رەسىم:
جۇڭگو ئاخبارات تورى 6-ئىيۇن تېلگېراممىسى 4-ئىيۇن، مۇخبىر خېنەن جۇكو شەھىرى خۇەيياڭ ناھىيىسىدە زىيارەتتە بولىۋاتقان ۋاقىتتا، بۇ ناھىيىدىكى فېڭتاڭ يېزىسى جاۋلو كەنتىدىكى 150 مو بۇغداينىڭ كۆيۈپ كەتكەنلىكىنى بايقىدى. شۇ جايدىكى ھۆكۈمەت كادىرىنىڭ دېيىشىچە، ئوت ئاپىتىنى 3-يىللىقنىڭ بىر ئوقۇغۇچىسى ئوت ئويناپ پەيدا قىلغان ئىكەن.
ئىگلىنىشىچە، ئوت ئاپىتى 3-ئىيۇن چۈشتىن بۇرۇن سائەت 11 ئەتراپىدا يۈز بەرگەن بولۇپ، بۇ ۋاقىتتا كەنتتىكى كىشىلەر پۈتۈن كۈچى بىلەن بۇغداي ئورىۋاتقاندا تۇيۇقسىز ئوت كەتكەن. كەنت ئاھالىلىرى پۈتۈن كۈچى بىلەن ئوت ئۆچۈرگەن، 119 غىمۇ تېلېفۇن ئۇرغان، ئوت ئۆچۈرۈش ئەترىتىنىڭ ئارلىقى يىراق بولغاچقا، 50 مىنۇتتىن كېيىن يېتىپ كەلگەن.
كەنت ئاھالىسىنىڭ مۇخبىرغا دېيىشىچە، زور ئوت ئىككى ئۈچ سائەتتە ئاندىن ئۆچۈرۋېلىنغان، 150 مو يەردىكى بۇغداي كۆيۈپ كەتكەن، تەخمىنەن 20-30 كەنت ئاھالىسى بۇ قېتىمقى تۇيۇقسىز ئوت ئاپىتى سەۋەبىدىن ھوسۇلىدىن ئايرىلىپ قالغان. كۆيۈپ كەتكەن 150 مو بۇغداينىڭ ئارىسىدا يەنە 60 نەچچە مو يەر ياڭىقى بولۇپ، بۇ يەر ياڭىقى پىلىكىمۇ كۆيۈپ كەتكەن، يېقىن جايدىكى بىر توخۇ فېرمىسدىكى ئون نەچچە توخۇ كۆيۈپ كەتكەن.
كەنت ئاھالىلىرى، ئوت ئاپىتى يۈز بەرگەندىن كېيىن، يېزىلىق ھۆكۈمەتنىڭ زىيانغا ئۇچرىغان كەنت ئاھالىلىرىگە ھېچقانداق ئىپادە بىلدۈرمىگەنلىكىگە نارازى بولدى.
فېڭتاڭ يېزىسى پارتىكومىنىڭ مۇئاۋىن شۇجىسى لى گۇڭنىڭ مۇخبىرغا دېيىشىچە، ئوت ئاپىتىنى شۇ جايدىكى باشلانغۇچ مەكتەپنىڭ 3-يىللىقىدىكى بىر ئوقۇغۇچى ئوت ئويناپ كەلتۈرۈپ چىقارغان، يېزىلىق ھۆكۈمەت بۇ بالىنىڭ ئاتا-ئانىسىنى تاپقان بولۇپ، ئىدىيىۋى خىزمەت ئىشلەش ئارقىلىق ئۇلار بۇ ئوت ئاپىتىدىكى زىياننى تۆلەشكە قوشۇلغان.
مەنبە:سىنا تورى
