بالا ئالىملار ۋە ياش پادىشاھلار
دىنىمىز ۋاقىتقا شۇنچىلىك ئەھمىيەت بېرىدۇكى، ئىنسان تەربىيىلەشنىمۇ ئەڭ كىچىك ياشتا باشلايدۇ. تەلىم-تەربىيەدە ۋاقىتنى ئۆتكۈزۈۋېتىشنىڭ ئالدىنى ئالىدۇ. ئالدى بىلەن ئەڭ مۇھىم بىلىملەرنىڭ ئۆگىتىلىشنى تەلەپ قىلىدۇ. مۇسۇلمانلارنىڭ پايدىسىز بىلىملەرگە ۋاقىت ئىسراپ قىلىشىنى خالىمايدۇ.
17-18 ياشلارغا كىرگەن بىر مۇسۇلماننىڭ تۇرمۇشنىڭ ھۆددىسىدىن چىقالايدىغان ئىقتىدارغا ئىگە بولۇشىنى تەلەپ قىلىدۇ. ئىسلام ئالىملىرى ۋە كاتتىلارنىڭ ھاياتىغا نەزەر سالغىنىمىزدا كۆز ئالدىمىزغا چىققان مەنزىرە بۇنىڭ ھەقىقەتەن شۇنداق بولغانلىقىنى ئىسپاتلايدۇ.
ئىمام مالىك 17 ياشقا كىرگەندە ئوقۇشىنى تاماملاپ دەرس بېرىشكە باشلىغان. ئىمام شافىئىي 5 ياشتا "مۇۋەتتا" ناملىق ھەدىس كىتابىنى يادلىغان، 15 ياشتا دىن توغرىسىدا سورالغان سوئاللارغا جاۋاب بېرىشكە باشلىغان. ئىمام ئەزائى بولسا 13 يېشىدا ئەڭ قېيىن دىنىي مەسىلىلەرگە توغرا جاۋابلارنى بېرەلەيدىغان بولغان. ئىمام بۇخارى باشلانغۇچ مەكتەپتىكى چېغىدىلا 15 مىڭ ھەدىسنى يادلاپ بولغان. ئىبنى سىنا 10 ياشقا كىرگەندە پۈتۈن قۇرئان ۋە ئەدەبىيات بىلىملىرىنى مۇكەممەل ئۆگىنىپ بولغان. ئوسمانلى سۇلتانى 1-مەھمەت 14 ياشقا كىرگەندە ئەنقەرە ئۇرۇشىدا ھەربى قوشۇننىڭ قۇماندانى بولغان. سۇلتان 2-مەھمەت (فاتىھ) 14 ۋە 18 يېشىدا دۆلەت تەختىگە چىققان. سۇلتان 1-ئەھمەت 14 ياشتا پادىشاھ بولغان. كىچىك ياشتا قولغان كەلتۈرۈلگەن پۈتكۈل مۇۋەپپىقىيەتلەرنىڭ سىرى "ۋاقىتنىڭ قىممىتىنى بىلىشتۇر."
مەنبە: تۈركچە "مېنىڭ ئۈممىتىم" ناملىق كىتاب 70-71-بەتلەر
تۈركچىدىن ئۇيغۇرچىلاشتۇرغۇچى: كەڭسايدىن دىلارا
