىر كۈنى ئۇ كىرىپ كەلدى ۋە دادامدىن:
__ئاكا ئامبۇر باما
 دادام ئۆچ بولغاچقا ئۇدۇللا:
__ياق ئۇكەم ئامبۇر يوق. 
   ئۇ چىقىپ كېتىپ بىر دەمدىن كېيىن يەنە كىردى ۋە دادامدىن:
__ئاكا ئامبۇر بامىدۇ؟
__ يوق دېدىمغۇ   يوق!
 ئۇ چىقىپ كېتىپ 2سائەتلەردىن كېيىن يەنە كىردى :
__ئاكا ئامبۇر بادۇ؟
__ يې بەزگەك!  ئامبۇر يوق! بۇدا كىرسەڭ بېشىڭغا مىخ قېقىۋېتىمەن ! يوقىلە گەكسى!
 ئۇ تەمتىرەپ چىقىپ كەتتى ..كەشقۇرۇن يەنە كىردى ۋە دۇدۇقلاپ:
__ئاكا...مىخ بامىدۇ؟
__مىخ يوق!
__ ھە..ئەمسە ئامبۇر باما؟


       بۈگۈن ئۇشبۇ مۇنبەرگە ئەزا بولۇپ سىلەرنىڭ سېپىڭلارغا قوشۇلغىنىمدىن خۇشالمەن ...مۇنبەرنىڭ بۇندىن كېيىن تېخىمۇ تەرەققى قىلىشىغا تىلەكداشمەن.... ئېسىمگە كەلگەن يۇمۇرلارنى يوللىدىم ..ھەرقايسىڭلارنىڭ ئاتتەك كۈلىشىنى ئۈمۈت قىلىمەن...

قارشى ئالمىىز ،يامان يېرى مەنمۇ بۈگۈن كەلگەن

كۈلدۇق كۈلدۇق  .بەك كۇلۋىتىپتىمە ھېسامنىڭ خوتۇنى چۈشۈپ قاغاندا.رەخمەت !

     قارشى ئالىمىز سىزدەك يۇمىرچىلىنى         ھۇف ۋېيېي  تولا كۈلۈپ سانجىق تۇرىۋالدى...            

قىزىق كەن  

ئاتتەك كۈلۈپ دەپ قوي .......       
قىزىق يۇمۇرلار كەن ....يەنە يوللاپ تۇر....ئەتكەن چاي ئىچكەچ كۈلۈپ تۇرايلى........

قىزىق كەن

قارىشى ئالىمىز قىرىنداش ............
لىكىن مەن مۇنبەردىن چىكىنمەكچى ،...............
باللاردىن قىيالمايۋاتقاندا ..سىزنىڭ پەيدا بولغىنىڭىزنى قاراڭا.....
سىزگىمۇ قىيماي قالامەنمۇ ؟

ئىشلىتىش

بۇ مەزمۇن 8قەۋەتتىكى taranqi217 نىڭ 2011-06-13 02:15 يوللىغان يازمىسىغا نەقىل :
قارىشى ئالىمىز قىرىنداش ............
لىكىن مەن مۇنبەردىن چىكىنمەكچى ،...............
باللاردىن قىيالمايۋاتقاندا ..سىزنىڭ پەيدا بولغىنىڭىزنى قاراڭا.....
سىزگىمۇ قىيماي قالامەنمۇ ؟

نىمە بولدى؟
سەن بىلەن تونۇشقۇم بار منىڭ .قانداق بولامدۇ؟
چ چ531972975