بۈگۈنىڭىزنى ئوغرىلىدىڭىزمۇ؟!
كۈنلەرنىڭ ئۆتۈشىگە ئەگىشىپ تۇيۇقسىز شۇنى ھىس قىلىپ يەتتىمكى:ئۆتكەن ھەر بىر كۈنىمىز ئىزى يوقالغان ‹بۈگۈن›، كىيىنكى ھەربىر كۈنىمىز بولسا كەلگۈسىدىكى ‹بۈگۈن›. ھەم شۇنداقلا كۈنلىرىمىز ئەسلىدىنلا ساناقسىز ‹بۈگۈن›لەردىن تۈزۈلگەن ئىكەن.
ئەمەلىيەتتە ھەربىر ئادەمنىڭ بۇ ئۆمرىدىكى ھەربىر كۈنى ‹بۈگۈن›گە تەۋە بولۇپ ‹بۈگۈن›نىڭ كۆۋرىكىدە ماڭىدۇكى ‹بۈگۈن›دىن ئاتلاپ ئۆتۈپ كىتەلمەيدۇ ھەم بۈگۈنى بولماي قالمايدۇ. بىر يىل 365كۈن، مۇشۇ كۈنلەر ئىچىدىكى ھىچبىر قايسى بىر كۈن ‹بۈگۈن›دىن باشلانمىغان ئەمەس؟! بۇ ئۆمرىدىكى نەچچە ئونمىڭلىغان كۈنلەرنىڭ ھەممىسى نۇرغۇنلىغان بۈگۈندىن تۈزىلىدۇ.
تۈنۈگۈن، ئۈلۈشكۈن، ئۈچ كۈن ئىلگىرى......لەرنىڭ ھەممىسى ئىلگىركى ‹بۈگۈن›دۇر. ئەتە، ئۆگۈن، ئۈچ كۈن كىيىن.......لارمۇ ناھايىتى تىزلا ‹بۈگۈن›گە ئايلىنىدۇ. بۈگۈن تۈنۈگۈنگە نىسبەتەن ئەتىدۇر. شۇنىڭدەك ئەتىگە نىسبەتەن تۈنۈگۈندۇر. بۈگۈننى چىڭ تۇتقانلىق ھىساپتا ئەتىنى چىڭ تۇتقانلىقتۇر.بۈگۈننى يوقاتقانلىق ئەتىنى يوقاتقانلىققا تەڭ بولۇپلا قالماستىن يەنە تۈنۈگۈننىمۇ يوقاتقانلىقتۇر.
بۈگۈن قانچىلىك گۈزەل، قانچىلىك قايغۇلۇق، قانچىلىك خۇشال، قانچىلىك ئازاپ بولسۇن باشقىلار سىز بىلەن تەڭ بەھىرلىنەلمەيدۇ ياكى ئۈستىگە ئالالمايدۇ. چۈنكى بۇ پەقەت ئۆزىڭىزگىلا تەۋە ‹بۈگۈن›دۇر. ھەممە ئادەمنىڭ ‹بۈگۈن›ى بولىدۇ لىكىن ھەر بىر ئادەمنىڭ ‹بۈگۈن›ى ئوخشاش بولمايدۇ. باشقىلارنىڭ بۈگۈنى سىزنىڭ بۈگۈنىڭىزنىڭ ئورنىنى ئالالمىغان بىلەن سىزنىڭ بۈگۈنىڭز باشقىلارنىڭ نۇرغۇنلىغان كۈنلىرىدىن غالىپتۇر.
بۈگۈن ناھايىتى جاھىل.پەقەت ئالدىغا مېڭىشنىلا بىلىدۇكى ھەرگىمزمۇ كەينىگە چىكىنمەيدۇ مەيلى سىز كىم بولىشىڭىزدىن قەتئىينەزەر ‹بۈگۈن› مەڭگۈ قايتىپ كەلمەيدۇ. بۈگۈن قىممەتلىكتۇر. بەك ئاسان يوقاپ كىتىدۇ.ئۆتۈپ كەتكەن ‹بۈگۈن›نى كۆرۈپ سىز بەلكىم يەنە نۇرغۇنلىغان ‹بۈگۈن›لىرىم بار دىيەلەيسىز لىكىن ئاللاقاچان ئۆتۈپ كەتتى.باشقىسى ھەرگىزمۇ بۈگۈننىڭ ئورنىنى باسالمايدۇ.
‹بۈگۈن›نى قايتىلغىلى بولمايدۇ ھەم يەنە كۆپەيتكىلىمۇ بولمايدۇ چۈنكى ئىنسانىيەتكە نىسبەتەن بىرلادۇر. بۈگۈن 2004-يىلى 10-ئاينىڭ 20-كۈنى. بۇ كۈن ئۆتۈپ كەتتى......دۇنيادا يەنە بىر 2004-يىلى 10-ئاينىڭ20-كۈنىدىن ئىبارەت بۇ كۈننى تاپالارسىزمۇ؟! بۇ ھاياتىڭىزدا ۋە ياكى كەلگۈسى ئەۋلادلار زامانىدىمۇ مەڭگۈ ‹بۈگۈن›نى قايتا تاپالمايسىز.
بىر ئادەمنىڭ ‹بۈگۈن›ى ئۇنچە كۆپ بولمايدۇ. تەخمىنەن 80 ياش ياشىدى دىسەك شۇ قىسقىغىنە 80 يىل ئىچىدىكى ‹بۈگۈن› 30 مىڭغىمۇ بارمايدۇ. سىز بۈگۈننى ھاراق ئىستاكانىغا تاشلىدىڭىز، ئەتىنى يۇيۇنۇش ئىدىشىغا تاشلىدىڭىز، ئۆگۈننى بولسا ماشىنا چاقى ئاستىدا يانجىۋەتتىڭىز........تاكى سىزنىڭ ئەڭ ئاخىرقى ‹بۈگۈن›ڭىز تۇسالغۇسىز كەلگەندە سىز ئاندىن يىغلايسىز، ئۆكىنىسز بىراق ئاللاقاچان كىچىككەن بولىسىز. ئون نەچچە مىڭلىغان بۈگۈننى سىز ئالتۇنغا ئايلاندۇرالمىدىڭىز، ئەڭ ئاخىرقى ‹بۈگۈن›نى بولسا پەقەت ئۆزىڭىزنى كۆمىدىغان توپىغا ئايلاندۇرۋەتتىڭىز.
ئادەملەر ھەمىشە ئۆزىنىڭ بايلىقىنىڭ ھىساۋىنى قىلىدۇ ئەمما ناھايىتى ئاز سانلىق كىشلەر ‹بۈگۈن›نىڭ ھىساۋىنى قىلىدۇ. شۇنى بىلىشىمىز كىرەككى بۈگۈن دەل شۇ بايلىقتۇر. بايلىققا ‹بۈگۈن›سېتىۋالغىلى بولمىغىنى بىلەن بايلىقىڭىزنى يوقاتسىڭىز بەلكىم ئەتە تاپالايسىز ئەمما بۈگۈنىڭىزنى يوقاتسىڭىز مەڭگۈ ‹بۈگۈن›سز قالىسىز.
بۈگۈن ئەتىگە باشلايدۇ. ئەتە ئۆگۈنگە، ئۆگۈن......مانا مۇشۇنداق قىلىپ سىز نۇرغۇنلىغان گۈزەل ‹بۈگۈن›لەرنى قۇپقۇرۇق قىلىپ قويۇۋاتىسڭىز يەنە نىمىمۇ دىيەلەيسىزكى؟! ‹بۈگۈن› باشقىلار تەرىپىدىن ئوغۇرلانمايدۇ، باشقا نەرسىلەر تەرىپىدىنمۇ يوق قىلىنمايدۇ. ئۇنى ئوغۇرلىغان، يوقاتقان دەل ئۆزىڭىز، پۇشايمان ۋە ئۆكۈنۈش ئىچىدە بۈگۈنگە مۇئامىلە قىلسىڭىز ھىساپتا سىز يەنە بىر كۈننى يوقاتقان بولىسىز.
‹بۈگۈن›بولسا ئامانەت قويۇش كىنىشكىسى. سىز پۇل ساقلىمىسىڭىز ئەتە قانداقمۇ ئۆسۈمگە ئىرىشسىز؟! ‹بۈگۈن› بولسا ئۇرۇق، بۈگۈن ئۇنى يەرگە تىرۋەتمىسڭىز ئەتە قانداقمۇ گۈل ئېچىلىپ مىۋە بىرەلەيدۇ؟! ‹بۈگۈن›بولسا ئۇچرىشىش، بۈگۈن مۇھەببەت ئاتا قىلمىسڭىز ئەتە قانداقمۇ بەختكە ئىرىشكىلى بولىدۇ؟! ‹بۈگۈن› بولسا ئانا، بۈگۈن ھامىلدار بولمىسا ئەتە قانداقمۇ يېڭى بىر ھايات بۇ دۇنياغا كۆز ئاچسۇن؟!
گەرچە بۈگۈندىكى گۈزەل ئارزۇ-ئارمىنىڭىز ئەتە ئەمەلگە ئاشسىمۇ لىكىن ئۈمۈدنىڭ يۇمران بىغىنى تىكىۋىتىشىڭىز كىرەك. ئۇنداق بولمايدىكەن ھەر قانچە گۈزەل ئارزۇ-ئارمان ۋە ئۈمىدىڭىز بولغان تەقدىردىمۇ ئەتىسى ئىرىشىدىغىنىڭىز پەقەت ئۈمۈدسىزلىنىش بولۇپ قالىدۇ.
‹بۈگۈن› بەك ئاددى بولسىمۇ بىراق ئۇ بىر پارچە ئالتۇن قىش، ئۇ قىش ئارقىلىق سىز ئەتىڭىزنى بىنا قىلىپ چىقالايسىز. ‹بۈگۈن›گەرچە ئادەتتىكىچە بولسىمۇ خۇددى كىچىك-كىچىك ئېقىنلاردەك سىزنىڭ ئەتىڭىزنى تولدۇرىدۇ. بۈگۈن گەرچە كۆزگە ئىلىنمىغان بىلەن بىراق ئۇ بىر توپ ئوت. بۇ ئوت سىزنىڭ ئەتىڭىزنى يالقۇنغا ئايلاندۇرالايدۇ.
تۈنۈگۈن قانچىلىك گۈزەل بولغىنى بىلەن ئۇ ئۆتۈپ كەتتى شۇنىڭدەك ئەتە گەرچە پارلاق بولۇسىمۇ ئۇ تېخى كەلمىدى. بىر ‹بۈگۈن› ئۈچ تۈنۈگۈندىن غالىپتۇر. ئۈچ ئەتە بىر بۈگۈنگە يەتمەيدۇ. گۈزەل ئۆتكەن بۈگۈن نۇرغۇنلىغان گۈزەل تۈنۈگۈن ۋە ئەتىڭىزدىن مەڭگۈ غالىپ كىلىدۇ.
تۈنۈگۈن، بۈگۈن، ئەتىنى بىر تارازىغا قويسىڭىز بۈگۈن ھامان ئېغىر كىلىدۇ. مەن، سىز ۋە ئۇنىڭ ‹بۈگۈن›ى ئۆتكەن ۋە ياكى كىلىدىغان ‹بۈگۈن›دىن ئېغىر كىلىشى مۇمكىن. ‹بۈگۈن›دىن ئىبارەت بۇ ئىككى خەت تولىمۇ ئاددى بولغىنى بىلەن لىكىن سىزنىڭ بىر ئۆمۈر كىتاپ قىلىپ يېزىشىڭىزغا يىتەرلىك. ھاياتىڭىزدىكى ھەربىر كۈننى ‹بۈگۈن› دەپ ئويلىغان ئادەمگە ئىشەنسىڭىز بولىدۇكى ئۇ ئۆتكۈزگەن ھەربىر كۈنىنى ‹ئالتۇن›غا ئايلاندۇرالايدۇ.
مەنبە: مۇنزىرە تەرجىمىسى. ‹جوڭگۇ ياشلىرى› ژورنىلىنىڭ 2004-يىللىق 22-ھەپتىلىك سانىدىن(ئاپتورى:لۈيوۋ) تەرجىمە قىلىندى.
كەڭ ساي مۇنازىرە مۇنبىرى » كەڭ ساي مۇكاپاتلىق ئەسەر پائالىيىتى » بۈگۈنىڭىزنى ئوغرىلىدىڭىزمۇ؟!(تەرجىمە ئەسەر) 
