ئائىشە بىنتى ئابا بەكرى سىدىق:
((مۆمۈنلەرنىڭ ئانىسى)) ھەزىرتى ئائىشەرەزىللاھۇ ئەنھا پەيغەمبەر ئەلەيھىسسالامنىڭ يېقىن دوستى ۋە سىردىشى ئەبۇ بەكرى سىدىقنىڭ قىزىدۇر. ئانىسى زەينەپ بولۇپ، ئائىشە ھىجىرەتتىن توققۇز يىل ئىلگىرى
يەنى مىلادىيە 613_يىلى مەككە مۇكەرەمدە توغۇلغان. ئائىشە سىدىقىيە (راسستچىل ئايال) ھۈمەيرە(قىزغۇچ
چاچلىقىم) دىگەن لەقەملەر بىلەن ئاتالغان.
ھەزىرتى ئائىشە خەدىچە رەزىللاھۇ ئەنھا ئالەمدىن ئۆتكەن يىلى يەتتە يېشىدا پەيغەمبەر ئەلەيھىسسالامغا ياتلىق بولغان. ئائىشەنىڭ يېشى كىچىك بولغاچقا، رەسۇلىللاھ مەدىنىگە ھىجىرەت قىلغاننىڭ ئىككىنچى يىلى
ئائىشە توققۇز ياشقا كىرگەندەبىر ياستۇققا باش قويغان. ئائىشە رەسۇلىللاھ بىلەن توققۇز يىل بىرگە ياشاپ،
ئون سەككىز يېشىدا رەسۇلىللاھ ئالەمدىن ئۈتۈپ، تۇل قالغان. بالىلىق بولمىغان.((مۆمۈنلەرنىڭ ئانىسى))
ھەزىرتى ئائىشە 50_يىلى يەنە بىر قاراشتا 58_يىلى (مىلادىيە 678_يىلى)رامزان ئېينىڭ سەيشەنبە كۈنى
مەدىنە مۇنەۋەردە ئالەمدىن ئۆتكەن. جىنازە نامىزنى ئەينى ۋاقىتتا مەدىنە شەھىرنىڭ ۋەكىلى ۋەزىپىسىدە تۇرغان ساھابە جەلىل ئەبۇ ھۇرەييە ئوقۇغان.
ئائىشە ئۆزنىڭ ۋەسىيتى بويچە بەقىيئەگە دەپىن قىلىنغان.
ھىجىرىينىڭ 5_يىلى مەدىندىكى مۇناپىقلار ئائىشەگە تۆھمەت قىلغاندا،ئاللاھ ئائىشەنىڭ پاكلىقىنى بايان قىلغان.
نۇر سۈر سىدىكى ئايەتلەرنى نازىل قىلىپ، ئائىشەنى ئۇۋاللىقتىن قۇتقۇزغان.
ئائىشە يىتىم يىسىرلارنىڭ كەمبىغەل غېرىپلارنىڭ بېشىنى سىلايتى.
ئائىشە رەسۇلىللاھ بىلەن ناھايتى ئاددىي غورىگۈل تۇرمۇش كەچۈرگەن. رەسۇلىللاھ ۋاپات بولغاندا ئائىشە ۋە ئائىلىسدىكىلەرگە بىر تىيىنلىق مىراس قالمىغان. ھەزىرتى ئائىشە ئەقىل -پاراسەت، ئەخلاق -ئىمان ۋە ئىلىمدە تەڭداشسىز ئىدى. ئائىشە ئەرەپ تارىخى ، كالىندار شئىرىيەت ئىلىمىدە يۇقىرى مەلۇماتلىق ئىدى.
ھەزىرتى ئائىشە پەيغەمبەر ئەلەيھىسسالامغا ئاياللىرى ئىچىدە ئەڭ يېقىن ئىدى.پەيغەمبەر ئەلەيھىسسالامنىڭ
ئائىشەگە مۇھابىتى ئارتۇقراق ئىدى. بىر ھەدىستە رەسۇلىللانىڭ مۇنداق دىگەنلىكى بايان قىلىندۇ.
((ئەرلەردىن كامالەت ماقامىغا يەتكەنلەر كۆپ، ئەمما ئاياللاردىن بۇنداق شەرەپلىك ئۇرۇنغا پەقەت پىر ئەۋىننىڭ خۇتىنى ئاسىيە،ۋە ئىمراننىڭ قىزى مەريەملا ئىرىشكەن. ئائىشەنىڭ باشقا ئاياللاردىن ئارتۇقلىقى خۇددى ئەڭ ئىسىل تاماقنىڭ ئادەتتىكى تاماقتىن ئەۋزەل بولغىندەك)). ئائىشە ئۆزنىڭ نىكاھى ھەققىدەمۇنداق دىگەن:((مەن رەسۇلىللاھنىڭ ئاياللىرى ئىچىدە ئون تۈرلىك ئالاھىدىلىككە ئگە قىلىندىم. ئاياللار ئىچىدە مەن
پەيغەمبەرنىڭ ئەڭ يېقىن ئايالى ئىدىم. ئەرلەر ئارسىدا دادام پەيغەمبەرنىڭ ئەڭ سىرداش دوستى، سەپدىشى ئىدى. رەسۇلىللاھ مەندىن باشقا قىز ئېلىپ باقمىدى. مىنى يەتتە يېشىمدا نىھكاھىغا ئېلىپ توققۇز يېشىمدا بىر تەيكىگە باش قويدى.ماڭا چاپلانغان بوھتاننى ئاللاھ ئۆزى ئايەت نازىل قىلىپ ئاقلاپ پاكلىقىمنى ئىسپاتلىدى.
رەسۇلىللاھ ئاغرىق چېغدا ئاياللىرىغا: ((ھەممىڭلارنىڭ يېىدا يۆتكىلىپ تۇرىشقا ماجالىم يەتمەيدۇ، ئاراڭلاردىن
بىرنىڭ يېنىدا تۇرسام))،دەپ رازلىق سورغاندا، ئۇممۇ سەلىمە:((ئىي رەسۇلىللاھ سىنىڭ كىمنىڭ يېنىدا تۇرىشنى خالايدىغانلىقىڭنى،بىلدۇق ئۇ ئائىشە ئەمەسمۇ ؟)) دىدى ۋە ھەممىسى رازلىق بەردى.مىنىڭ ئاغزىمدىكى لوقما پەيغەمبەر ئەلەيھىسسالامنىڭ بۇدۇنيادىكى ئاخىرقى تائامى بولدى، پەيغەمبەر ئەلەيھىسسالام مىنىڭ مىسۋاكىم بىلەن چىش يۇدى. مىنىڭ ھۇجىرامدا باغرىمدا جان بەردى.مىنىڭ ھۇجۇرامغا دەپىن قىلىندى)).
رەسۇلىللاھنىڭ ۋاپاتىدىن كىيىن ھەزىرتى ئائىشە مۆمۈنلەرنىڭ ئاياللىرىغا دىننىي بىلىملەرنى ئۆگىتەتتى،
ھەتتا ساھابىللەرمۇ بىرەر قىيىن مەسىلىگە دۇچ كەلسە ئائىشەدىن سورايتى. ئائىشە رەسۇلىللاھتىن 2210ھەدىس رىۋايەت قىلغان.بىر كۈنى ئائىشەگە مەلۇم تەرەپتىن يۈز مىڭ دەرھەم ھەدىيە كەلگەندە ئۆيدىكىلەرنىڭ تامىقى ئۈچۈن بىر دەر ھەممۇ قالدۇرماي ھەممىسنى كەمبىغەللەرگە بۆلۈپ بىرىۋەتكەن.
((مۆمۈنلەرنىڭ ئانىسى))ھەزىرتى ئائىشە تەقۋالىقى، ئىلمى ۋە گۈزەل پەزىلەتلىرى بىلەن مۇسۇلمان ئاياللىرنىڭ
ئىسىل ئۈلگىسى سۈپىتىدە ـارىخ بەتلىرىدىن تىگىشلىك ئۇرۇن ئېلىپ كەلمىكتە.
