ھاياتىمىز شۇنچە چەكلىك ، چەكلىك ھاياتنى مەنىلىك ، ئەھمىيەتلىك ، قەدىر- قىممەتلىك ئۆتكۈزۈشتىنمۇ ئارتۇق خوشاللىق بولمىسا كېرەك. بىز قاچان ئۆزىمىزدىن رازى بولالىساقلا ، ئاندىن ئۆزىمىزگە ھەقىقىي ئوخشايمىز .
مەن ھاياتىمنى قانچىلىك ئەھمىيەتلىك ئۆتكۈزەلىدىم ، زادى قانچىلىك ئۆز- ئۆزۈمدىن رازى بولغۇدەك ئىشلارنى قىلالىدىم. مەنمۇ ئىككىلىنىپ قالىدىكەنمەن، شۇنداق سەنمۇ ھەم مەنمۇ ، نۇرغۇنلىرى ئىككىلىنىپ قالىدۇ. توغرا بىز ئۆزىمىزنى ئېتساق ياخشى ئوقۇپ ئىمتىھان بېرىپ ، ئالىي بىلىم يۇرتلىرىدا ئىلىم تەھسىل قىلىۋاتىمىز ، ئاتا-ئانلىرىمىز بولسا تاپقان- تەرگىنىنى بىزگە ئەۋەتىپ ، بىزدىن سۆيۈنۈپ ، كەلگۈسىدە قانداق ئادەم بولىدىغانلىقىمىزنى كۈتۈپ ئولتۇرماقتا. جاپا تارتسىمۇ بىزگە قىلچىمۇ چاندۇرماي كەلمەكتە . بىزلەر بولساق شۇ پۇللارغا قانچىلىك ئوقۇپ كەتتۇق-ھە! بىز ھەرخىل- ھەرياڭزا ياىسنىپ ئۆزىمىزنىڭ كۆڭلىدە چىرايلىقلىشىپ ، زامانغا يىتىشىپ كېتىپ بارىمىز . ئەكىسچە شۇ جاپاكەشلەرنىڭ چېھرىدىكى ۋاقىتنىڭ ئىزناسى بولغان تال- تال قورۇقلار كۆپەيمەكتە. بىز قانچىلىكىمىز بۇنى ھىس قىلىپ يىتەلىدۇق. ھەممىمىز سىتودىنت، ياخشى ئويلىنايلى ، ھەربىر كۈن ھەربىر مىنۇت ، سىكونتلارمۇ بىز ئۈچۈن غەنىيمەت، ۋاقىتنى ئىسراپ قىلمايلى .ھېچقانداق ئەھمىيىتى بولمىغان ئولتۇرۇشلاردىن ئۆزىمىزنى تارتايلى. ھاراق- شاراپلاردىن يىراق تۇرايلى. قانچىلىك يىگىتلىرىمىز مۇشۇ ھاراق سەۋەبلىك قانچىلىغان سۆيۈملۈك ئادەملىرىگە يۈز كېلەلمەيدىغانلىقىنى بىلمەي يۈرىشىدۇ. ھەي ھاراقنى دوست قىلىپ يۈرگەن يىگىتلەر ، قاراڭلار ئەتراپىڭلاردا شۇنچىلىك ئىسىل تەڭتۇشلىرىڭلار ئاز ئەمەس، ھاراقسىز ، كەلسە- كەلمەس سورۇنلاردىن خالى ، پاك-دىيانەتلىك ، پەزىلەتلىك ، ئاتا- ئانىسىغا كۆيىنىدىغان، مىللىتىمىز قىزلىرىنى قەدىرلەيدىغان ، ھۆرمەتلەيدىغان ، ئاسرايدىغان ياشلىرىمىزلا ھامان قەدىر- قىممەتلىك بولالايدۇ.
ھاياتنىڭ قەدىر-قىممىتى ئەنە شۇنداق ئاددى، ئەمما ئەھمىيەتلىك ئىشلار ئارقىلىق روياپقا چىقىدۇ. سۆيۈملۈك قىزلار، سۆيۈملۈم دوستلىرىم ، مەنمۇ بىر قىز، ھەممىمىز كەلگۈسىنىڭ ئانىلىرى، بىز كەلگۈسىدە بىر ئايال ھەم بىر ئانىنىڭ رولىنى تەڭ ئالىمىز . مەسئولىيىتىمىزنىڭ ۋەزنى شۇنچىلىك ئېغىر، بىزمۇ ئوغۇللاردىن قاقشىماي ، بىز نىمىلەرنى قىلدۇق دېگەنلەرنى ئويلىيالايدىغان بولايلى. بىز ئوقۇۋاتىمىز، ئوقۇمىغان تەڭتۇشلىرىمىز ئۆزىگە چۇشلۇق ئىش قىلىۋاتىدۇ. بەلكىم يەنە بەزىلىرى ئانا بولغان بولىشى مۇمكىن . بىز ئوقۇۋاتقان سىتودىنت قىزلار بىلىم سەۋىيىمىز يۇقىرى قاتلام قاتارىغان كىرىمىز ، بىلىدىغانلىرىمىز ھەم باشقىلارغا قارىغاندا بىر قەدەر مۇكەممەل، ئەلۋەتتە ئۆزلىكىدىن ئۈگىنىۋاتقانلارمۇ شۇنىڭ ئىچىدە ئەلۋەتتە.
ئۇيغۇر قىزلىرىنىڭ كۆپىنچىسى ھەقىقەتەن چىرايلىق، لېكىن شۇنى ئېتىراپ قىلىش كېرەك، ھەقىقىي گۈزەللىك ھەرگىزمۇ تاشقى گۈزەللىك ئەمەستۇر، ھەقىقىي گۈزەللىك بىباھادۇر، ئۇ بولسىمۇ ئىچكى گۈزەللىك بىلەن تاشقى گۈزەللىك بىرلىشىشىدۇر. ئەلۋەتتە ئادەمنىڭ قەلبى گۈزەل بولسا ئۇ تولىمۇ سۆيۈملۈك. ئەمەلىيەتتە باشقىلارنىڭ ھەقىقىي ياخشى كۆرىشىگە ئېرىشىش ئۈچۈن قەلبىمىز گۈزەل ، خۇلقىمىز گۈزەل، گەپ- سۆزىمىز گۈزەل بولىشى كېرەك. ئەلۋەتتە بۇ تۇغرۇلۇق نۇرغۇن ماقال-تەمسىللار بار ، مەسىلەن: چىرايلىق چىرايلىق ئەمەس، سۆيگەن چىرايلىق ... ، ئەپسۇس يەنە بىر قىسىم سىتودىنت قىزلىرىمىز بولسا ، تاشقى گۈزەللىكنى قوغلىشىپ مودا بىلەن تەڭ ماڭغان بولسىمۇ، لېكىن بىلىپ- بىلمەي نۇرغۇن نەرسىلىرىنى يوقۇتۇپ قويۇشماقتا. بىزدىكى ھەقىقىي گۈزەللىك قارىشى نۇرغۇنلىغان مويسىپىتلىرىمىزنى ئەپسۇسلاندۇرماقتا... بۇنىڭ سەۋەبى زادى نەدە ؟بىز ئازغىنە ۋاقىت چىقىرىپ بۇ ھەقتە ياخشى ئويلىنالىساقلا چوقۇم بىز ئېرىشمەكچى بولغان جاۋابكا ئېرىشەلەيمىز.
بىز كەلگۈسىنىڭ ئانىلىرى ، بىر مىللەتنىڭ ئانىلىرى، بىز ئۆزىمىزنىڭ خاسلىقلىرىمىزنى يوقۇتۇپ قويمايلى ، ئوغۇللىرىمىزنى ھۆرمەتلەيلى ، مۇھىمى ئۆزىمىزگە ئوخشايلى ، بۇ ئوخشاشلار:
تىلىمىز ئوخشىسۇن، ئەبجەش تىلدا گەپ قىلىشنىڭ ئۆزى ئانا تىلىمىزغا قىلىنغان ھاقارەت، تىلىمىزنىڭ ئىشلىتىلىش دائىرىسى ئازلاپ كېتىۋاتقان ھازىرقى ئىجتىمائى تۇرمۇشتا ساپ ئانا تىلىمىزدا سۆزلەيلى .
ھەرىكىتىمىز ئوخشىسۇن، ھەرىكەتمۇ بىزنى ھەرخىل مىللەتلەردىن پەرىقلەندۈرىدۇ. بىز يات مىللەتلەرنىڭ ھەرىكىتى يەنى قىلىقلىرىنى ئاڭسىز ھالدا دورىمايلى . بىزنىڭ ھەربىر ھەرىكىتىمىز بىزنىڭ قانداق ئادەم ئىكەنلىكىمىزگە باھا بېرەلەيدۇ. بىز ھەرگىزمۇ باشقىلار ئاتىلىپ قالمايلى ،
ئېتىقادىمىز چىڭ بولسۇن، بىز ئېتىقادىمىزغا چىڭ بولساق، بىزنىڭ نۇرغۇن ئىشلىرىمىز شۇنىڭ تىزگىنلىشىدە بولىدۇ. نۇرغۇن ئىشلاردىن ئۆزىمىزنى چەكلىيەلەيمىز، ئەلۋەتتە ھازىرقى جەمىيەتتىكى نۇرغۇن ئىشلار دەل مۇشۇ ئېتىقادنىڭ سۇسلىشىپ كەتكىنىدىن كېلىپ چىقىۋاتىدۇ. ئۇلار ئۆز ھەرىكىتىنى روھى دۇنياسى ئارقىلىق چەكلىيەلمىگەنلىكى ئۈچۈن ، قەدىر- قىممىتىنى يوقىتىپ، ئۆز پۇتىغا پالتا چاپماقتا. سۆيۈملۈك قىزلىرىمىز ، ئېتىقادىمىز چىڭ بولسۇن، قەلبىمىز پاكىزە بولسۇن.\
بىز قىلماسلىققا تىگىشلىك ئىشلار نۇرغۇن ، مۇھىمى بىز ئۆزلۈكىمىز ھەققىدە سالماقلىق بىلەن ئويلىنالىساقلا چوقۇم ھەممىنىڭ تىگىگە يىتىشىمىز مۇمكىن .
ئەي سىتودىنت يىگىتلەر، قىزلار ، مەن ھەم سىلەر بىز ئۇيغۇر مىللىتىنىڭ ئۈمۈدلىرى ، پەخىرلىك پەرزەنتلىرى ، بىزنىڭ مەجبۇرىيەتلىرىمىز كۈنسىرى كۆپىيىۋاتىدۇ. بىزنىڭ ئالدىمىزدىكى ۋەزىپىلىرىمىز بەك مۈشكۈل، بىز ئۆزىمىز ھەققىدە ياخشى ئويلىنايلى ، يۇقىردىكىلىرى مېنىڭ پەقەت ئازغىنە پىكرىم ۋە كۆز-قارىشىم ، ئىشىنىمەن، چوقۇم بىز ھەربىرىمىز بىر نىيەت بىرمەقسەتتە تىرىشساق بىز قىلالايمىز ، مىللىتىمىزنىڭ سۆيۈملۈك قىز-ئوغلانلىرى بولالايمىز. خەير
