يولداش خۇ جىنتاۋ پارتىيە 17–قۇرۇلتىيىدا بەرگەن دوكلاتىدا: ‹‹يېزا ئىگىلىكى، يېزا، دېھقانلار›› مەسىلىسىنى ياخشى ھەل قىلىش، ئومۇميۈزلۈك ھاللىق جەمئىيەت بەرپا قىلىش ئومۇمىيىتىگە مۇناسىۋەتلىك مۇھىم مەسىلە. دېھقانلارغا نەپ يەتكۈزىدىغان سىياسەت سالمىقىنى ئاشۇرۇپ، تېرىلغۇ يەرنى قوغداپ، يېزا ئىگىلىك سېلىنمىسىنى كۆپەيتىپ، يېزا ئىگىلىك پەن – تېخنىكا تەرەققىياتنى ئىلگىرى سۈرۈپ، يېزا ئىگىلىكىنىڭ ئۇنىۋېرسال ئىقتىدارىنى ئاشۇرۇش لازىم. دېھقانلارنىڭ كىرىمىنى ئاشۇرۇشقا تۈرتكە بولۇشنى يادرو قىلىپ، دېھقانلارنى كۆپ يوللار ئارقىلىق يۆتكەپ ئىشقا ئورۇنلاشتۇرۇش لازىم. نامراتلارنى يۆلەش، روناق تاپقۇزۇش سەۋىيەسىنى ئۆستۈرۈش لازىم. بىلىملىك، تېخنىكا ۋە باشقۇرۇشنى بىلىدىغان يېڭىچە دېھقانلارنى يېتىشتۈرۈپ، دېھقانلارنىڭ يېڭى يېزا قۇرۇلۇشىدىكى رولىنى جارى قىلدۇرۇش لازىم››، دەپ كۆرسەتتى. بۇ، پارتىيەمىزنىڭ ئومۇم ئۈچۈن پارتىيە قۇرۇش، خەلق ئۈچۈن ھاكىمىيەت يۈرگۈزۈش ئىدىيەسىنى، خەلق ئاممىسىنىڭ تۈپ مەنپىئىتىگە كۆڭۈل بۆلىدىغانلىقىنى ئەكس ئەتتۈرۈپ بېرىدۇ.
ماركسىزملىق سىياسىي نۇقتىدىن ئېلىپ ئېيتقاندا، ئومۇم ئۈچۈن پارتىيە قۇرۇش، خەلق ئۈچۈنھاكىمىيەت يۈرگۈزۈش، ئەڭ كۆپ خەلقنىڭ تۈپ مەنپەئىتىنى رېئاللاشتۇرۇش، ياخشى قوغداش ۋە ياخشى يۈكسەلدۈرۈش ئەڭ مۇھىم ئىشتۇر. ماركسىزم – لېنىنىزم، ماۋ زېدۇڭ ئىدىيەسىنىڭ پەيدىنپەي پۈتۈن دۇنيادا ئەڭ قۇدرەتلىك، ئەڭ ھىمايە قىلىدىغان زور ئېقىمغا ئايلىنىشىدىكى تۈپ سەۋەبمۇ كەڭ خەلق ئاممىسىنىڭ تۈپ مەنپەئىتىنى ئاساس قىلغانلىقىدا. خەلق يىمىرىلمەس كۈچتۇر، مانا مۇشۇنداق كۈچلۈك ئاساسقا ئىگە بولالىغان ھەر قانداق پارتىيە، ھاكىمىيەت مەڭگۈ قەد كۆتۈرۈپ تۇرالايدۇ. بۇنىڭ ئۈچۈن ئامما ئۈچۈن ئەمەلىي، ئۈنۈملۈك، ھەقىقىي ئىش قىلىپ بېرىش مەۋجۇت بولۇپ تۇرىدىغان ھاكىمىيەت ۋە پارتىيەنىڭ باش تارتىپ بولمايدىغان ئېغىر، مۈشكۈل مەسئۇلىيىتىدۇر. پارتىيەمىزنىڭ تۈپ مەقسىتى جان – دىل بىلەن خەلق ئۈچۈن خىزمەت قىلىش. پارتىيەمىزنىڭ ئەڭ كۆپ خەلقنىڭ تۈپ مەنپەئىتىدىن باشقا ھېچقانداق ئالاھىدە مەنپەئىتى يوق. پارتىيەمىزنىڭ بارلىق ۋەزىپىسى ۋە مەسئۇلىيىتى خەلقنى يېتەكلەپ، ئۇلارنىڭ مەنپەئىتىنى رېئاللاشتۇرۇش ئۈچۈن ئىزدىنىش. شۇڭا، پارتىيەمىز سوتسىيالىستىك ئىناق جەمئىيەت بەرپا قىلىش ئۈچۈن، خەلقنىڭ تۈپ مەنپىئەتىنى ياخشى رېئاللاشتۇرۇشنى بارلىق خىزمەتلەرنىڭ تۈپ مەۋقەسى، خەلقنىڭ ھىمايە قىلىش – قىلماسلىقى، قوللاش – قوللىماسلىقى، ياقتۇرۇش – ياقتۇرماسلىقى، قوشۇلۇش – قوشۇلماسلىقىنى بارلىق تەدبىرلەرنىڭ ئۆلچىمى قىلىپ، ھوقۇقنى خەلق ئۈچۈن ئىشلىتىشى لازىم. خەلقنىڭ ھال – دەردىگە يېتىپ، خەلق مەنپەئىتىنى بىرىنچى ئورۇنغا قويۇپ، بارلىق خىزمەتلەردە خەلقنىڭ ئارزۇ – تەلەپلىرىنى، ئارمانلىرىنى ھەقىقىي رەۋىشتە قاندۇرۇپ، خەلقنىڭ ئىقتىسادىي كىرىم يوللىرىنى كېڭەيتىپ ۋە كۆپەيتىپ، تۇرمۇش سەۋىيەسىنى تىرىشىپ ئۆستۈرۈش يولىدا داۋاملىق ئىزدىنىۋاتىدۇ.
مەنبە:شىنجاڭ گېزىتى ئابلەت چوڭئاخۇن
