1. غەزەپ ۋە زار

ئابدۇخالىق ئۇيغۇر





ئەي پەلەك بۇ دەھشىتىڭدىنئىنتىھا بىزارىمەن.

ئىستىدىمكۆپ، تاپمىدىم بۇ دەردىمەھېچ دارىمەن.



ئاتا - بوۋامدىنمىراس كونا كېسەلنىڭ دەردىدە،

گاھ ئۆلۈپ، گاھ تىرىلىپكۆپتىن بېرى ئاۋارىمەن.



بىر پۇراپ ئۆلسەم نە ئارمان، بېغىم باھارى گۈلىنى،

ھەر سەھەر گۈل ئىشقىدا بۇلبۇلغا ئوخشاش زارىمەن.



دوستلىرىمئوۋغا چىقاردا كەلتۈرەر مىسالىغا،

قارچىغا قۇشلار ئۇلار، مەن مىسالى سارىمەن.



يۈزمۇيۈز قىلماس تەئەررۇز، كۆپ كۆڭۈلچاندۇر ئۇلار،

كۆرمىسەم چاينار نىجىسگوياكى دىل ئازارىمەن.



لائەقىل دەپ ئويلىدى، چىندىن نەزەر سالماي تۇرۇپ،

يېڭىلىپكەتتى ئۇلار كۆپتىن بېرى ھوشيارىمەن.



قولىدىنكەلمەيدۇ ئىش، دەپ دائىمغىدىقلايدۇ مېنى،

مەن ئۇلارنىڭ شۇ سۆزىگەبەكمۇ بەك خۇنبارىمەن.



پەنگە ماڭساق كۆز ئېچىپ، كاپىر، جەدىت، دەپ قارغىشۇر،

بۇ ھاماقەت دەۋرىدە ئاتەش بولۇپ يانارىمەن.



چۆل - جەزىرە، دەشتۇ سەھرا ئىچرە قالدىمنائىلاج،

ئاھ قاچان بىريول تېپىپ، قوشۇلاي قاتارىمەن.



سۇغا تەشنادۇر بۇ چۆل، بىپايان مۇنبەت يېرى،

مىسلى دەريا تاپماي ئېقىش، قاينام بولۇپ قاينارىمەن.



ئويغىنىپكەتتى جاھان مەغرىبى - مەشرىقتامام،

مەن تېخى سۈت ئۇيقۇدا، چۈش كۆرۈپ ياتارىمەن.



باشقىلار كۆكتە ئۇچۇپ، سۇدا ئۈزۈپ كەتتى يىراق،

مەن مىسالى يالاڭ ئاياغ، دەسسەپ تىكەن ماڭارىمەن.



ئىلىم - پەندىن يوق خەۋەر، باستى غەپلەت خەۋپ - خەتەر،

ھالىمىزقۇلدىن بەتتەر، قانداق چىداپ تۇرارىمەن؟



تىل - ھاقارەت، تەنە - دىخمار، ۋاي داد! ... بۇ جاننى قىينىدى،

ئەمدى نە قىلماق كېرەك، ئەجەبمۇ بولدۇم خارىمەن.



زۇلۇمنىڭ ئوكيانىدىنتاپماي پاراغەت ئارىلى،

تاغ كەبى دولقۇندا ئۆرلەپ، ھەققە ئاھ ئۇرارىمەن.



دەۋرى جەبرىدىنئىسىت! ھالىڭغائۇيغۇر ۋايىكىم،

جاننى ئالىقانغا ئېلىپچىق، تاپمايسەن باشقا چارىسەن!

1927 - يىل



ئىزاھاتلار:

① ئابدۇخالىقئۇيغۇر (1901 − 1933)، تۇرپاندا تۇغۇلغان. ئۇيغۇر ھازىرقى زامان شېئىرىيىتىنىڭئاساس سالغۇچىلىرىدىنبىرى. «ئۇيغۇر» ئۇنىڭئەدەبىي تەخەللۇسى. ئۇنىڭ «باردۇر»، «ئويغان»، «ئاچىل»، «ياز تۈنى» قاتارلىق شېئىرلىرى مەشھۇر. بۇ شېئىر ئۇنىڭشىنجاڭ خەلق نەشرىياتى 2000 - يىلى نەشر قىلغان «ئابدۇخالىق ئۇيغۇر شېئىرلىرى» ناملىق توپلىمىدىنئېلىندى

② ئىنتىھا − ئاخىر.

③ تەئەررۇز − قارشىلىقكۆرسىتىش.

④ خۇنبار − قانلىقياش تۆككۈچى، ئاچچىق يىغلىغۇچى.

باشقلار  كۆكتە  ئۇچۇپ  ،  سۇدا  ئۈزۈپ كەتتى  يىراق ،
مەن مىسالى يالاڭ ئاياق ، دەسسەپ تىكەن  ماڭارىمەن  .   

ئابدۇخالىق ئۇيغۇرنىڭ شېئىرلىرىغا مەن بەك ئامراق

ئاللا ئىگەم ياتقان يىرىنى جەننەتتە قىلغاي....
شىئىرلىرىنى كۆرسەملا باشقىچە خىياللارنى قىلىپ كىتىمەن....

پىغانلىق يۈرەك ، ئۈمىتلىك كۆز نۈرى .

ھايات بولغان بولسا نىمدىگەن ياخشى بولاتتى ھە.......................ي.......................

ئۇت يۇرەك شائىر ،،،ئىنقىلابىي قۇربان،،،،،،سىنى خەلقىمز مەڭگۇ ئۇنۇتمايدۇ،،،!

ئابدۇخالىق ئۇيغۇرنىڭ   شېئىرلىرنى تور بەتلەردە ئىلان قىلسا بولمايدىغانلىقىنى سىز بىلمەمسىز ؟ ھەمىمىز گە ئامانلىقلار يار بولسۇن .

ئىشلىتىش

بۇ مەزمۇن 3قەۋەتتىكى amanxa نىڭ 2011-04-10 09:54 يوللىغان يازمىسىغا نەقىل :
ئاللا ئىگەم ياتقان يىرىنى جەننەتتە قىلغاي....
شىئىرلىرىنى كۆرسەملا باشقىچە خىياللارنى قىلىپ كىتىمەن....

ئىككىمىز ئوخشىىشىپكىتىدىكەنمىز.

ئىشلىتىش

بۇ مەزمۇن 7قەۋەتتىكى pa^re نىڭ 2011-04-10 17:42 يوللىغان يازمىسىغا نەقىل   :
ئابدۇخالىق ئۇيغۇرنىڭ   شېئىرلىرنى تور بەتلەردە ئىلان قىلسا بولمايدىغانلىقىنى سىز بىلمەمسىز ؟ ھەمىمىز گە ئامانلىقلار يار بولسۇن .

مەن  كۆرگەن ئىنكاسلارنىڭ ئىچىدىكى  ئەڭ  سەمىمى ،راستچىل ئىنكاس ئىكەن ............
لىكىن ...............................................................