ئۈرۈمچى،
ئاقىدۇ ئۇنىڭدا بۇغدانىڭ يېشى،
كىلىدۇ ئۇنىڭدىن ئالتاينىڭ ھىدى،
تۇتاشتۇر ئۇنىڭغا سايرام يىلتىزى،
چۆرگىلەر تەڭرى تاغ تارىم شامىلى،
لىكىن ئۇ ئەمەستۇر ئاقبايراق يەرى.
ئۈرۈمچى،
قوينىڭ كەڭرىدۇر سىغار ھەممىسى،
ئۈچ تاشتىن سوزۇلۇپ سەككىز تۈتۈنگە،
رەت رەتتە تىزىلغان مىللەتنىڭ جېنى،
ئىناقلىق گۈللىرى تىكىلگەن ئەمما؟،
قىزىل تاغ ھەيۋەتلىك يوقتۇر بايراقى.
ئۈرۈمچى،
سەن يالغۇز ئەمەسسەن دۇنيا پارچىسى،
يىغلىساڭ يىغلايدۇ ئۈنتۈنسىز بەلكىم،
ئەجنەبى،ئەرەبى ھەم يەھۇدىسى،
يامالىق مۇڭلىرى تۈگەيدۇ بىر كۈن،
تۇتۇلماي تۇرسىلا ئۇيغۇرنىڭ تىلى.
ئۈرۈمچى،
بارمىدۇر سىنىڭدىن جەننەتتە بىرى؟.
(تۇپراقبەگ)
2010.05
