سالام كەڭ سايچىلار ، مەن شەخلادىن ئىگىلىپ سالام (90گىرادوس جۇما)
قۇرۇق كەلگىم كەلمىدى ئاددى بولسىمۇ پارچە -پۇراتلىرىمدىن ئالغاچ كەلدىم .ئاز كۆرمەي قۇبۇل قىلارسىلەر !
قىسمەت قىسىندىلىرى
تۇنجى قاردا تۇنجى لىرىكا،
قاندا ئاقار ئۈزگىچە ئىقىن،
پەيدابولدى جىمجىت تۇيغۇمدا،
چىن سۆيگۈدىن چىقىلغان چىقىن.
يۈرەك بىرەر ئۈنسىز بىر ۋەدە،
تىتىرەيدۇ پىچىرلاپ لەۋلەر،
ئۇنتۇلمايدۇ شۇ تۇنجى سۆيگۈ،
ئۆتسىمۇ گەر قانچە ئەسىرلەر.
شېرىن چۈشتەك شېرىن ئەسلىمە،
قات قىتىدا ئەلەملىك ھىجران.
ئويغانغاندا كۆردۇم پاجىئە.
ئەسەبىيچە كۆتەردىم چۈقان،
شۇنچە يىلدىن ياشاپ كىلىمەن ،
ئەسلىمەمدە بىر ئۇزۇم پىنھان.
كۆز ئالدىمدا كۆرمىگەن قەبرە،
چەت چۆرىدە پەرۋىشسىز جىغان.
سەن مېنىڭكى پەقەتلا مېنىڭ .
چۈشلىرىمدە سىمايىڭ سىنىڭ،
ئاڭلىنىدۇ شۇنچىلىك ئىنىق،
خۇشال ياشا دىگەن نىدايىڭ.
باراي دىدىم نەچچە نەچچە رەت،
سەن كۆمۇلگەن يىراق قەبرىگە.
ئاناڭ كۇرسە چىدىماس بەلكىم ،
قارچۇغىدەك ئوغلى دەردىگە.
ئۇنۇتمايلى تۇنجى سۆيگۈنى .
گەر ئۇنتۇلسا ئۇ سۆيگۈ ئەمەس.
سىڭىپ كەتسۇن مىسكىن دىللاغا،
سىڭەلمىسە مۇھەببەت ئەمەس.
ئۇنۇتمايلى تۇنجى سۆيگۈنى .
ئۇ ھاياتنىڭ يارقىن مىسراسى،،
ئايرىيالماس تۇتاش قەلىبنى.
سىپىل قۇرغان قەبرە چىگراسى.
ھىجران سۆرەپ ۋىسالنى يىراق ...
تىلغار دائىم يۇرەكنى پىراق،
داۋالغۇيدۇ تۇيغۇم دېڭىزدەك،
ئۈمۈدلىرىم ئۆچكەن جىن چىراق،
مەشەرگاھ بولغاندا مەڭگۈلۈك ماكان ،
گۈل ئاچار ۋىسالدا تۇنجۇققان ئارمان.
باقىدا ھالسىرغان مىسكىن ھىسلىرىم .
دىداردا تاپارمۇ ئارام ھەم دەرمان ،
سېغىنىش سېغىنىش يەنە سېغىنىش،
چارچىتار نىرۋامنى پۈتمەس زارىقىش.
ھەر جايدا يىگانە يارىدار قەلبىم ،
كىزىدۇ نىگاھتا ھەسرەت ئىنتىلىش.
ئىشىقنى سالغانمۇ ئاللائالغانمۇ ئاللا ،
كۈل بۇلۇش ئالدىدا يالقۇنجار يالقۇن.
پايانسىز دەتلەرگە بولدۇم مۇپتىلا،
كۆزىمدىن زار ئەمەس يانىدۇ ئۇچقۇن.
كىچىدە تولغۇنۇش ياتتۇر جىسمىمگە،
سۆرەتكە تەلمۈرۈپ ئۆتمەس بۇ ۋاقتىم .
بىھۇدە زارىقىش خورىتار ئادەم ،
ناز قىلىپ ساقلاشقا يوقتۇر تاقىتىم .
