فەنەر باھچە كوماندىسىنىڭ باشلىقى ئالېكس دە سۇزانىڭ تۈركىيە گىراژدانلىقىغا ئۆتۈش ئۈچۈن سۇنغان ئىلتىماسى قوبۇل قىلىندى.

:  فەنەر باھچە كوماندىسىنىڭ باشلىقى ئالېكس دە سۇزانىڭ تۈركىيە گىراژدانلىقىغا ئۆتۈش ئۈچۈن سۇنغان ئىلتىماسى قوبۇل قىلىندى.
ھەر دائىم ئۆزىنىڭ تۈركىيە پۇخرالىرىدىن بىرى ئىكەنلىكىنى تىلغا ئالىدىغان ئاتاقلىق پۇتبول چولپىنى ئەمدىلىكتە رەسمىي تۈركىيە پۇقراسى بولىدۇ، ئۇنىڭ ئىسمى ئۆزگەرمەي ئۆز بېتى قىلىۋەرسىمۇ، ئەمما يېزىلىشى ئۆزگىرىدۇ.
ئالېكس ئاتقان توپلىرى بىلەن تىللاردا داستانغا ئايلانغان  بولۇپ،  ئۇ يالغۇز پۇتبول ئويناش ماھارىتى بىلەنلا ئەمەس، بەلكى يەنە كىشلىك ئەخلاقى بىلەنمۇ ھەممىنىڭ ھۆرمىتىگە ئېرىشكەن ھەمدە تۈرمۈش ئادەتلىرى بىلەن تۈرك خەلقىنىڭ ئايرىلماس بىر پارچىسىغا ئايلانغان ئىدى.
ئۇ يىللىق تەتىللىرىنى تۈركىيەدە ئۆتكۈزدى. بالىلىرىنىمۇ تۈركىيە مەكتەپلىرىگە بەردى. ئەمدىلىكتە يەنە بىر قەدەم ئىلگىرىلەپ، تۈركىيە گىراژدانلىقىغا ئۆتۈش ئالدىدا تۇرىدۇ.
ئاتاقلىق پۇتبۇل چولپىنى ئۆتكەن ئاي تۈركىيە گىراژدانلىقىغا ئۆتۈش ئىلتىماسىنى دۆلىتىمىز باش مىنىستىرى رەجەپ تاييىپ ئەردوغانغا يەتكۈزگەن ئىدى.
تۈركىيە گەرەژدانلىقىغا ئۆتۈش ئىلتىماسى قوبۇل قىلىنغان ئالېكس، ئەمدىلىكتە مىنىستىرلەر كابېنتىنىڭ تەستىقىنى كۈتمەكتە.
تۈركچە ئىسمىنىڭ نېمە بولىدىغانلىقى ھەققىدە بىر قانچە كۈنگىچە تالاش - تارتىشلار بولغان بولۇپ، ئالېكس ئىسمىنى ئۆزگەرتمەسلىك قارارى ئالدى. ئۇنىڭ ئىسمىنىڭ ھەرىپلىرىلا ئۆزگىرىدىغان بولدى.
ئىلگىرى بىرازىلىيە دۆلەتلىك كوماندىسىدا پۇتبول ئوينىغان 34 ياشلىق ئالېكس، يەرلىك سالاھىيەتتە پۇتبول ئوينىيالىشى ئۈچۈن 5 يىل كۈتىشى لازىم.

مەنبە :ترت

تۇركىيىگە پايدىلىق بۇلسا گىراژدانلىققا چاققانراق ئۇتسە بۇلدىكەن،،،،!!!!!!!!

يېشىم   40تىن ئاشقان بولسىمۇ مەيدانغا چۇشسەم ياكى ئوينىغاننى كۆرسەممۇ ئۆزۇمنى 20ياشقا ئەمدى كىرگەندەك ھىس قىلىمەن تەنتەربىيە ساھەسىدىكى  ئوغۇللارنىڭ غورورى ......................فۇتبول................................

ياخشى  خەۋەركەن ،،  تۈركىيە ئۈچۈن تۆھپە قوشاي دەپتىدە بۇ ئالكىس .

ئىسىت بۇ تۇرك پۇخراسى بولغۇچە ، تۇرۇك پۇشتىدىن بولغان مەسئۇد ئوزىل تۇرك پۇخرالىقىغا ئوتسىچۇ ؟؟
چولپان دەپ ئوزىلنى دىسە بولىدۇ تۇركىيەگە نىسبەتەن ،، ئۇ تارىختىن بۇيانقى تۇركلەر ئىچىدىن چىققان ئەڭ ئىسىل توپچى ،، دۇنيادىكى ئەڭ كۇچلۇك كوماندا خان جەمەتى مادىرىتتا ئوتتور مەيداننى ئوينايدۇ ، ئۇ بۇ يىل ھەتتا مەيداندىكى ئالاھىدە ئىپادىسى بىلەن ئالدىنقى قىتىملىق دۇنيا پۇتپول ئەپەندىسى كاكانىمۇ بەزىدە قاتتىق ئوروندوققا ئولتارغۇزۇپ قويغان ،،، ھەم بۇيىل ئوزى چىقارغان 18 پاس بىلەن ھۇجۇم تەشكىللەش جەھەتتە بارسلونادىكى مىسسىي بىلەن بىرلىكتە ئىسپان بىرلەشمىسىدە بىرىنجى ئوروندا تۇرغان ،، ئۇنى ھازىر دۇنيادىكى ئەڭ مۇنەۋۋەر ئوتتور مەيدان ھۇجۇمچسى دىيىشكە بولىدۇ ،،،
مانا بۇلار ھەقىقىي چولپان بۇلۇشقا مۇناسىب ،،، ئەپسۇس ئۇ گىرمان دولەت تەۋەلىكىدە ،،، مەيلى نەدە بولسۇن ئۇ ھامان تۇرك توپچىلىرىنىڭ پەخرى

     ئالكس تۈركىيە پۇقرالىقىغا ئۆتۈپتۇ،ھازىر 34ياشتا ئىكەن،تۈركىيەگە ۋاكالىتەن مۇسابىقىگە قاتنىشىشى ئۈچۈن 5يىل ساقلىشى كېرەك ئىكەن.39ياشقا كىرگەندە ھازىرقى ھالىتىنى ساقلىشى تەس...ئۇنىڭ ئۈستىگە تۈركىيەدە ياش،تالانتلىق پۇتبولچىلار كۆپلەپ يېتىشىپ چىقۋاتماقتا،شۇنداق بولسىمۇ ئالىكسنىڭ تۈرك مەدەنىيىتىنى قوبۇل قىلىپ،تۈركىيە پۇقرالىقىغا ئىلتىماس قىلغىنىدىن خوش بولدۇم. مەسئۇت ئۆزىلگە كەلسەك ،ئۇنىڭ گېرمانىيە تەۋەلىكىنى تاللىشى 2010-يىللىق دۇنيا لوڭقىسى بىلەن مۇناسىۋەتلىك.ئەگەر تۈركىيە دۇنيا لوڭقىسى مۇسابىقىسىگە قاتنىشىش سالاھىيىتىگە ئېرىشكەن بولسا ئۆزىلمۇ تۈركىيەنى تاللىغان بولاتتى.ئامالسىز گېرمانىيەنى تاللىدى ھەم دۇنيا لوڭقىسى مۇسابىقىسىدە ئۆزىنىڭ كارامەت ئىسىل ئىپادىسى بىلەن خان مادرىدنىڭ دىققىتىگە سازاۋەر بولدى.كېلەر يىللىق مۇسابىقە پەسلىدە مەسئۇت ئۆزىل ،شاھىن ۋە خەمىت ئالتۇنتوپ قاتارلىق ئۈچ تۈرك يىگىتى خان مادرىدتا مۈرىنى مۈرىگە تىرەپ،دۇنيا ھەۋەسكارلىرىغا تۈركلەرنىڭ شان-شەرىپىنى نامايەن قىلغۇسى.

خەمىت بىكار باردى مادىرىتقا ،، زاپاس ئەزا بوپ يۇرەرمىكىن ،، ئۇنىڭدىن باشقا كوماندىدا ئاساسلىق ئەزا بوپ ئوينىسىچۇ ،،
سوغوق ئوروندۇقتا تىخىمۇ گالۋاڭلىشىپ كەتمىسىلا بولاتتىغۇ ،، ئۇنىڭ بەيرىندىكى ئىپادىسى بۇ يىل ئانچە ياخشى ئەمەس ،،
ئىسپانىيە ئەزەلدىن تۇرۇكلەر ئوزىنى كورسىتىدىغان سەھنە بوپ كەلگەن پۇتپولدا ،،، نىخات ، ئوزىل ، ئەمدى شاھىن ،،،

     فاتىخ204ئەپەندىنىڭ پۇتبۇل ھەققىدىكى مەلۇماتىغا قايىل بولدۇم.خەمىت بايرىن ميۇنخىندىمۇ زاپاس ئەزا بولۇپ قالغان ئىدى.بۇ قېتىم مورىنىيۇنىڭ تەكلىپى بىلەن مادرىدقا كەلدى ،بەلكىم مورىنىيۇنىڭمۇ ئويلىغىنى باردۇر.ئۇنىڭ ئۈستىگە مۇھىت ئالماشتۇرغاندىن كېيىن ئۆزىنىڭ بۇرۇنقى ھالىتىگە قايتىشى مۈمكىن،يەنە ئىككى تۈرك يىگىتى بىلەن بىرلىكتە مادرىدنىڭ ئوتتۇرا مەيدانىنى ئىگىلىشىمۇ مۈمكىن.ئىشقىلىپ ئۇنىڭغا ئامەت تىلەيمەن.مەنغۇ بارسىلونانىڭ مەستانىسى ئىدىم،ئەمدى بۇ تۈرك قېرىنداشلارنى دەپ خان مادرىدقا ئۆتۈپ كەتمىسەم بولاتتى.

ئەكىلىڭە قولىڭىزنى قىزىل كوۋرۇك ،، مەن بارسلوناغا ئامراق ،، لىكىن بۇ يىل ئوزىل ۋە لىخادىر<ئەسلى ئىسمى قادىر دىيىلسە توغرا> ئىسىملىك ئىككى مۇسۇلمان مادىرىتتا توپ تەپكەچكە مادرىت تەرەپتە تۇراي دىسەم  ماۋو رونالدۇ  دىگەن ئاخسا بار دەڭە ،، بەك ئوچ مەن بۇ گۇيغا ،، بارسلونادىمۇ كەيتا ۋە ئابىدار مۇسۇلمان بولغاندكىن دەپ بارسلوناغا تۇردۇم ،، كىلەر يىل قانداق بولاركىن ،،،،

        سىز بىلەن پۇتبول ھەققىدە پاراڭلاشقىنىمدىن خوش بولدۇم فاتىخ ئەپەندى.سەمى قادىرنى دەيسىز،مېنىڭچە ئۇ گېرمانىيە تەۋەلىكىدىكى ئەرەبقۇ دەيمەن.بارسىلوناغا بۇ يىل يەنە ئىبراھىم ئافىلاي باردى ،ئۇمۇ ئەرەب مۇسۇلماننىڭ ئەۋلادى.مەن بۇرۇندىن تارتىپ بارسىلونانىڭ ئويناش ئۇسۇلىنى ياقتۇرىمەن.باشتىن ئاخىر قىسقا پاس بىلەن توپنى كونتىرول قىلىپ ئوينايدۇ.يۇقۇرى تېخنىكا بىلەن سەنئەتلىك ئوينايدۇ.بەدەنگە تايانمايدۇ.بۇخىل ئويناش ئۇسۇلىنى ئۇزۇندىن بۇيان داۋاملاشتۇرۇپ كەلگەن بولۇپ،بۇ خىل ئەنئەنىسىدە چىڭ تۇرۇپ كېلىۋاتىدۇ.ئۇلارنىڭ مۇسابىقىسىنى كۆرۈشنىڭ ئۆزىمۇ بىر ھوزۇر.بولۇپمۇ ھېلىقى ئىنېستا ،خاۋىي،مىسسى ،داۋۇت ۋېللا قاتارلىقلارنىڭ ئۆز-ئارا ماسلىشىشلىرى،قىسقا پاسلىرى ئالامەت-ھە .خان مادرىد ئاساسەن چولپانلارغىلا تايىنىۋالغان،ئۆزلىرى شەكىللەندۈرگەن ئويناش ئۇسۇلى يوق.مورىنىيۇ بىلەن كىرىستيان رونالدۇ مېنىڭ كۆزۈمگىمۇ ئانچە سىغمايدۇ.