ئەلى ، ھېكايىڭىزنىڭ  پەلسەپىۋيلىكى بارغانسىرى ئىشۋاتىدۇ ...! ئاللاھ رەھمەت قىلغاي ، ھېكايڭىزنىڭ مەزمۇنى ئالىي مەكتەپلەر ۋە جەمئىيەتتىكى ياشلارنىڭ مۇھەببەت ، خىزمەت ،ئۇقۇش جەريانىدا يۇلۇقۇپ تۇرىۋاتقان  تىڭىرقاشلىرىغا  ئەقلى - ھۆشنى يۇقاتمىغان ، قەلبىدە زەرىچە ئىماندىن  ئەسەر بارلارغا تولىمۇ باپ كەلگۇدەك ۋە جاۋااپ بۇلالغۇدەك ، تېخىمۇ تېرىشقايسىز، قۇرئان ئايەتلرىنى  قستۇرغىنىڭىز بەكمۇ ئۇرۇنلۇق ، جايىدا بوپتۇ  ....!!

ئەسىرىڭىز ناھايتى ياخشى چىقىپتۇ،مېنىڭچە بۇ ئەسىرىڭىز مۇكاپاتلانسا بولىدىكەنتۇق.تېخىمۇ تىرىشىڭ قەلەم تۇلپارىڭىز ھارمىسۇن.   

بىر كۈنى بىر ساۋاقدىشىمىز بىزنى ياتىقىغا چاقىرىپتۇ،بىزمۇ شامدىن كېيىن ئۇنىڭ ياتىقىغا باردۇق،ياتاققا كىرىشىمىزگىلا دىقىمغا شۇنداق مېززىلىك شورپىنىڭ پۇرىقى ئۇرۇلدى،شۇئان كاللامغا بىزنى تاماققا چاقىرىپتۇ دە دەپ ئويلىدىم.بىزنىڭ كىرىشىمىزگە ئۈلگۈرۈپ شورپىمۇ پىشىپ تەييار بولۇپتۇ.گەرچە توخۇ گۆشى شورپىسى بولسىمۇ،بىز ئۈچۈن شۇنداق ئېسىل تاماق ئىدى،ئەڭ مۇھىمى بۇمۇ شۇ ئاغىنىمىزنىڭ كۆڭلى دە.شورپىغا يەنە بەرەڭگە(ياڭيۇ)،سەۋزە،ھەر خىل تەم قوشىدىغان ماتىرىياللار(زىرە.......دېگەندەك،مەنمۇ تازا بىلمەيدىكەن ئۇنداق نەرسىلەرنى)قوشۇپ شۇنداق ياخشى قىلىپتۇ،ئىشقىلىپ شۇنداق تۈجۈپۈلەپ تەييار قىلغانلىقى چىقىپ تۇراتتى.ئۈستەلگە چىرايلىق داستىخاننى سېلىپ،چىرايلىق چىنىلەرگە شورپا،تەخسىلەرگە ئۆيدىن ئېلىپ كەلگەن نانلارنى تىزدى.ھەممىمىز شۇنداق ئىشتىھا بىلەن يىدۇق.خۇددى ئۆيگە كېلىپ قاندەك بىر خىل ئازادە كەيپىيات ئىچىدە بۇ يەردىن ئايرىلدۇق.
كېيىن بىزنى يەنە بىر قېتىم چاقىردى،بۇ قېتىم بىزمۇ بىللە مەكتەپ ئەتراپىدىكى بازاغا بىللە چىقتۇق.بۇ بازادا <<تەڭرىتاغلىقلار ماكانى>>دەپمۇ ئىشقىلىپ بىر قوي كالا گۆشى ساتىدىغان پوكەي بار ئىدى.لېكىن بۇ يەرگە مەن تازا ئىشەنچ قىلمايتتىم.ئاغىنەم بېرىپ قوي گۆشى بار-يوقلىقىنى سورىدى.بىراق قوي گۆشى قالمىغان ئىكەن.شۇنىڭ بىلەن ئاغىنەم يېنىدىكى پوكەيدىن يەنى خەنزۇنىڭ پوكىيىدىن توخۇ گۆشى سېتىۋالدى.
-ۋوي،نىمە قىلىپ يۈرىسەن؟مۇشۇ گۆشنى يەمدۇق؟
-ھە،نىمە بولدى؟توخۇ گۆشى بۇ .
-نېمىنىڭلا گۆشى بولسا بولمامدۇ،ساتقان ئادەمگە،گۆشنىڭ كېلىش مەنبەسىگە،قانداق بوغۇزلانغىنىغا،ھېچ بىر ئىشىنىش ئىمكانىيىتى بولمىغان گۆشنى قانداق دەيمىز؟...........
-بىزگە بۇ يەردە نىمە ئامال،شارائىتىمىز شۇ تۇرسا...........ئۇنىڭ ئۈستىگە مەكتپنىڭ ئۇيغۇر ئاشخانىسىدىمۇ مۇشۇ گۆشنى ئىشلىتىدۇ.....
كېيىن نىمە دېگەنلىرىنى ئۇقمايمەن،پەقەت ئاشۇ<<مەكتەپ ئۇيغۇر ئاشخانىسىمۇ مۇشۇنى ئىشلىتىدۇ>>دىگەن سۆزى قۇلاق تۈۋىمدە ياڭراپ تۇراتتى.شۇنىڭ بىلەن مەن ياتاققا بېرىپ ئەسىر ئوقۇۋالاي،سىلەر بېرىڭلار دەپ ياتاققا قايتتىم.ياتاققا بېرىپ نامىزىمنى ئوقۇپ بولۇپ،ئۇلارغا بارمايدىغانلىقىم توغرىسىدا،ئۇنداق گۆشنى يىيىشنىڭ بولمايدىغانلىقى توغرىسىدا ئېيتىپ ئۇچۇر قىلدىم.ئۇلارمۇ زىيادە گەپ سۆز قىلمىدى.بىراق ھېلىقى ئاغىنىمىز خېلى ئاغرىنغان بولدى.تۇرۇپلا ئۆزۈمگە شۇنداق ئاچچىقىم كەلدى.ئەجىبا ئالدىنقى قېتىم يىگىنىم ئەنە شۇ گۆشمىدۇ؟مەن ئىشەنگەن،ئۆزى ئەمەل قىلالمىسىمۇ،بىراق ئۇنداق خەقنىڭ قولىدىن مۇنداق گۆشنى ئالمايدۇ دەپ ئىشەنگەن ئاشۇ ئاغىنەم............ھەي نېمىشقا ئۆز ۋاقتىدا ئېنىق سورىمىغان بولغىيتتىم،ئەجەپ ھۇزۇرلىنىپ يەپتىكەنمەن،تاماققا دۈم چۈشۈپ سۈرۈشتۈرمەيلا يەپ كېتىپتىمەن<<ئاش كەلسە ئىمان قېچىپتۇ>>دېگەندەكلا ئىش بولدىدە.ئۇنىڭ ئۈستىگە ئۇزۇندىن بېرى يەپ كېلىۋاتقان ئاشخانىدىمۇ ئىشەچ بولمىسا،قانداق قىلغۇلۇق؟؟؟
شۇ كۈنلەردىن باشلاپ ئاشخانىغا بوينۇمدىن سۆرىگەندەك كىرىدىغان بولدۇم،گۆشنى كۆرسەملا بىر قىسما بولىدىغان بولۇپ قالدىم.داۋاملىق گۆشسىز سەيلەرنى يىدىم.ئۇلاردىن ئىچكىرلەپ سوراشتىن ئۇيىلاتتىم.چۈنكى ئۇلارنىڭ:<< بىزمۇ مۇسۇلمان،نېمانداق ئادەمنى كۆزگە ئىلمىغاندەك،خۇددى بىز مۇسۇلمان ئەمەستەك گەپ قىلىسىلە؟ئەجىبا سىلى مۇسۇلمان،بىز مۇسۇلمان ئەمەسما؟>>دەپ دوق قىلىشلىرىدىن،مېنى ئۆزىنى كۆرسىتىشكە ئامراق،ئۆزىنىلا مۇسۇلمان دەيدۇ دىيىشىدىن ئەنسىرەيتتىم.چۈنكى ھەر قانداق بىر ئۇيغۇر ئۆزىنى مۇسۇلمان دەيدۇ،ھاراق ئىچىپ تۇرغان كىشىمۇ مەن مۇسۇلمان ئەمەس دىمەيدۇ.
ھەقىقەتەن نۇرغۇن قېرىنداشلار يىمەك-ئىچمەككە بەك دىققەت قىلىپ كەتمەيدۇ،بەزى قېرىنداشلار ياتىقىدىكى خەنزۇلار بىلەن بىللە خەنزۇ ئاشخانىلىرىغا كىرىدىغان،يەنە تېخى ھېچ ئىش بولىمىغاندەك<< ئۇ يەردە   توخۇ گۆشى بىلىق گۆشى يىدۇق،يىگەن ساماۋەر شورپىسىغىمۇ كالا گۆشى ئىشلىتىدىكەن،ئەمەلىيەتتە ئۇلارمۇ يىسە بولمايدىغانلىقىنى بىلىدۇ،بىراق خەقنىڭ كۆڭلى،ئۆزىنىڭ نەپسى ۋە ھەر ۋاقىت بىزنىڭ ئازدۇرۇشقا تەييار تۇرىدىغان شەيتان ئالدىدا ئىمانىنىڭ سۇسلىقى تۈپەيلى  دىققەت قىلمايدۇ.مەكتەپ ئىچىدە ئازراق دىققەت قىلسىمۇ مەكتەپ سىرتىغا چىقىپلا كەتسە يەنە شۇ ئۆز سەنىمىگە دەسسەيدىغانلارمۇ ئاز ئەمەس.

داۋامى.....................

ئەلىجووووووووون!!!!! ئالامەت يىزىۋاتىسىلە جۇما ئەدىش!داۋامىغا تەقەززامەن!

شۇنداق قىلىپ تەقەززالىق بىلەن كۈتكەن تەتىلگىمۇ ئازلا قالدى،چۈنكى بۇ يەرنىڭ قۇرۇق يەل-يىمىش ،پىچىنە پىرەنىك،ئىشقىلىپ نۇرغۇن مانا شۇنداق نەرسىلەرنىڭ ئوچۇق قۇيۇلسا بىردەمدىلا نەملىشىپ قالىدىغان دىمىق ۋە نەم ھاۋاسىغا شۇنچىلىك تويۇپ كەتكەنىدىم.ئادەم ياتاقتا ئولتۇرسىمۇ شۇرۇلداپ تەرلەر چىقىپ تۇراتتى،ياتاقنىڭ ۋە ئۆزۈم سېتىۋالغان شامالدۇرغۇچ ئاساسەن 24 سائەت دېگۈدەك توختىماي مېڭىپ تۇراتتى.شۇڭا تېزراق ئۆيگە قايتىشنى،قېرىنداشلار بىلەن جەم بولۇشنى،ئاغىنىلىرىم بىلەن پاراڭلىشىشنى كۈتۈپ كەلگەنىدىم.ئەڭ مۇھىمى ئۆيگە بېرىپ كەلسەم يەنە نۇرغۇن جەھەتلەردە ئىمانىمنى ياخشىلاپ كېلەتتىم.چۈنكى بۇ يەردە ھېس قىلىپ بولالمىغان بەزى نۇقسانلىرىمنى،ئىدىيىدىكى بىر قىسىم ئۆزگىرىشلەرنى پەقەت ئۆيگە قايتىپ قېرىنداشلارنىڭ كۆرسىتىشى بىلەنلا ھېس قىلالايتتىم.ھەر تەتىلدە شۇنداق بولۇپ كەلگەنىدى.دەل مۇشۇ پەيتلەردە بىر تەبلىغنى ئاڭلاپ قالدىم،تەبلىغدە مۇنداق دىيىلگەنىدى:<< ئەركىشىنىڭ ئىشتاننى ئوشۇقىدىن ئاشۇرۇپ كىيىشى كىبىرلىك،ھاكاۋۇرلۇق،رەسۇلۇللاھ مۇنداق كىيىشتىن چەكلىگەن ھەمدە ئوشۇقتىن ئاشقان قىسمىنىڭ دوزاقتا ئىكەنلىنى توغرىسىدا بايانلار ھەم بار.يەنە بەزىلەر مەن ھاكاۋۇرلۇق قىلىپ كەيمەيمەن دىيىشىدۇ،شۇنداق كىيگەنلىكنىڭ ئۆزىلا ھاكاۋۇرلۇق،كىبىرلىككە ياتىدۇ>>،تەبلىغدە شۇنچىلىك كەسكىن سۆزلەنگەنىدى،بۇ توغرىلۇق بۇرۇن مەنمۇ شۇنداق ھەدىسنى كۆرگەن بولساممۇ،بەك چۈشىنىپ كەتمىگەن ئىكەنمەن.ئۇنىڭ ئۈستىگە بىلىمىمنىڭ تۆۋەنلىكى،باشقىلارنىڭ مەسخىرە قىلىشىدىن قورقۇپ بەك ئويلىشىپمۇ كەتمىگەن ئىكەنمەن.مۇشۇ تەبلىغنى ئاڭلاپ،ئۆزۈمنى گۇناھكاردەك ھېس قىلىپ قالدىم،ئاخىرى بارلىق ئىشتانلىرىمنى ئوشۇقتىن ئاشمايدىغان قىلىپ ئوڭشىتىۋەتتىم.ساۋاقداشلىرىمنىڭ بىلىدىغانلىرى ئەسلى مۇشۇنداق يۈرسە ياخشى،بىزمۇ چوڭلاردىن شۇنداق دەپ ئاڭلىغان دىيىشتى،بەزىلەر ئىشتىنىڭ كىچىك كېپ قالدىمۇ  ئاداش دەپ كۈلىشەتتى.مەنمۇ ئارتۇق چۈشەندۈرۈش بېرىشتىن زېرىكتىم،ھەممىسىگە:
-ھە مەن مۇشۇنداق كىيىشكە ئامراق-،دەپلا گەپنى تۈگەتتىم.
باشقىلارنىڭ گىپىگە بەك پىسەنتمۇ قىلىپ كەتمىدىم.ئىشقىلىپ كۆڭلۈم ئازادە بولۇپ،ئۆزۈمنى يىنىكلەپ قالغاندەك قالدەك ھېس قىلاتتىم.تەتىلمۇ كېلىپ ئۆيگە قايتتىم.
ئۆيگە قايتىشىمدا<<دىن ۋە ھايات>>(بۇرۇنقى 1600 سۇئالغا جاۋاب)نى باستۇرۇپ ئېلىۋالدىم.ئۆيگە قايتىپ كېلىپ،ئاتا-ئانام بىلەن،قېرىنداشلار بىلەن،ئاغىنىلىرىم بىلەن كۆرۈشۈپ شۇنداق خوشال بولدۇم،يەنىلا ئۆي ياخشى-دە.ئادەمنى خوشال قىلىدىغان يەنە بىر ئىش بىزنىڭ ئۆينىڭ يېنىغا مەسجىد سېلىنىپتۇ.بۇنىڭدىن تولىمۇ خوش بولدۇم.كۈندە بەش ۋاق نامازنى جامائەت بىلەن مەسجىدتە ئوقۇسام،بىكا بولساملا مەسجىدكە كىرىپ كىتاب ئوقۇسام دەپ شۇنداق ئېسىل پىلانلارنى تۈزۈپ يۈردۈم.بىر كۈنى نامازغا بالدۇرلا كىردىم،ناماز ۋاقتىغا يەنە بىرەر سائەتتىن ئارتۇق ۋاقىت بارئىدى.مەن ھېلىقى دىن ۋە ھايات دىگەن كىتابنى ئوقۇپ ئولتۇرسام،بىر ئاكاش كېلىپ كۆرۈپ باقاي دەپ سورىۋېدى ئۇنىڭغا بەردىم.بىر ئازدىن كېيىن ئۇكام ئانامنىڭ مېنى چاقىرىۋاتقانلىقىنى ئېيتىۋىدى،مەن چىقىپ كەتتىم،شۇ جەرياندا كىتابنى بىر مۇنچە كىشى كۆرۈپ ياراپ قاپتۇ،شۇنىڭ بىلەن ئۇلار بۇ كىتاب بىر مەزگىل مەسجىدتە تۇرۇپ تۇرسا،بىزمۇ ئوقۇۋالساق دېۋىدى مەنمۇ خوشاللىق بىلەن ماقۇل بولدۇم،كىتابنى ياشلارمۇ،چوڭلارمۇ ھەممىسى قولدىن قولغا ئېلىپ كۈرۈشتى.شۇنداق خوش بولدۇم.بىراق ئويلىمىغان بىر ئىش يۈز بەردى.مەسجىدنىڭ ئىمامى بۇ كىتابنى سوراپ قالدى،كىتابنى ئوقۇۋاتقان ھېلىقى كىشى مېنىڭ ئىكەنلىكىنى دېدى،ئارىدىن مۇئەززىن :
-ھېچبىر زاۋۇت ئادرىسى،نەشىر ۋاقتى.........ھېچنىمىسى يوق كىتابكەن ئۇ -،دېدى.
-شۇنداق ياخشى كىتابكەن،ھەممىسىلا بىلىۋېلىشقا تىگىشلىك ئاساسىي بىلىملەركەن،يەنە تېخى بىر قىسىم بىز خاتا قىلىپ كېلىۋاتقان جايلارمۇ باركەن-،دېدى كىتاب ئوقۇۋاتقان ياشراق كىشى.
شۇنداق قىلىپ ياشلار بىلەن ياشانغانلار ئارىسىدا سەل سۈركىلىش پەيدا بولدى،شۇنىڭ بىلەن مەن ئۇلاردىن ئۆزرە سوراپلا كىتابنى ئېلىپ چىقىپ كەتتىم،شۇنىڭ بىلەن بۇ ئىشمۇ بېسىقتى.
ھەر قېتىم نامازدىن خېلى بۇرۇنلا مەسجىدكە كېلىپ بولاتتىم،مەسجىد ئالدىدا چوڭلارنىڭ پارىڭىنى تىڭشاش تولىمۇ كۆڭۈللۈك ئىدى،بىراق مېنى ئەپسۇسلاندۇرغىنى بۇ پاراڭلارنىڭ تولىسى غەيۋەت بولۇپ چىقتى،ئەلۋەتتە ئىمام ۋە مۇئەززىنلەرمۇ بۇنىڭ ئىچىدە بار ئىدى.مەسجىدمۇ شۇ ئىش بىر قىسىم ياشانغان كىشىلەر ئاغزى دۇئادا ياكى دۇرۇت ئوقۇش بىلەن بولسا كۆزى ياشلارنىڭ قىلغان تۇرغىنىدا ئىدى،قۇسۇر ئىزدەشكە ئارانلا تۇراتتى.كېيىن ئاڭلىسام ئاكاممۇ مەسجىكە كىرىپ بىر قىسىم ياشانغان كىشىلەرنىڭ قارشىلىقىغا ئۇچراپتۇ.سەپنى چىڭ قىلىمەن دەپ يېقىن تۇرسا،.ئادەمنى قىستىما دەۋاتقان،قولۇڭنى ئۇنداق قىلدىڭ،پۇتۇڭنى مۇنداق قىلدىڭ،قۇلاقنى تۇتمىدىڭ..............ۋاي-ۋۇي ئىشقىلىپ گەپ جىق.شۇنداق قىلىپ يەنە شۇ كىشىلەر ئاكامغا دىيىشتىن قورقۇپ(چۈنكى ھازىرقى ياشلارنى قايىل قىلغۇدەك بىلىم ئۇلاردا يوق تە،ئۇنىڭ ئۈستىگە يا ئاكامنىڭ قىلغىنى خاتا بولمىسا)ئاتامغا:
- ئوغلۇڭغا گەپ قىلساڭ بولمامدۇ،نىمە ئۇ  قىپ يۈرگەنلىرى،بىز بۇرۇندىن مۇنداق قىلىپ كېلىۋاتقان تۇرساق،نەدىكى بىر ئىشلارنى تېپىپ،ئەجىبا بىزنىڭ قىلغان ئىشىمىز خاتامىكەن،بۇرۇندىن تارتىپ ئىمام-ئاخۇنۇملار مۇشۇنداق قىلىپ كەلگەن تۇرسا،ئەمدى بۇ كىچىك بالىلار ئۆزلىرىچە كۆپ بىر نەرسە بىلىپ كەتكەندەك، ئىمام ئاخۇنۇملاردىن قۇسۇر تاپقىدەك بوپتۇ.ئۇلارنى ئوقۇتۇپ قويسا،ئەمدى ئۆزىنى بىلمەي خۇددى ئاسماندىن چۈشۈپ قالدەك بىر قىلىقلارنى قىلىپ يۈرىدۇ بۇ ياشلار.......
كۈندە مۇشۇنداق گەپلەرنى ئاڭلاۋېرىپ ئاتامنىڭمۇ سەۋىر قاچىسى توشقان چېغى،ئاكلامغا ئاچچىقلاپ:
-بولدى بۇندىن كېيىن نامازغا كىرمە،ئۆيدىلا ئوقۇ بولدى،ھېلىمۇ باشقىلاردىن يەتكۈچە گەپ ئاڭلاۋاتىمەن-،دەپ گەپنى ئۈزۈپتۇ.
گەرچە ئاتام كىچىكىمىزدىن بىزنى نامازغا ئادەتلەندۈرگەن بولسىمۇ،بىراق ئۆزىنىڭ تۈزۈك ئىلمى بولمىغاچ،ئىمام ئاخۇنۇملارنىڭ گىپىنى بەك ئاڭلايدۇ،ئاتاملا ئەمەس،يېزىمىزدىكى ياشانغانلارنىڭ كۆپ قىسمى شۇنداق.كېيىن بىلسەم كۆپ قىسىم ياشلار بولۇپمۇ دىندا بىلىمى يۇقىرىراق ياشلاربۇ مەسجىدكە كىرمەيدىكەن.چۈنكى ئىمام ئۇلارغا يارىمايدىكەن،دېمىسىمۇ قىرائىتى ياخشى ئەمەس ئىدى.ئۇنىڭدىن باشقا يەنە نۇرغۇن ئىشلىرى بار ئىكەن.شۇنىڭ بىلەن مېنىڭمۇ كۆڭلۈم سوۋۇپلا كەتتى.ئۆيدە مۇشۇنداق بىرەر مەسىلىدە مۇنازىرە بولۇپ قالسا،مەن گەپ قىستۇرۇپ بولغۇچە ئانام بولدى قىل دىگەن مەنىدە ئىشارە قىلاتتى.چۈنكى ئاتامنىڭ ئىدىيىسىدىن ئېلىپ ئېيتقاندا بىزنىڭ گەپلىرىمىزنى چۈشنىپ قوبۇل قىلىشى تولىمۇ تەس ئىدى.شۇڭا ئانام داۋاملىق مېنى بېسىپ تۇرۇپ،كۆڭۈلسىزلىك پەيدا بولۇشنىڭ ئالدىنى ئالاتتى.بۇ مەسجىدتىن كۆڭلۈم سۇ ئىچمىگەن بىلەن،ھەر جۈمە كۈنىدىكى قىلغان تەبلىغلەر مېنى تولىمۇ خوشال قىلاتتى.ئاتا-ئانىغا قانداق مۇئامىلىدە بولۇش،ناماز،روزا،قىمار،قوشنىدارچىلىق.........ۋەھاكازالار.ئىشقىلىپ شۇنداق جىق نەرسىلەر چۈشىنىۋالدىم.
بىركۈنى ئاغىنىلەر بىلەن ئولتۇرۇپ مەكتەپ ئاشخانىسى توغرىسىدا سورىدىم:
-بىزنىڭ مەكتەپنىڭ ئاشخانىسىدىكى  ئۇيغۇلار ناماز ئوقۇمايدۇ،روزا تۇتمايدۇ،ئۇلارنىڭ تامىقىنى يىسەم بولامدۇ؟
-بولمايدۇ،چۈنكى ناماز مۇسۇلمان بىلەن كافىرنىڭ ئارىسىدىكى پەرق،ئىسلامدىكى بەش ئاساسنىڭ بىرى،قىيامەت كۈنى ئەڭ بالدۇر ھېساب ئېلىنىدىغىنىمۇ ناماز.روزىمۇ ھەم شۇنداق مۇھىم ئىبادەت تۇرسا،شۇلارنى قىلماي تۇرۇپ يەنە مەن مۇسۇلمان دىگەن كىشى ئېنىقلا ئۆزىنى ئالدىغانلىق.ئەينى ۋاقىتتا شەيتان ئادەم ئەلەيھىسسالامغا ھەجدە قىلىشتىن باش تارتقىنى ئۈچۈن ئاللاھنىڭ لەنىتىگە ئۇچرىدى.پۈتۈن پەرىشتىلەرگە دەرس بېرىدىغان شۇنداق ئىلىملىك بىر مەخلۇق ئاشۇ بىر قېتىملىق ئاللاھنىڭ بۇيرىقىغا قارشى چىقىپ لەنىتى بولدى.بىزچۇ؟ئاللاھ ناماز ئۇقۇ دىسە ئۇقۇمىساق،روزا تۇت دىسە تۇتمىساق.بۇ ئاللاھقا قارشى چىققانلىق بولماي نىمە؟ئاللاھنىڭ قۇلى ئىكەنلىكىمىزنى بىلىپ تۇرۇپ،گىپىنى ئاڭلىمىساق،بۇ قانداق قۇللۇق؟ئاغزىمىزدا مۇنداقلا ئېيتىپ قويغان شۇ شاھادەت كەلىمىسى بىلەن بىز مۇسۇلمان بولۇپ جەننەتكە كىرەلمەيمىز،ئەمەل بولىمىسا بىكار...........................
ئاغىنىلىرىمنىڭ ھەممىسى تۈرلۈك ئايەت ھەدىسلەرنى كەلتۈرۈپ مۇسۇلماننىڭ سۈپىتى،ھەقىقىي بىر مۇسۇلماندا بولۇشقا تىگىشلىك پەزىلەتلەر توغرىسىدا بىر مۇنچە مۇلاھىزىلەر ئېلىپ باردۇق.
كېيىن چوڭ ئاچامدىن يەنە مۇشۇ مەسىلىنى سورىدىم.چۈنكى مەن چوڭ ئاچامنى بەك چوڭ بىلەتتىم.مېنىڭ ئىسلامنى ئۆگىنىشىمگە ھەم شۇ ئاچام سەۋەب بولغان ۋە شۇ ئاچامنىڭ يولدىشىدىن ئۆگەنگەن.ھازىر قىزلىرىنىڭ ھەممىسىلا مېنى ئوقۇتقۇدەك سەۋىيدە ئىدى.ئۇ ئاچاممۇ ئوخشاش جاۋاب بەردى:
-ئۇكام بۇ تاماق مەسىلىسى تولىمۇ مۇھىم مەسىلە،بىز گىلىمىزنى پاكلىماي تۇرۇپ،قىلغان ئىبادىتىمىزدىن ھۇزۇر ئالالمايمىز،ھالاۋىتىنى تىتىيالمايمىز.ئۆزۈڭ ئىشەنچ قىلالمىغان نەرسىدىن يىراق بول،ھارام شۈبھىلىك نەرسىلەردىن ئۆزۈڭنى تات.ئادەم شۈبھىلىك نەرسىلەردىن ئۆزىنى تاتماي تۇرۇپ مۆئمىن بولالمايدۇ. 
ئاچامنىڭ سۆزلىرى قەلبىمدە يەنە بىر قېتىم داۋالغۇچ پەيدا قىلدى .شۇنىڭ بىلەن بۇ قېتىممۇ تاماق مەسىلىسىدە قەتئىي بىر قارارغا كېلىپ،مەكتەپكە يول ئالدىم.

داۋامى...........................

بىراق مەندە ئاز تولا ئەنسىرەشمۇ بار ئىدى،ئەگەر مەكتىپىمىز ئەتراپىدا ھەقىقەتەن ئىشەنچىلىك ئاشخانا بولمىسا قانداق قىلارمەن؟ھەي بولدىلا ياراتقان ئىگەم ئاچ قويماس.پەقەت بولمىسا ئۆزۈم قىلىپ يەرمەن.گۈرۈچ تامىقىغا دەھشەت ئامراق مەن،روزا تۇتساممۇ بولىدىغۇ،ئىشقىلىپ نەچچە يىل بىردەمدىلا ئۆتۈپ كېتىدۇ .شۇنداق قىلىپ مەكتەپكە كېلىپلا،مەكتەپ ئەتراپىدىكى ئۆزۈم بۇرۇن داۋاملىق كىرىدىغان خۇيزۇ ئاشخانىلىرىغا كىرىپ ئۇلاردىن تەپسىلىي سورىدىم:
-ياخشىمۇسىز ھەدە،سىلەر ئادەتتە ناماز ئۇقۇمسىلەر؟رامىزاندا روزا تۇتامسىلەر؟تاماققا ئىشلىتىۋاتقان ماتىرياللارنى،بولۇپمۇ گۆش قاتارلىقلارنى قەيەردىن ئېلىپ كېلىسىلەر؟........
-ھەئە،ھەممىمىز ناماز ئوقۇيمىز،روزا تۇتىمىز.........ماتىرياللارنىڭ ھەممىسى ئىشەنچىلىك،گۆشنى مۇسۇلمانچە قۇشخانىدىن ئېلىپ كېلىدۇ،ئادرىسى ئاۋۇ شۇ ،بېرىپ كۆرۈپ كەلسەڭلار بولىدۇ.......
شۇندىلا كۆڭلۈم ئارام تاپتى.مەنغۇ بۇرۇندىنلا ئۇلارغا ئىشىنەتتىم،چۈنكى ھەر قېتىم ناشتىلىق قىلغىلى كىرگىنىمدە كىچىك ئوغلىنىڭ قۇرئان ئۇقۇۋاتقىنىنى كۆرۈپ ئۇلاردىن بىر خىل سۆيىنەتتىم.كېيىن يەنە بىر خۇيزۇ ئاشخانىسىغا بېرىپ سورىدىم ئۇلارمۇ ئوخشاش جاۋاب بەردى،ئۇ ئاشخانا خوجايىنىنىڭمۇ دائىم چىملىقتا ناماز ئوقۇۋاتقىنىنى كۆرەتتىم.كۈندىلىك تامىقىم مۇشۇ خۇيزۇ ئاشخانىلىرىدا بولىۋاتاتتى.ئۇلارنىڭ تامىقىنى كۈندە يەپ زېرىككەن بولساممۇ،بىراق بۇ يەردىكى مەن ئىشەنچ قىلالايدىغان تاماق شۇ بولغاچقا يەنىلا كۆڭلۈم خاتىرجەم ئىدى.بەزىدە تاماق يىگىلى كىرگەندە ناماز ۋاقتى بولۇپ قالسا،ئۇلارنىڭ ئۆيىدە ئوقۇۋالاتتىم.ئۇ ئايالمۇ ھېيت بولسىلا داۋاملىق ئالدىمىزغا ھەر خىل پىچىنە-پىرەنىكلەرنى تىزىپ قوياتتى.ئەلۋەتتە بەزىدە ئادەم كۆپ بولسا،خەنزۇلارنىڭ ئالدىدىلا ئۇلارغا بەرمەي بىزگە بېرىشتىن ئۇيۇلۇپ،چىقىپ كېتىشتىن بۇرۇن،زولاپ قوللىرىمىزغا تۇتقۇزۇپ قوياتتى.
مەكتەپ ئاشخانىسىدا تاماق يىمىگەندىكىن،ئۇيغۇر  بالىلار بىلەن ئۇچرىشىش تەس بولۇپ كەتتى،بەزى ساۋاقداشلىرىم:
-خېلى بولدى ئاشخانىدا كۆرۈنمەيسەغۇ؟بەك ئالدىراشمۇ يا،ھە قانچە بولسىمۇ تاماق يىمەي يۈمەيدىغانسەن-،دېدى كۈلۈپ.
-ئۇنچىمۇ ئەمەسقۇ،شۇ خۇيزۇلارنىڭكىدىن يەۋاتقان
-ئادەم تېپىلمىغاندەك ئۇ خەقنىڭكىنى يەپ نىمە قىلاتتىڭ،مەكتەپنىڭ بىر ئوبدان ئۇيغۇر ئاشخانىسى تۇرسا كىرمەي نەدىكى خىتايلىنىڭ ئاشخانىسىغا كىرىپ.....
-ما گەپنى،خىتاي دىگەن گەپنىڭ مەنىسىنى بىلەي تۇرۇپ ئالدىراپ ئىشلەتمە،مەن ئۇلارغا ئىشەنچ قىلالايمەن شۇڭا كىرىمەن.سەن ئۇلارنى خىتاي دەپ تۇرۇپ يەنە كىرىسەنغۇ ئۇ يەرگە؟
-ۋوي ئەمدى بەزىدە كىرىپ قويىمەن،بۇ ياقا يۇرتتا بىزگىمۇ ئامال يوق دىگىنە ئەمدى-، دەپ يالغان كۈلۈپ قويدى.
-ھە بوپتۇ ،قانداق ئويلىساڭ بۇ سېنىڭ ئەركىنلىكىڭ،ھەممە كىم ئۆزى خالىغان يەردىن يىسۇن،بىر كىمنى مەجبۇرلىغىلى بولمىغاندىكىن.
كېيىن ھېلىقى ئاغىنەممۇ ماڭا:
-مېنىڭ گىپىم تۈپەيلى ئۇيغۇر ئاشخانىسىدىن تاماق يىمەيۋاتامسەن؟ئۇنداق بولسا،بولدى مەن ئۇ گەپنى دېمىگەن بولاي،ساڭا دېسەم ئۇ خۇيزۇلار ھەر قانچە ئېتىقادلىق بولسىمۇ،يەنىلا بەرىبىر پاكىز ئەمەس،بۇنى كېيىن بىلىپ قالىسەن،ناماز ئوقۇپ،روزا تۇتۇپ يۈرسىلا ئېتىقاتلىق بولۇپ كەتمەيدۇ،ئۇلار بەك مەينەت،تازىلىققا دىققەت قىلمايدۇ...............

داۋامى..........................

ھەممىسى پۇتكەندە كەرىملىك ئاللاھ خالسا ئىلكىتاپ قىلىپ ساقلىۋالىمەن!

ئۇنىڭ گەپلىرىنى ئاڭلاپ  ئۇنىڭغا شۇنداق چۈشەندۈرگۈم كەلدىيۇ،بوغۇزۇمغا كېپ بولغان گەپنى يۇتىۋەتتىم.چۈنكى مەنمۇ ئوقۇشقا كېلىشتىن بۇرۇن تېخىمۇ توغرىسىنى دېگەندە مۇشۇ ھازىرقى ئۇقۇۋاتقان شەھەرگە كېلىشتىن بۇرۇن خۇيزۇلارغا بولغان قارىشىم ئانچە ياخشى ئەمەس ئىدى.چۈنكى بېيجىڭدا ئوقۇش جەريانىدا ئىسلام ئىنىستىتۇتىنىڭ يېنىدىكى كىچىك بىر ئاشخانا(ھازىر بارمۇ يوق بىلمەيمەن)دىن ئاشخانىلىرىدا ھاراق مۇھىم ئورۇننى ئىگىلەيتتى.لېكىن بۇ يەرگە كېلىپ خۇيزۇلارنىڭ ئاشخانىلىرىدا  ھاراق ساتقىنىنى كۆرمىدىم،ھەممە ئاشخانىلاردا ھاراق ئىچىشكە بولمايدۇ دىگەن خەتلەر بار ئىدى.ئۇنىڭ ئۈستىگە مەن بىلىدىغانلىرىنىڭ ھەممىسى ناماز ئوقۇيتتى،ئىشقىلىپ ئىشەنچىلىك كىشىلەر ئىدى.بىراق بىر قىسىم قېرىنداشلار يەنىلا ئۇلار باشقا بىر مىللەتتىن بولغىنى ئۈچۈنلا ئۇلارغا باشقىچە قارايدۇ.مىللەت ئۇقۇمى بىلەن دىن ئۇقۇمىغا بولغان چۈشەنچىسى ئېنىق ئەمەس.مىللەتنى دىندىن چوڭ بىلىدۇ.ئاللىقانداق  باھانىلەر بىلەن ئۆزىنى دىنىي ئەھكاملارنى ئورۇنداشتىن قاچۇرۇپ يۈرىشىدۇ.
مۇشۇ كۈنلەردە ئۆزۈمنى تولىمۇ يالغۇز ھېس قىلىدىغان بولۇپ قالدىم،ئىمانىمنىڭ ئاجىزلاپ كېتىۋاتقىنىنى ئۆزۈم تۇيۇپ تۇراتتىم.كۈندە قۇرئان ئوقۇپ باقتىم،بىراق مېنىڭ شۇنداق بىر كەمچىلكىم بار،ئاۋازىمنى قويىۋېتىپ ئوقۇمىسام پەقەت ئوقۇغاندەك بولمايمەن.ناماز نامدادتىن كېيىن ياتاقتا ئوقۇسام ياتاقتىكىلەرگە ئۇيقۇسىغا تەسىرى بولىدىكەن،نەچچە كۈن سىرتتا ئىككىنچى قەۋەت بىلەن ئۈچىنچى قەۋەتنىڭ ئارىسىدىكى بوش يەردە ئوقۇدۇم،بىراق بىر كۈنى ئىككىنچى قەۋەتتىكى بىر خەنزۇ يۈگرەپ چىقىپتۇ،تۆۋەنرەك ئاۋازدا ئوقۇغان بولساڭ دەپ.توۋۋا دەيمەن شۇنداق تۆۋەن ئاۋازدا ئوقۇغاندەك قىلغان.قارىغاندا ئۆزۈمگە ئانچە بىلىنمىگەن بولسا كېرەك.شۇنىڭ بىلەن ياتاقتا ئىچىمدە ئوقۇش تازا خوشياقمىدى،ئادەمنى ئاسانلا ئۇيقۇ بېسىۋالىدىكەن.بۇ ئوقۇشمۇ ئۇزۇنغا بامىدى،يا دىن توغرىلۇق مۇنداق گەپلىشىدىغان بۇرادەر يوق شۇنداق ئىچىپ سىقىلاتتى.مۇشۇ كۈنلەردە بۇرۇنقى << خاتالىقىمنى تونۇدۇم>>دىگەن تېمىدىكى ئىشلار بولۇپ ئۆتتى.ئىشقىلىپ بۇندىكىن كېيىنكى ئىشلارنى بۇرۇن ئاساسەن يېزىپ بولغان.
ئاللاھقا مىڭ شۈكرى،ھازىر شۇنداق كۆپ بۇرادەرلەر بىلەن تونۇشتۇم.ئۇلارمۇ ئەلۋەتتە ئاللاھنىڭ ماڭا ئاتا قىلغان نېئمىتى.بىز قېرىنداشمىز،دوستمىز،دوستلىقىمىز ھەقىقىي دوستلىقتۇر.چۈنكى بىز پەقەت ئاللاھ رىزالىقى ئۈچۈنلا بىر يەرگە جەم بولغانمىز،كېيىن ھەم ئاللاھ خالىسا ئاللاھ رىزالىقى ئۈچۈن ئايرىلالايمىز.بىزنىڭ ئارىمىزدا ھېچبىر باشقا مۇناسىۋەت يوق يا ساۋاقداش ئەمەس،يا يۇرتداش ئەمەس،يا بۇرۇندىن تونۇشمايمىز،يا پايدا-مەنپەئەت ماناسىۋېتىمىز يوق.پەقەتلا ئىمانىمىز تۈپەيلى بىر يەرگە جەم بولغانلار ۋە دوست بولغانلار.

خاتىمە:
ئى قېرىنداشلار،بولۇپمۇ ئالىي مەكتەپتە ئوقۇۋاتقان قېرىنداشلار!ئەمدى ئويغانمىساق ئۈلگۈرەلمەي قالىمىز.ئەمدى ئىدىيىمىزنى ئازاد قىلايلى،ئۆگەنگەن پەننىي بىلىمىمىز بىلەن ئىدىيمىزنى تەل-تۆكۈس ئازاد قىلىش ئەسلا مۇمكىن ئەمەس.چۈنكى بىز كىچىكىمىزدىن باشلاپ مۇشۇ بىلىمنى ئېلىپ كېلىۋاتىمىز،بىراق بىز كىم؟نىمە قىلىمىز؟نىمە قىلىۋاتىمىز؟نىمە قىلماقچى؟ئاخىرقى نىشانىمىز نىمە؟بۇ نىشانغا قانداق يېتىمىز؟........بۇ توغرۇلۇق تېخى ھېچنىمە بىلمەيمىز بىلسەكمۇ بەك ئاز .ئۆزىمىزنى مۇسۇلمان دەيمىز يۇ،قانداق كىشىنىڭ مۇسۇلمان سانىلىدىغانلىقىغا ئۆزىمىزمۇ ئېنىق بىر نىمە دىيەلمەيمىز.يەنە تېخى ناماز ئوقۇپ يۈرگەنلەرنى موللام دەپ قويىمىز.بار كۈچىمىز بىلەن مىللەتئۈچۈن دەپ جار سالىمىز يۇ نېمىنىڭ مىللەت ئۈچۈن ھەقىقىي پايدىلىق ئىكەنلىكىنى بىلمەي،سورۇنلاردا قانغۇچە ناخشا توۋلاپ،ئۇسۇل ئويناپ ئۆزىمىزنىڭ مىللەت سۆيەرلىكىمىزنى ئىپادىلەيمىز.ئىشەنمىسىڭىز ئەتراپىڭىزغا قاراڭ.ناماز ئوقۇيدىغانلار كۆپمىكەن ياكى ئوقۇمايدىغانلارمۇ؟ رومال ئارتىدىغان قىزلار جىقمىكەن ياكى ئارتمايدىغانلارمۇ؟سورۇنلاردا يۈرىدىغانلار جىقمىكەن ياكى بارمايدىغانلارمۇ؟؟؟؟
جاۋابى ھەممىمىزگە ئايان.مانا پەننىي ئىلىم ئىگەللەۋاتقان بىزلەر مۇشۇنداق تۇرساق،كېيىنكى ئەۋلادلىرىمىز نىمە بولماقچى؟بەلكىم كېيىن ئۇنداق تەربىيلەيمەن مۇنداق تەربىيلەيمەن دىيىشىمىز مۇمكىن.ئەۋلادلىرىمىزمۇ خۇددى ھازىر بىز ئاتا-ئانىمىزنى ھازىرقى زاماننى چۈشەنمەيدۇ دەپ نەسىھىتىگە قۇلاق سالمىغاندەك ۋاقتى كەلگەندە ئەۋلادلىرىمىزمۇبىزنىڭ نەسىھىتىمىزگە قۇلاق سالمايدۇ.چۈنكى بىز مۇشۇنداق ئۆتتۇق،ۋاقتى كەلگەندە يەنە توغرا چۈشىنىدىغان بولۇپ كېتىمىز.شۇڭا مانا مۇشۇنداق يامان ئاقىۋەتكە قېلىشتىن بۇرۇن ئۆزىمىزنى ئوڭشىۋالايلى.ئەڭ مۇھىمى ناماز،روزىنى تولۇق ئادا قىلايلى،ئىبادەتنى كۆپ قىلغانسېرى ئىمانىمىز كۈچىيىدۇ.ھازىر ئوقۇشۇم ئالدىراش دىگەن باھانىنى ئەمدى يىراققا ئېتىڭ،شۇنداق دەۋەرسىڭىز ئۆلگۈچە ۋاقتىڭىز چىقمايدۇ.چۈنكى سىز ھازىر ئەڭ بىكارچى،تەييار پۇلنى خەجلەپ ئۇقۇش بەك ئاسان،ئۇقۇش پۈتسە،خىزمەت،توي،بالام-كالام دەپ تېخىمۇ ئالدىراش بولىدىغان گەپ.ئۇ ۋاقىتتا نىمە قىلىسىز،پېنسىيەگە چىققاندا دەيسىز دە،ئۆمرىڭىز يار  بەرمىسە ..............................

ئويلىنايلى.................ئويغىنايلى....................

تامام~~~~

رەخمەت قېرىن دىشىم  مىنى بەك ھايا جانغا سالدىڭىز  داۋا مىنى كۇتىمەن