مەن مۇسۇلمانمۇ؟ مەن پۈتكۈل مەخلۇقاتلارنى ياراتقان زات ئاللاھ تائالاغا ئىمان ئېيىتتىممۇ؟ .........(ئويلىنىش ئىچىدىمەن) مەن ئاللاھ تائالانىڭ نۇرغۇن پەيغەمبەرلەرنى ئىنسانلارنى توغرا يولغا باشلاش ئۈچۈن ئېۋەتكەنلىكىگە ئىمان ئىيىتتىممۇ؟ .......... مەن محمد (سەللەللاھۇ ئەلەيھى ۋەسسەلەم)نىڭ ئاللاھ تائال ائىۋەتكەن ئەڭ ئاخىرقى پەيغەمبەر ئىكەنلىكىگە ئىمان ئىيىتتىممۇ؟ مەن ھەقىقەتەن قۇرئان كەرىمنىڭ پەيغەمبىرىمىز محمد (سەللەللاھۇ ئەلەيھى ۋەسسەلەم)ئارقىلىق ئاللاھ تائالا تەرىپىدىن ئەۋەتكەن ، ھىچقانداق بۇرمىلانمىغان ئەڭ ئاخىرقى ساماۋى كىتاب ئىكەنلىكىگە ئىمان ئىيىتتىممۇ؟ .......... بولىدىغانلىقى شەكسىز بولغان قىيامەت كۈنىدە ھەممە ئىنساننىڭ ئاللاھ تائالا نىڭ ئالدىدا ئەمەللىرى ئۈستىدە سۇئال سوراق قىلىندىغانلىقىغا ئىمان ئىيىتتىممۇ؟ .......... ئۈسىدىكى بوش چىكىتلەرنىڭ سەۋەبى مىنىڭ ئۆزۈمدە يەنە گۇمانلىرىم بار، بۇ مىنىڭ تېخى مۇسۇلمان بولمىغانلىقىمنى ئىسپاتلايدۇ، ھىچبولمىغاندا مەن بىر خۇيزۇ. شەرىئەت ھۆكۈمى بويىچە ئىيىتقاندا، ئىمان ئىيىتمىغان ھەر بىر كىشى دوۋزاخقا مەھكۇم بولىدىكەن، بۇ راسمۇ؟ ئەگەر مەن بۇھۆكۈمنى ئىنكار قىلسام ، نىمىلەردىن زىيان تارتقان بولىمەن؟ ئەگەر بۇ ھۆكۈم راست بولۇپ مەن ئۇنىڭغا ئىشەنمىسەم ، نېمىلەرگ ئېرىشىپ نىمىلەردىن زىيان تارىتقان بولىمەن؟ ئۇلار باقى دۇنيا مەڭگۈلۈكتۇر. ئازاپ ۋە ساۋاپمۇ مەڭگۈلۈك دىيىشىدۇ. ........... مەن بىر ئاز قورقىۋا تىمەن. .......... ئەگەر مەن ئىمان ئىيتىپ مۇسۇلمان بولماقچى بولسام زادى قانداق قىلىمەن؟ ئۈستىدە سورالغان مەسىللەرگە ئىمان كەلتۈرۈشۈم لازىم بولامدۇ؟ قانداق قىلغاندا زادى ئىمان كەلتۈرەلەيمەن؟ .......... مەن ھازىر ئۈستىدىكى ئىمان كەلتۈرۈشكە تىگىشلىك شەرتلەرگە ئىمان كەلتۈردۈم، مۇسۇلمان بولدۇم . مەن راستىنلا مۇسۇلمان بولدۇممۇ؟ .......... پەرۋەردىگارىم مېنى ئۆزىگە ھېچنىمىنى شېرىك كەلتۇرمەسلىكىمنى، پەقەت ئۆزىگىلا تاينىشىمنى بۇيرۇق قىلغان تۇرسا مەن ئۇزاتنىڭ دىگىنىدەك قىلالىدىممۇ؟ بەزىدە نام-ئاتاق قوغلىشىپ، شان شۆھرەت قازىنىشقا ئۇرۇندىممۇ يوق؟ پەرۋەردىگارىم مېنى ئۆزىنىڭ پەرمانىغا بويسۇنۇشنى ئەمىر قىلدى، مەن زادى شۇنداق قىلالىدىممۇ؟ ئاللاھ تائالانىڭ ئەمرى دىگەن نىمە؟ ئەگەر ئۇ زاتنىڭ ئەمىر- پەرمانلىرىنى بىلمىسەم، ئۇ زات مېنى ئىلىم ئۈگىنىشكە بۇيرىدى، شۇڭا ئۇ زاتنىڭ ئەمىر- پەرمانلىرىنى ئۈگىنىشىم كىرەك. ئەگەر مەن بىلگەن بولسام رازىلىغىم ۋە ئۆز ئىختىيارلىغىم بىلەن ئىجرا قىلدىممۇ؟ .......... ئىبادەتلىرىمنى ئۆز ۋاقتىدا ئورۇنلىيالىدىممۇ؟ قىيامەت كۈنى مېنىڭ ئۈزرىلىرىم قوبۇل قىلىنامدۇ؟ ئاللاھ تائالاغا مۇكەممەل ئىبادەت قىلالىدىممۇ؟ .......... رامىزان روزىسى تۇتتۇممۇ؟ قەلبىمنى ساپ قىلالىدىممۇ؟ ئۆز نەفسىمگە ئىگە بولالىدىممۇ؟ .......... كەمبەغەللەرگە مادددى ياردەم قىلالىدىممۇ؟ قەلبىمدە ئاللاھ رازىلىقى ئۈچۈن ئۇلارغا كۆيۈندۈممۇ؟ ئاللاھ تائالانىڭ ئىچ ئاغىرتىشىنى ئۈمۈت قىلىپ ئۇلارغا ئىچ ئاغىرتىپ باقتىممۇ؟ .......... كىشىلەرنى ياخشىلىققا بۇيرۇپ يامانلىقتىن توسىيالىدىممۇ؟ شۇنداق قىلىشتىن قورقتۇممۇ؟ ياكى ماڭا خۇش ياقمىدىمۇ؟ .......... مەن تىرىشچانلىق بىلەن كۈرەش قىلالىدىممۇ؟ ياكى مەن ئىزچىل چۈشكۈنلۈك ، زېرىكىش ئىچىدە ھىچقانداق تۇرمۇش نىشانىسىزلا تېنەپ يۈرەلمىدىممۇ؟ ئاللاھ تائالانىڭ دىنىنى تەرغىپ قىلالىدىممۇ؟ ياكى ئەمەللىرىم بىلەن مۇسۇلمانلارنىڭ ئوبرازىغا تەسىر يەكۈزىۋاتامدىمەن؟ بىلىپ يەتتىمكى : ئەمەلىيەت مەيدانىدا يوق ۋە ئەمىلى بىلەن سۆزى بىرلەشمىگەن كىشىلەر ھەرگىزمۇ مۇسۇلمان ھىساپلانمايدىكەن. دائىم يالغان سۆزلەيدىغان كىشى ۋە ئەھدىگە ۋاپا قىلمىغان كىشىنىڭ مۇسۇلمان ئەمەسلىگىنى بىلىپ يەتتىم. مەن ئەڭ چوڭ يالغانچىلىقنىڭ :‹‹ئاللاھدىن باشقا ھىچقانداق مەئبۇت يوقتۇر›› دەپ تۇرۇپ، ئاللاھنىڭ ئەمىر پەرمانلىرىنى يۈرگۈزمەسلىك ئىكەنلىكىنى بىلدىم. مەن گۇناھلىرىمدىن بەك قورقىۋاتىمەن. قورىققانلىقىمدىن ياش ئاققۇزىۋاتىمەن. ئۆزۈمدىن زادى نېمىنىڭ مېنى ئاللاھنىڭ پەرمانلىرىنى بىجىرىشتىن غاپىل قويغانلىقىنى سوراۋاتىمەن. .......... نەفسىم مېنىڭ دوۋزاخقا كىرىشىمگە سەۋەپچى بولدى. ئەتىگەنلىرى ئورنۇمدىن سەھەر تۇرغۇم يوق، چۈنكى ئۇ چاغدا مەن تاتلىق ئۇخلاۋاتقان بولىمەن، مەن ۋاقتىدا ئىبادەت قىلالمايمەن، چۈنكى تاھارەت ئېلىش مەن ئۈچۈن تولىمۇ ئاۋارىچىلىق ئىش، يەنە كېلىپ قىلىشقا تېگىشلىك نۇرغۇن ئىشلار بار، رامىزاندا بىر ئاي روزا تۇتىمەن، چۈنكى بۇ مېنىڭ ئورۇقلىشىمغا پايدىسى تىگىدۇ. مەن قانداقسىگە باشقىلارنىڭ كەينىدىن سۆزلىمەي تۇرالاي، گەرچە سۆزلىگەنلىرىمنىڭ ھەممىسى ھەقىقى ئەھۋال بولسىمۇ. باشقىلارنىڭ كۆزى مەن ئۈچۈن يېقىلغۇ بولدى. مەن تېخى ياش تۇرسام ياغلىق چىگىۋالسام تولىمۇ ئىستىقبالىم يوق بولۇپ قالىدۇ. خىزمەت ئورنىدا ناماز ئوقۇيمەن دىسەم ، خوجايىنىمغا بەرگەن تەسىرىم ياخشى بولماي قالىدۇ. مەن ئاز سانلىق مىللەت دەپ باشقىلارنى ماڭا ئايرىم تاماق ئېتىپ بىرىشكە زورلىسام ، ئۇلارغا ئاۋارىچىلىق تۇغدۇرۇپ بىرىمەن. مەن بىر جوڭگۇلۇق بولغاندىكىن ئەتراپىمدىكى مۇھىتقا ماسلىشىپ ، باشقىلاردىن پەرىقلىنىپ قالماسلىغىم كىرەكتە. مەن........ يەنە قەيەردە مەن بار؟ مەن نەفسىم ئۈچۈن ئۆزۈمنى قۇل قىلدىم. بىر باي كىشى مەن بىلەن سودا قىلدى، مەن ئۇنىڭ ماللىرى ھەقىقەتەن جەلىپ قىلىش كۈچىگە ئىگە ئىكەن. ئۇنىڭ دىيىشىچە ئۇنىڭ ماللىرىدا مەدىنيەت، ئىلغارلىق، ئېچىۋىتىش، ئەركىنلىك، مۇجەسسەملەنگەنكەن. ئۇنىڭ ماللىرىغا قاراپ، ئۇنىڭ دۇنياسىغا قىززىقىپ قالدىم. ئۇنىڭغا ئەگىشىپ تۇرمۇشىمنى ئۆزگەرتىشنى ئويلىدىم. شۇڭلاشقا مەن ئۆز ساغلاملىقىمنى ئۇنىڭغا سېتىپ بەردىم. كېيىن باتۇرلۇقۇم، غايەم، ئەقىدەم، ئەخلاقىم ھەممىسىنى ئۇنىڭ ماللىرى بىلەن ئالماشتۇردۇم. ھازىر بىرلا نەرسەم جىسمىم بىلەن ياشاۋاتىمەن. لېكىن شۇنى ھىس قىلدىمكى، ھازىرقى بارلىقىم ۋە كەلگۈسىدىكى بەختىمنى دوۋزاخقا ئالماشتۇردۇم.......... مېنى قۇتقۇزىدىغان باشقا ئامال بارمۇ؟..........بار، ئۇ بولسىمۇ: پەقەت مەن ئۆزۈمنىڭ ئەسلى ھالىتىمنى تېپىشىم كىرەك. بۇنىڭ ئۈچۈن مەن پەقەت پەرۋەردىگارىمنى تاپقاندىلا ئاندىن ئۆزۈمنىڭ ئەسلى ھالىتىمنى تاپالايمەن. ئۇ يەردە تېخى مەن ھاياتنىڭ تېنىچلىقىنى ۋە ئەقىدەمنىڭ لەززىتىنى تاپالايمەن. قاباھەتلىك چۈش كۆرىۋەرمەسلىك ئۈچۈن، ئۇيقۇمدىن ئويغىنىشىم كىرەك. مەن دىنىم بىلەن ھىدايەت تاپتىم. ئىنشائاللاھ ئەمدى مەڭگۈ ئىماننىڭ نۇرىنى ئىزلەپ ياشايمەن. ئى پەرۋەردىگارىم! مەن قىيىنچىلىقىم ئېغىر، ئەھۋالىم ئېچىنىشلىق ھالەتتىمەن. ساڭا لايىقىدا قۇلچىلىق قىلالمىدىم. ھەرخىل تاقاقلار مېڭىشىمغا توسقۇنلۇق قىلىپ ھەركىتىمنى چەكلەپ قويدى. پۇل دىسە جاننى بىرىپ مەھبۇسقا ئايلاندىم. ۋەدىگە ۋاپا قىلمايدىغان شەخسىيىتىم، دۇنيانىڭ مەئىشەتلىرى، ھەممىسى مېنى ئالدىدى. ئې پەرۋەردىگارىم! مەن سېنىڭ ئىززىتىڭ بىلەن سەندىن شۇنى سورايمەنكى، گۇناھلىرىم تۈپەيلى دۇئالىرىمنى ئىجابەتسىز قويمىساڭ. سەن مېنى ياراتقۇچىدۇر سەن ! سەن مېنىڭ ئىگەمسەن ! سەن مېنىڭ خوجايىنمىسەن! مېنىڭ تەقدىرىم سىنىڭ قولاڭدىدۇر! سەن مېنى باشقۇرۇپ تۇرغۇچىدۇرسەن! سەن مېنىڭ ئازابىمنى ۋە بەخىتسىزلىكىمنى بىلىپ تۇرغۇچىدۇرسەن! سەن مېنىڭ قىيىنچىلىقىمنى ۋە مۇشكۇلاتىمنى بىلىپ تۇرغۇچىدۇرسەن! ماڭا رىزىق بەرگۈچىدۇرسەن! ئې ماڭا رىزىق بەرگۇچى ئاللاھ ! ئې ماڭا رىزىق بەرگۇچى ئاللاھ ! مەن سېنىڭ ھەقىقى مەۋجۇتلىغۇڭ، مۇقەددەسلىكىڭ، ئادىللىغىڭ بىلەن شۇنى سورايمەن: سەن بەرگەن ساغلاملىقىڭ بىلەن ساڭا خىزمەت قىلىشنى تىلەيمەن. ئەقىدەمنى مۇستەھكەم قىلىشىڭنى، سەندىن ھەقىقى قورقىدىغان قورقۇنۇچ ئاتا قىلىشىڭنى، مېنىڭ سۇلماس ئىرادە بىلەن ساڭا خزمەت قىلىشىمنى تىلەيمەن........... ئامىين.... تەرجىمە قىلغۇچى : نازۇك گۈل تەھرىر : ت. شەرقى تەكشۈرۈپ بېكىتكۈچى : نۇرلۇق- ئىسلام | 
