جۇڭگودا ئالىي مەكتەپلەر كۆپ ، ھەرقايسىلىرىنىڭ ئۆز ئالدىغا ئالاھىدىلىكى بار. تۆۋەندىكىلىرى بولسا تورداشلار نەزىرىدىكى ئەڭ سىرلىق بولغان ئون داڭلىق مەكتەپ .
1. جۇڭگو پەن–تېخنىكا ئۇنىۋېرسىتېتى
جۇڭگو پەن–تېخنىكا ئۇنىۋېرسىتېتى قۇرۇلۇپ ئىككىنچى يىلىلا مەركەز تەرىپىدىن مەملىكىتىمىزدىكى 16 نۇقتىلىق ئۇنىۋېرسىتېت قاتارىغا كىرگۈزۈلگەن بولۇپ ، يېشى ئەڭ كىچىك نۇقتىلىق ئۇنىۋېرسىتېت . 2. لەنجۇ ئۇنىۋېرسىتېتى
لەنجۇ ئۇنىۋېرسىتېتى 1909–يىلى قۇرۇلغان ، دەسلەپكى نامى ‹‹ گەنسۇ قانۇن ۋە سىياسەت مەكتىپى›› بولغان ، ئۇنىڭدا فىزىكا ، خىمىيە ، بىيولوگىيە ، جۇغراپىيە ، تارىخ ، ھاياتلىق ئىلمى ۋە تېخنىكىسى قاتارلىق ئاساسىي پەنلەر ئەمەلىي كۈچ جەھەتتە ئالدىنقى ئورۇندا تۇرىدۇ.
3. شەرقىي جەنۇب ئۇنىۋېرسىتېتى
شەرقىي جەنۇب ئۇنىۋېرسىتېتى بولسا جۇڭگودىكى ئەڭ بۇرۇن قۇرۇلغان ئالىي بىلىم يۇرتلىرىنىڭ بىرى، بۇرۇندىنلا ‹‹ بىلىم يۇرتلىرىنىڭ مۇقەددەس جايى ›› ، ‹‹ شەرقىي جەنۇبتىكى بىلىم يۇرتلىرىنىڭ ئالدىنقى قاتاردىكىسى ›› دەپ تەرىپلىنىپ كېلىۋاتىدۇ. 4. شىئەن ئېلېكترون پەن–تېخنىكا ئۇنىۋېرسىتېتى
شىئەن ئېلېكترون پەن–تېخنىكا ئۇنىۋېرسىتېتى 1931–يىلى جىياڭشى ئۆلكىسىنىڭ رۇيجىن دېگەن يېرىدە قۇرۇلۇپ ، 1958–يىلى ئورنى شىئەنگە يۆتكەلگەن . 1959–يىلى مەملىكەت تۇنجى تۈركۈمدىكى 20 نۇقتىلىق ئۇنىۋېرسىتېت قاتارىغا كىرگۈزۈلگەن .
5. دالىيەن سانائەت پەنلىرى ئۇنىۋېرسىتېتى
دالىيەن سانائەت ئۇنىۋېرسىتېتى 1949–يىلى قۇرۇلغان ، ئەينى ۋاقىتتىكى نامى دالىيەن ئۇنىۋېرسىتېتى سانائەت ئىنستىتۇتى بولغان.
6. ئوتتۇرا جۇڭگو پەن–تېخنىكا ئۇنىۋېرسىتېتى
ئوتتۇرا جۇڭگو پەن–تېخنىكا ئۇنىۋېرسىتېتى ئەسلىدىكى ئوتتۇرا جۇڭگو سانائەت پەنلىرى ئۇنىۋېرسىتېتى ، تۇڭجى تىببىي ئۇنىۋېرسىتېتى ، ۋۇخەن شەھەر قۇرۇلۇش ئىنستىتۇتى ۋە پەن–تېخنىكا مىنىستىرلىقى كادىر باشقۇرۇش ئىنستىتۇتى قاتارلىقلارنى 2000–يىلى 5–ئاينىڭ 26–كۈنى بىرلەشتۈرۈلۈپ قۇرۇلغان . نۆۋەتتە ، مەملىكەت ئىچىدىكى كۆلىمى ئەڭ چوڭ ، سەۋىيەسى ئالدىنقى قاتاردا تۇرىدىغان ئالىي بىلىم يۇرتلىرىنىڭ بىرى. 7. شەرقىي جۇڭگو پېداگوگىكا ئۇنىۋېرسىتېتى
شەرقىي جۇڭگو پېداگوگىكا ئۇنىۋېرسىتېتى 1951–يىلى 10–ئايدا قۇرۇلغان . خۇسۇسىي مۈلۈكچىلىكتىكى داشيا ئۇنىۋېرسىتېتى ، شەرقىي جۇڭگو ئۇنىۋېرسىتېتىنىڭ ئىجتىمائىي پەن ، تەبىئىي پەنلەرنى ئاساس قىلىپ ، فۇدەن ، تۇڭجى ، خۇجياڭ ، شەرقىي ئاسىيا تەنتەربىيە تېخنىكۇمى قاتارلىق مەكتەپلەرنىڭ مائارىپ ، ھايۋانات ، ئۆسۈملۈك ، مۇزىكا ھەمدە تەنتەربىيە قاتارلىق سىستېمىللىرى بىرلىشىپ ، دا شيا ئۇنىۋېرسىتېتى ئاساسىدا قۇرۇلغان .
8. تيەنجىن ئۇنىۋېرسىتېتى
ئۇ جۇڭگو يېقىنقى زامان مائارىپ تارىخىدىكى تۇنجى ئۇنىۋېرسىتېت . 1895–يىلى تيەنجىن تامۇژنا يولى داغدۇغا بىلەن تيەنجىن بېيياڭ(چىڭ خاندانلىقىنىڭ ئاخىرقى دەۋرىدە ياۋنىڭ ، خېبېي ، شەندۇڭلارنىڭ دېڭىز ياقىسى رايونلىرىنى كۆرسىتەتتى) مەكتىپى قۇرۇلغانلىقىنى جاكارلىغان. كېيىنكى نامى دۆلەت ئىلكىدىكى بېيياڭ ئۇنىۋېرسىتېتىغا ئۆزگەرتىلگەن . ھەقىقەتنى ئەمەلىيەتتىن ئىزدەشنى مەكتەپ مىزانى قىلغان بولۇپ ، جۇڭگو يېقىنىقى زامان ئالىي مائارىپنىڭ سەركىسىنى ئاچقان.
9. خاربىن سانائەت پەنلىرى ئۇنىۋېرسىتېتى
10. شىئەن قاتناش ئۇنىۋېرسىتېتى
شىئەن قاتناش ئۇنىۋېرسىتېتى دۆلىتىمىزدە قۇرۇلغان ئەڭ دەسلەپكى بىلىم يۇرتلىرىنىڭ بىرى.1986- يىلى شاڭخەيدەقۇرۇلغان نەنياڭ جامائەت مەكتىپى ئاساسىداقۇرۇلغان. 1921–يىل قاتناش ئۇنىۋېرسىتېتىغا ئۆزگەرتىلگەن بولۇپ ، 1959–يىلى رەسمىي ھالدا ھازىرقى شىئەن قاتناش ئۇنىۋېرسىتېتىغا ئۆزگەرتىلىپ، مەملىكەت دەرىجىلىك نۇقتىلىق ئۇنىۋېرسىتېت قاتارىغا كىرگۈزۈلگەن.
مەنبە:تەڭرىتاغ تورى | 
