«كائىنات»تورى خەۋىرى: قاسىم سىدىق ئەپەندى ئاساس سالغان «فىزىكىلىق شەكىل نەزەرىيسىى»نىڭ 29-تېئۇرمىسى يېقىندا يەتتە كىشلىك بىر گۇرۇپپا تەرىپىدىن 300 قېتىمدىن ئارتۇق قايتا-قايتا تەجىرىبە قىلىنىپ ئىسپاتلاندى.
29-تېئۇرمىدا «ئېن ۋە جىسىملار سىزىقلىق ھەرىكەت يۆنىلىشى ئۆز ئوقىدا ئايلىنىش يۆنىلىشى بىلەن بىر تۈز سىزىق ئۈستىدە ياتمايدىغان سىزىقلىق ھەرىكەت جەريانىدا ئۆز ئوقىدا ئايلىنىش يۆنىلىشى تەرەپكە ئاغىدۇ» دەپ پەرەز قىلىنغان. بۇ تېئۇرمىدا تىلغا ئىلىنغان «ئېن» شەكىل نەزەرىيىسىدە تەشەببۇس قىلىنغان ئىچكى تۈزۈلۈشكە ئىگە بولمىغان ۋە مەڭگۈ پارچىلانمايدىغان ھەقىقىي مەنىدىكى ئېلمنتار زەررىچە بولۇپ، گىگانىت ئالىم ئالبېرىت.ئېينىشتېيىننى خاتىرلەش ئۈچۈن بۇ پەرەز قىلىنغان زەررىچىگە شۇنداق نام بىرىلگەن ئىكەن.
بىر قېسىم كەسىپ ئىگىلىرى بۇ تېئۇرمىنىڭ ئىسپاتلىنىشىنى مۇمكىن ئەمەس، مۇبادا بۇ ئىسپاتلىنىپ قالسا فىزىكا ۋە ئالەمشۇناسلىقتا يېڭى مەسىلىلەرنى كەلتۈرۈپ چىقىرىدۇ، دەپ قارىسا يەنە بەزىلەر بۇ تېئۇرما ئىسپاتلانسا نۆۋەتتە چۇشەندۇرۇش قېيىن بولىۋاتقان بەزى مەسىلىلەرنى چۈشەندۈرۈپ بەرگىلى بولىدۇ دەپ قاراشقان.
29-تېئۇرمىنىڭ تەجىرىبىدە ئىسپاتلىنىشى شەكىل نەزەرىيىسى تەتقىقاتىدىكى بۆسۈش خاراكتېرلىك ئىلگىرلەش بولۇپ، يېقىندا ئاخبارات ئېلان قىلىش يىغىنى ئىچىش ئۈچۈن جىددىي تەييارلىق خىزمەتلىرى ئىشلەنمەكتە. 29-تېئۇرمىنىڭ كەلتۈرلۈپ چىقىش جەريانى ۋە تەجىرىبە جەريانى شۇنداقلا ئالاقىدار سانلىق مەلۇماتلارغا دائىر دۇكىلات، ئۇچۇرلار ئاخبارات ئېلان قىلىش يىغىنىدا كونكىرىت ئوتتۇرىغا قويۇلىدۇ. تورداشلارنىڭ بۇ ئۇچۇرنىڭ تەرەققىياتىغا ئەستايىدىل ۋە جىددىي كۆڭۈل بۆلۈشىنى ئۈمىد قىلىمىز. ئالاقىدار خەۋەرلەر «كائىنات»تورىدا ئىزچىل ئۇلاپ بىرىلىدۇ.
«كائىنات» تورىدىن نەفىسە خەۋىرى
بۇ خەۋەرنى مەنبەنى ئەسكەرتكەن ھالدا خالىغان تورلارغا كۆچۈرۈشكە بولىدۇ.
2011-يىلى 4-ئاينىڭ 12-كۈنى.
تەپسىلاتى:
http://www.kayinat.com/bbs/forum.php?mod=viewthread&tid=2863
