مەن تۈرك تىلى بىلەن قانداق تۇنۇشتۇم؟
ئوتتۇرا مەكتەپتە ئوقۇۋاتقان چاغلىرىم ئېدى،بەش يىللار بۇرۇنغۇ دەيمەن ،تاكسىدا كېتىۋېتىپ بىر ناخشا ئاڭلاپ قالدىم،ئاڭلاپلا كۈيۈپ قالدىم،خۇددى پەرھاد شېرىننى چۈشىدە كۆرۈپلا كۆيۈپ قالغاندەك بىر ئىش بولدى دە!ئەمما ناخشا -مۇزىكا، شېئىر ،رەسىم دىگەنلەرگە كۈيەتتىم!شۇنداق چاغلىرىم بولسا كېرەك،دەيمەن،لېكىن ھېلىھەم يەنەكۈيىمەن؛شۇندىن كېيىن ئۇ ناخشىنى ھېچيەردە ،ھېچقاچان قايتا ئاڭلاپ باقمىدىم،ئىزدەپ تاپالماي كۈڭلۈم يېرىم بولدى.ئەمما يىللار ئۆتۈپ كېتىۋەردى،ئۇنتۇلدۇرالمىسىمۇ سۇسلىتىپ،غۇۋا قىلىپ ئۆتەتتى...كېيىن ئالى مەكتەپكە چىقتىم.بىر كۈنى ياتاقتا ئۇخلاپ ياتسام قۇلىقىمغا شۇنداق يېقىن بىر ئۈن ئاڭلاندى،توۋا خۇدايىم،دەل ھېلىقى ناخشا ئېدى!ھېلىقى ناخشىنىڭ ئۆزى شۇ...!ئۇيقۇچىلىقتا يۈگۈرۈپ قوپۇپ ئۆزۈمنى ئېتىپتىمەن،ئۈستۈنكى كارۋاتتىلىقىم بىر يادىمدا يوق،يەرگە دۈم چۈشۈپ كاچات يىگەن ئەنجۈردەك بوپ قالدىم،ۋاي بۇ نىمە سەتچىلىك!ئۆزۈمنى ئوڭشاپ كارىدورغا چىقسام ئۇ ئاۋاز ئاقتا يوق ،كۆكتە يوق!غۇدۇرغىنىمچە يېنىپ كىرىدىم.ھەمدە بۇ ۋەقەنى ئۇنتۇپمۇ قالدىم،چۈشۈم ئوخشايدۇ دېدىممىكىن تاڭ...باشقا بىر كۈنى يەنە ئۇخلاي دىگەندە بۇ ئاۋاز ئاڭلىنىپ قالدى!_ئەمدى قېچىپ كەتكىنىڭنى بىر كۆرەي! ،-دېدىمدە كىيىكتەك سەكرەپ چۈشۈپ كاردورغا چىقتىم،ئۇ ناخشا ئۈستۈنكى قەۋەتتىكى بىر قىزنىڭ تېلفونىدىن چىقىۋاتاتتى.دەل شۇ مەن بەش يىل ئىشقىدا كۆيگەن ھېلىقى ناخشا شۇ ئېدى!ھاياجاندىن قىلىدىغان قىلىق تاپالماي ساراڭ بولاي دېدىم!تېلفونۇمغا ئېتىپ بېرىڭ دىسەم،<مەكتەپ بويىچە مەندىلا بار بۇ ناخشا ،بەرمەيمەن،بازار قىلىۋېتىسىز،دىمەسمۇ!تورمۇ تاقاق بولغاچقا ئۇ چاغلاردا ئامال يوق جىق يىلىنىپ،ھېچكىمگە بەرمەسلىك ۋەدىسى بىلەن ئاخىر ئۇ ناخشىنى قولغا كەلتۈردۈمكى تولا ئاڭلاپ يادلاپلىۋالدىم.مەن تۈرك تىلى ئۆگىنىۋاتىمەن
كېيىن توردا قاتراپ يۈرۈپ مەلەك خانقىز بىلەن تۇنۇشۇپ قالدىم،بىر گۈزەل ناخشام بار دەپ ئېۋەتىپ بەرسەم :
_ مۇرات كەكىللىنىڭ ناخشىسىكەنغۇ،بەك پەيزى بۇ ناخشا!،-دېدى،شۇ چاغدا بىلدىم،ئەسلى تۇركچە ناخشىكەن،مەلەك خانقىزغا ئۇنى تەرجىمىمۇ قىلغۇزۋالدىم.
لېكىن ئۇنى ئۆگىنىش خىيالىممۇ يوقتى ،لېكىن مەن ئوتتەك ياخشى كۆرىدىغان بىرىنى خاتىرلەش ئۆچۈن تۈرك تىلىنى ئۆگىنىش قارارىغا كەلدىم؛مەلەك خانقىز،ھىلال خانقىز،مەلەك خانقىزنىڭ ئۇستازى يەنە بۇ كۇرۇسنى ئاچماقچى بولىۋاتقان تۇمارىس خانقىز قاتارلىق نۇرغۇن دوستلارنىڭ ياردىمىدە كۆڭۈللۈك ئەمما سەل جاپالىق ئۆگۈنىۋاتىمەن ،(سەل ياشىنىپ قالغان بولغاچقا تۇتۇش قابىليىتىم ئۇنچە ياخشى ئەمەس ھازىر ھى ھى ھى )لېكىن توختاپ قالمىدىم،ھەم توختاش نىيىتىممۇ يوق.يەنە بىر دوستۇم ماڭا پالاستەك-پالاستەك ئىككى كىتاب ئېۋەتىپ بەردى ،ئۆگۈنىۋاتىمەن توختىماي،ھازىر< كۇرتلار ۋادىسى> ،<ئاچچىق ھايات>دىگەن نادىر تۈركچە فىلىملارنى كۆرۈپ چۈشىنەلەيدىغان بولدۇم ھەر ھالدا،مۇرات كەكىللىنىڭ <بۇ ئاخشام ئۆلىمەن>دىگەن نادىر ناخشىلىرىنى ،رافات ئەلىنىڭ ناخشىلىرىنى ئېيتىپ ئۆزۈمچە سايراپ مۇڭلىنىپ كېتىمەن؛يەنەھېلىقى ئۆزۈم ئۇنتۇيالمايدىغان كىشىگە ئاتاپ كۈندەتۈركچە بىر جۈملە يازالايمەن!بۈگۈن دەپ يىزىپ قويدۇم...
ئەمەلىي گەپكە كەلسەك
بۈگۈن تۇمارىس خانقىزدىن تۈرك تىلى ئۆگىنىش كۇرسى ئېچىلىشىنى ئاڭلاپ شۇنداق خۇش بولدۇم!مەن ئوقۇش پۇلىنى تاپشۇرسام كۈندە كەچ ماڭا مۇنتىزىم توردا دەرس ئۆتۈپ بېرىڭ دىسەم،(چۈنكى مېنىڭ ئۆيۈم ئۈرۈمچىدىن يىراقتا بولغاچ قاتنىشالمايتتىم،كۈزدە خۇدايىم بۇيرىسا چوقۇم مەخسۇس شۇنى ئۆگەنگىلى بارىمەن)مۇنتىزىم قىلالماسلىقىنى،ئەمما ئوقۇش ھەققى تاپشۇرمىساممۇ بىلەلمىگەن يەرلىرىمنى چۈشەندۈرۈپ قويىشىنى دېدى.مەن بۇ يەردە ماڭا ئوخشاش ھەرخىل سەۋەبلەر تۈپەيلى تۈرك تىلى ئۆگەنمەكچى بولغان دوستلارغا بۇ خەۋەرنى يەتكۈزۈپ بىر ياخشى ئىش قىلاي دېدىم:
سالام دۇنيا!
پەقەت سىزلەرئۆچۈنلا<ھابابام>تەربىيلەش كۇرسى ئېچىلدىكەن!كۇرۇس كەچلىك كۇرۇس بولۇپ ئۈرۈمچى ۋاقتى سائەت 6.00دىن 8.00 گىچە بولىدىكەن.(دۈشەنبىدىن جۈمەگىچە بەش كۈن دەرس ئۆتۈلۈپ،شەنبە يەكشەنبە ئۆگەنگۈچىلەرگە ئايرىم كۇرۇس ھازىرلاپ بېرىلىدىكەن)مۇشۇ ئاينىڭ 28- كۈنىدىن باشلاپ رەسمى دەرس باشلىنىدىكەن.رىقابەت ئات چاپقاندەك كەسكىن بولىۋاتقان مۇشۇ دەۋردە بىر تىلنى ئارتۇق بىلىشمۇ بىزنىڭ تەقدىرىمىزگە ئويلىمىغان بۇرۇلۇشلارنى ئېلىپ كېلىشى مۇمكىن.شەخسەن مەن ھەربىرلىرىمىزنىڭ پۇرسەتنى قولدىن بەرمەي تىرىشىپ بىر تىلنى تېز ھەم ئارتۇق ئۆگۈنىۋېلىشىنى ئۈمۈد قىلىمەن! ئورنى : زەپەر بىناسىنىڭ 4- قەۋىتىدە
ئالاقىلاشقۇچى: تۇمارىس خانىم
تېلفون: 18999504918
