تۈركىيە ئاۋازى رادىيوسى خەۋىرى: رامىزان ئېيىنىڭ خەۋەرچىسى ۋە مۇبارەك ئۈچ ئاينىڭ دەسلەپكىسى بولغان رەجەپ ئېيى قەندىلى داغدۇغىلىق تەبرىكلەندى.
بارلىق مۆئمىنلەر «ئاللاھنىڭ رازىلىقىغا ئېرىشىش ئۈچۈن غەنىمەت بىر پۇرسەت» دەپ قارايدىغان بۇ مۇبارەك كېچىدە، تۈركىيە رادىيو - تېلېۋزىيە ئىدارىسى (TRT)مۇ ئەدىرنەدىكى سەلىمىيە جامەسىدە نەق مەيداندىن تارقىتىش بېرىش ئارقىلىق ئۇلۇغ مەقسەتكە خىزمەت قىلدى.
جامەدىكى جامائەت باشلىرىنى تۆۋەن سالغان ھالدا، دۇنيانىڭ ھەر قايسى جايلىرىدا ئازاپ چېكىۋاتقان ۋە قوراللارنىڭ قورقۇنچلۇق سايىسىدا رەجەپ ئېيى كېچىسىنى ئۆتكۈزۈشكە مەجبۇر بولغان پۈتۈن مۇسۇلمانلارنى دۇئالىرىدا ئەسلەپ ئۆتتى.
دۆلىتىمىز دىنىي ئىشلار ئىدارىسى باشلىقى پىروفېسسور دوكتور مەھمەت گۆرمەزمۇ، پەيغەمبەر ئەلەيھىسسالامنىڭ مۇشۇ كىچىدە قىلغان مەخسۇس دۇئاسىنى تىلغا ئېلىپ مۇنداق دېدى:
«سۆيۈملۈك پەيغەمبىرىمىز رەجەپ ئېيىنىڭ بۇ تۈنجى كېىچىسىدە قولىنى كۆتۈرگەن ھالدا، پەرۋەردىگارىغا دۇئا قىلىپ، "ئى ئاللاھىم! رەجەپ ۋە شابان ئېيىنى مۇبارەك قىلغىن، بىزلەرنى خاتىرجەملىك ۋە سالامەتلىك ئىچىدە رامىزان ئېيىغا يەتكۈزگىن" دەيتتى».
