كەڭساي مۇنبىرىگە تەكلىپ-پىكىر
ئەسسالامۇ ئەلەيكۇم كەڭساي مۇنبىرىنىڭ ئەزىز ئىشتىراكچىللىرى!ياخشىمۇسىلەر!
يېقىنقى بىر يىلغا يەتمىگەن ۋاقىت ئىچىدە ئۇيغۇر مۇنبەرلىرى تەرەققىي قىلىپ ،تورداشلارنى ئىسىل،نادىر مەزمۇنلۇق ئەسەرلىرى بىلەن ھوزۇرلاندۇرالايدىغان ، كۆڭلىگە ئارام-بەخىش ئىتىدىغان ھالغا يىتىۋالدى.بۇنىڭ ئىچىدە مۇنبىرىمىز كەڭسايمۇ بار ئەلۋەتتە.كەڭساينىڭ تېز تەرەققىياتى مۇنبەردىكى ھەربىر ئەزانى سۆيۈندۈرىدۇ.
مەن كەڭسايغا بىرقەدەر بالدۇر تىزىملاتقان ئەزالارنىڭ بىرى.مەلۇم سەۋەبلەر تۈپەيلىدىن مۇنبەرگە بىر مەزگىل كىرەلمىدىم.بۇرۇنقى بۆشۈكتىكى كەڭساي ھازىر،توردىكى ئەزاسى 6000 دىن ئاشىدىغان،كۈندىلىك تېما-ئىنكاسلارنىڭ يېڭىلىنىپ تۇرۇشى تېزلەشكەن بىر ئىستىقباللىق ئۇيغۇر مۇنبەرلىرىنىڭ بىرىگە ئايلىنىپتۇ. كۆرۈپ ھەيران قالدىم ۋە شاتلاندىم.
مەقسەتكە كەلسەك،بىر مۇنبەر ئەزاسى بۇلۇش سۈپىتىمىز بىلەن مۇنبەرگە ياخشى تەكلىپ پىكىرلەر بېرىش مەجبۇرىيىتىمىز بار دەپ قارايمەن!مۇنبەرنىڭ ئالاھىدىلىگىمۇ ئىنتايىن روشەن ئەلۋەتتە .
مەن ھېس قىلغان مۇنبەردە ھازىر ساقلىنىۋاتقان بىر قانچە كەمچىلىكلەرنى تورداشلار بىلەن ئورتاقلىشىپ باقساق دىگەن ئۈمىدتە.
1.باشقۇرغۇچى يىتىشمەسلىكمۇ ياكى باشقا سەۋەبمۇ مۇنبەرگە يوللانغان تىمىلار بەزىدە كۈنلەپ قاماقتىن چىقالماي تۇرىدىكەن،بەزىدە 1~2 تىما يوللايدىغان كۈنلىرىم بۇلىدۇ.شۇنداق چاغلاردا بىر تىما ئەتىسى چىقىدۇ ياكى يۈتۈپ كىتىدۇ.بۇ قانداق مەسىلە؟
2.بەزى تىمىلارغا قارىساق ئىنتايىن پۈچەك ۋە ھەرخىل...،بىراق شۇنداق تىمىلار باشقۇرغۇچىلارنىڭ ئەسكەرتىشى ياكى چىرايلىق چۈشەنچە بېرىشى بىلەن جايىنى تاپالمايدىكەن.تېما يېزىش ئاددى ئىش بولسىمۇ،ئۇنى ھەرخىل ئادەملەر كۆرىدۇ،بۇنىسى مۇرەككەپتە ...؟
3.مۇنبەرنى تەكشۈردۈم.نادىر تېمىنىڭ قانداقلىقىنى باشقۇرغىچى پەرق قىلالمايدىكەنسىز،تىمىنى نادىرلاشتا قاتتىقراق تەلەپ قويۇلسا،بىر ئەزانىڭ 10 دىن ئارتۇق نادىر تىمىسى ئىلان قىلىنىپتۇ ،كۆرۈپ ھەيران قالدىم.ئوقۇپ باقتىم.مىنىڭمۇ قۇرئان ئايىتىدىن 5~6 قۇرنى يېزىپ باققىم كەلدى.
4.مۇنبەر سەھىپىسى موللاشتۇرۇلسا،بەزىدە تىمىنى يوللايدىغان ماس سەھىپىنى تاپالمايدىكەنمىز.بۇ توغرىلىق ئالاقىدار باشقۇرغۇچى مەسئۇللار مۇنبەر سەھىپىسىگە بىر كۆز يۈگرىتىپ باقسا.
ئارتۇق سۆزلەپ قويغان بۇلىشىم مۇمكىن ، باشقۇرغۇچى بۇرادەرلەرنىڭ كۆڭلىگە كەلگەن بولسا ئېغىر ئالمىساڭلار،سىلەرمۇ جاپا چېكىۋاتىسىلەر،ھەممىمىز ئۇيغۇر مۇنبەرلىرىنىڭ روناق تېپىشىنى كۆزلەيمىزغۇ.ھەرقانداق ئىشتا ئەستايىدىل بولساق.ئىلمىلىكنى قوغلاشساق...
