بۇراننىڭ قىزنىڭ كېسىلى توغرۇلۇق تىمىسىنى كورۇپ ھەقىقەتەن كوڭلۇم يېرىم بولدى ھەم ئۇ قىزغا ئاسانلىق شىپا تىلىدىم .ئويگە كىرىشىمگە 5ياشلىق ئوغلۇم يۇگۇرۇپ كەلدى ...ئاپا ئاپا قاراڭ مەن ھېلىقى پىلاستنكىنى كورۇپ بولدۇم .....ئوغلۇمنىڭ گېپىنى ئاڭلىغاچ تۇساتتىن ئۇنىڭ كۆز ئەينىكىگە قايتا دىققەت قىلىپ قالدىم ."ۋاي ئىسىت ....شۇنچە كوپ تورداشلىرىم تۇرسا مەنمۇ نىمە مەسىلھەت سوراپ باقمىغاندىمەن .بۇ كىسەلنىڭمۇ ئويغۇر تىبابىتىمىزدە داۋاسى بار بولغۇيتتى ؟! دىگەن خىيال بىلەن ئوزەمنى گۇناكاردەك ھىس قىلىپ قالدىم ....
  شۇنداق قىلىپ بۇ تىمىنى دوسلاردىن ياردەم سوراپ سۇندۇم. تاما- تاما  كول بۇلار دەيدىكەن چوڭلىرىمىز ...بەلكىم تورداشلار بىلىدىغىنىنى دەپ باقسا  مۇشۇ يەردە بىر كۆز داۋالاش رېتىسىپى توپلىنىشى مۇمكىن ...
 ئوغلۇم بۇ يىل 5ياشقا كىردى .ئۇ 4ياشقا كىرگەندە تىلۋۇزۇرنى سىڭايان قاراپ كۇرىۋاتقانلىقىنى كۇرۇپ ئۇيناپ شۇنداق قىلسا كېرەك دەپتىمىز ... تەكشۇرتسەم كۆزنىڭ نۇرى چېچىلغان (散光)دەپ دىئاگۇنۇز قويدى  (ئارلاشما كۆزنىڭ نۇرى قېچىش) .ھەم 350گىرادۇسلۇق ئەينەك تاقاپ قويدى .ھازىر بىر يىلدىن ئاشتى .بىزمۇ بىلگەن دۇرۇىمىزنى قىلدۇق .سەۋزە بېلىق دىگەندەك يىمەكلىكلەرنى بەردۇق،بېلىق مېيى يىگۇزدۇق ئۇرۇمچى ھەدىيە كۆز كىسەللىكىگە ئاپىرىپ مەسىلھەت ئالدۇق،بىر يىلدا نەچچە ئاپىرىمىز     .لېكىن كورىنەرلىك ئۇنۇم ھاسىل قىلالمىدۇق .بالا كىلەر يىل مەكتەپكە كىرسە تەس بولغۇدەك .مەنمۇ مۇشۇ بىر يىلنى چىڭ تۇتۇپ داۋاسىنى قىلسام بولغۇدەك .شۇڭا ھەر قايسى جايلاردا مۇشۇنداق ياخىشى داۋالاش ئۇرۇنلىرىنى ھەم يەرلىك ياخىشى داۋالاش ئۇسۇلىنى بىلىدىغانلار بولسا ياردەم بەرسە دىگەن ئۇمۇتتە بۇ تىمىنى يوللىدىم ...قېرىنداشلار ياردىمىڭلارنى ئايىمىغايسىلەر ....ئەجرىڭلارنى بىرەر .كۆز دىگەن بەك مۇھىم ئورۇنكەن .بالام ئەينەك تاقاپمۇ خېلى ئاۋارىچىلىق تارتتى قىشتا تېخى تالاغا چىقسا ھۇرداپ .ئويگە كىرسە نەمدەپ دىگندەك  يا كوڭۇللۇك ئۇينىيالمىغان ،يا چاققان يۇگۇرەلمىگەن .   

ئەسسالامۇ_ئەلەيكۇم . ساغلام قوينىڭ جىگىرىنى چالا_پۇچۇق كاۋاپ قىلىدۇرۇپ <قېنى قاتماستا >  يىگۈرۈپ بىرىڭ  ...   چوڭلار شۇنداق دەيدىغان ..
يەنە بىرگە سۆيۈملۈك پەيغەمبىرمىزنىڭ بىر ھەدىسىدە < كىسەلنى سەدىقە ئارقىلىق داۋالاڭلار> دىگىنىنى ئوقۇغانتىم ، بىلىدىغان قېرىنداشلارنىڭ تولۇقلاپ قويۇشىنى سورايمەن .  بۇنىڭغىمۇ سەل قارىماڭ ..
  ئاللاھ شىپالىق بەرسۇن ...  
كوز ئەمەس كۆز

بۇلارنىڭمۇ پايدىسى بوپ قالا

كۆز ئاغرىقى

داۋالاش
رېستىپ:
يۇمغاقسۈت كۆكىنى ئىزىپ، سىقىپ، سۈيىنى بالا ئېمىتىۋاتقان ئايالنىڭ سۈتى بىلەن ئارىلاشتۇرۇپ كۆزگە تېمىتسا، ھەرخىل ياللۇغلىنىش خاراكتىرلىك كۆز كىسەللىكلىرىگە مەنپەئەت قىلىدۇ.
رېستىپ:
يۇمغاقسۈت كۆكىنى ئىزىپ، سىقىپ، سۈيىنى گۈل سۈيىنى گۈل يېغى بىلەن ئارىلاشتۇرۇپ كۆزگە تېمىتسا، كۆزدىكى قىزىللىقنى ئالىدۇ ۋە كۆزنىڭ قىچىشىپ ئاغرىشىغا مەنپەئەت قىلىدۇ.
رېستىپ: يېڭى سېغىلغان كالا سۈتىنى كۆزگە تېمىتىپ بىرىلسا كۆزدىكى قان نوكچىسىنى يوقىتىدۇ.
رېستىپ: كالا سۈتىنى 250 گرام، ھەسەل 30 گرام، سارغايتىلغان ياڭاق مېغىزى 20گرام، سارغايتىلغان ياڭاق مېغىزى 20گرام، توخۇ تۇخۇمى بىر دانە. تۇخۇمنى سۈتكە چېقىپ قوچۇپ، ئاندىن سوقۇلغان مېغىز بىلەن ھەسەلنى قويۇپ، ئۆرلىتىپ تەييارلىنىدۇ. بۇ بىرلەمچى كۆز بېسىمى ئېشىپ كېتىشكە مەنپەئەت قىلىدۇ. بىر قانچە كۈن ئىچىپ بىرىلىدۇ.
رېستىپ: مېكىيان گۆشىنى نوقۇت بىلەن پىشۇرۇپ يەپ بەرسە كۆز ئالدىدا بىر نەرسە ئۇچقاندەك بولۇشقا مەنپەئەت قىلىدۇ.
رېستىپ: قىز بالىلىق ئايالنىڭ سۈتىگە، يۇمغاقسۈت كۆكىنى سىقىپ ئارىلاشتۇرۇپ، كۆزگە تېمىتسا ھەرخىل سەۋەبلەردىن بولغان كۆز ئاغرىقلىرىغا مەنپەئەت قىلىدۇ.

كۆزگە يىڭناسقۇ چىقىش
بۇ قاپاق گىرۋەكلىرىدە كۆپ ئۇچۇرايدىغان ھەم ئاسانلا قايتا قوزغىلىدىغان ئۆتكۈر ياللۇغلىنىش خاراكتىرلىك كىسەللىك بولۇپ، خىلىتلارنىڭ غەيرى تەبئىي ئۆزگۈرىشى، بولۇپمۇ قان ۋە سەۋدا خىلىتلىرىنىڭ بۇزۇلۇپ، شۇ ئورۇنغا تەسىر كۆرسىتىشتىن پەيدا بولىدۇ.
داۋالاش:
رېستىپ: شىشىگە قىززىق سۇ ئېلىپ ياكى پاكىز لۆڭگىنى قايناق سۇغا چىلاپ، كۈنىگە بىر قانچە قېتىم 5-10 مىنۇتتىن قاپاققا ئىسسىق ئۆتكۈزۈلسە بولىدۇ.
رېستىپ: پىشۇرۇلغان تۇخۇمنىڭ شاكىلىنى سويۇۋېتىپ، قولياغلىققا ئوراپ، يىڭناسقۇنىڭ ئۈستىدىن ئىسسىق ئۆتكۈزگەندىن كېيىن ئىسسىق سۇغا چىلانغان پاكىز لاتا بىلەن بىر قانچە قېتىم سۈرتۈپ بەرسە، يىڭناسقۇ ئوڭايلا يوقاپ كېتىدۇ.
رېستىپ: قوينىڭ دۈمبە يېغىنى ئوتتا قىززىتىپ، يىڭناسقۇ ئۈستىگە قويسا ياخشى مەنپەئەت قىلىدۇ. بىر چىمدىمنى تۇخۇم ئېقىغا ئارىلاشتۇرۇپ، يىڭناسقۇ ئۈستىگە چاچسا ئوبدان ئۈنۈم بىرىدۇ.
رېستىپ: قۇرۇتۇلغان خورمىنىڭ تالقىنىدا گۈل يېغى بىلەن مەلھەم تەييارلاپ، يەرلىك ئورۇنغا چاپسا مەنپەئەت قىلىدۇ.

كۆز گىرۋەكلىرى قىچىشىش
بۇ، ھەرخىل ئىچكى – تاشقى ئامىللارنىڭ جۈملىدىن، بەزى شورلۇق ماددىلارنىڭ كۆزى جىيەكلىرىگە تەسىر كۆرسىتىشتىن پەيدا بولىدىغان كىسەللىك بولۇپ، كۆز جىيەكلىرى قىچىشىش، قىزىرىش، ئۇۋۇلىغاندىن كېيىن ئېچىشىپ ئاغرىش، ئىششىش، بەزى كىشىلەردە مۇدۇ پەيدا بولۇش شۇ ئورۇننىڭ كىرپىكلىرى چۈشۈش، كۆز جىيەكلىرى كىپەكلىشىش قاتارلىق ئالامەتلەر بىلەن ئىپالىنىدۇ.
داۋالاش:
رېستىپ: يۇمغاقسۈت سۈيىنى گۈل يېغىغا ئارىلاشتۇرۇپ كۆزگە تېمىتسا ياخشى مەنپەئەت قىلىدۇ.
رېستىپ: پىيازنى سىقىپ سۈيىنى ئېلىپ مۇۋاپىق مىقداردا كۆزگە تېمىتىپ بەرسە ئۈنۈمى كۆرۈنەرلىك بولىدۇ.
رېستىپ: قوينىڭ قۇيرۇق يېغىنى تۇخۇم سېرىقى بىلەن ئىرىتىپ بەش گرام زەرچىۋىنى قوشۇپ خېمىر قىلىپ، ئىككى قاش ئوتتۇرىسىغا ياقسا ياخشى ئۈنۈم بىرىدۇ.

چىمچىملىق
بۇ قاپاقنىڭ ئىختىيارسىز ئېچىلىپ، يومۇلۇپ ھەرىكەت قىلىدىغانلىقىغا قارىتىلغان بولۇپ، ئىككىلا كۆزنىڭ ياكى بىرلا كۆزنىڭ قاپاق تارىمۇچ پەيلىرى ئىختىيارسىز لىپىلداپ ھەرىكەت قىلىپ كۆزنىڭ نورمال كۆرۈش خىزمىتىگە تەسىر يەتكۈزۈش بىلەن ئىپادىلىنىدىغان كىسەللىكتىن ئىبارەت.
داۋالاش:
رېستىپ:
قىچىنى سىركىدە ئىزىپ قاپاققا ۋە چىكىگە چاپسا شىپا بولىدۇ.
رېستىپ:
ئاقتۇز قوشۇلغان تۇخۇم سېرىغى يەرلىك ئورۇنغا چېپىلسا ئوبدان شىپا بولىدۇ.
رېستىپ:
ئىپار ۋە قۇندۇز قەھرىنى پۇراتسا ئوبدان شىپا بولىدۇ.  
پەرھىز: ھەرخىل سۇغۇقلۇق ئىشلار ۋە يېمەك – ئىچمەكلەردىن پەرھىز قىلىش كېرەك.

قاپاق گىرۋەكلىرى قىزىرىپ ئىششىش
بۇ نىسبەتەن كۆپ ئۇچۇرايدىغان كىسەللىك بولۇپ، كىشىلەرنىڭ قاپاق گىرۋەكلىرى ۋە كىرپىك تۈك بەزلىرى قىزىرىپ ئىششىشتىن ئىبارەتتۇر.
داۋالاش:
رېستىپ:
سەۋزە يىلتىزىنى ئىزىپ قاپاققا چاپسا مەنپەئەت قىلىدۇ.
رېستىپ: بىر دانە توخۇم ئېقىنى 24 گرام گۈل يېغىغا ئارىلاشتۇرۇپ، قاپاققا چاپسا مەنپەئەت قىلىدۇ.
رېستىپ: ئالما سۈيىنى كۆزگە تېمىتسا ئۈنۈمى ياخشى بولىدۇ.
پەرھىز: كىسەل كىشىلەر داۋالىنىش جەريانىدا ھەرخىل تەستە ھەزىم بولىدىغان تاماقلاردىن پەرھىز قىلىش كېرەك.
(كۆز ئىچى قىزىرىپ قېلىشنى ئۆز ئىچىگە ئالمايدۇ)
كۆز ياشاڭغىراش
كۆز ياشاڭغىراش ياش يوللىرى ئىچىدە ئەڭ كۆپ ئۇچۇرايدىغان كۆزدىكى بىر خىل كىسەللىك ئالامىتى بولۇپ ياش يوللىرى ھەرخىل سەۋەبتىن توسۇلۇپ قالسا، گەرچە ياش مىقدارى كۆپەيمىسىمۇ تەدرىجىي ھالدا بىرىكتۈرگۈچى پەردىسىگە ھەم چاناق قىسمىغا يىغىلىپ بىراقلا كۆز سىرتىغا چىقىش كۆز ياشاڭغىراش دىيىلىدۇ.
داۋالاش:
رېستىپ: ئۆچكە يولىنى پىلتە قىلىپ يەرلىك ئورۇنغا قويسا، كۆزدىن ياش ئېقىشقا داۋا بولىدۇ.
رېستىپ: قارا قوينىڭ قۇيرۇق يېغىنى ئېگىر بىلەن ياقسا مەنپەئەت قىلىدۇ.
رېستېپ: خۇراز ئۆتىنى ياش ئاقىدىغان كۆزگە سۈرسە شىپا بولىدۇ.
رېستىپ: قىزىل ئالمىنىڭ ئېچىگە سېرىغ ياغنى تىقىپ خىمىرغا ئۇراپ پىشقاندا ئېلىپ، ياغنى كۆزگە تارتسا ياخشى مەنپەئەت قىلىدۇ.
رېستىپ: كالىنىڭ ئۆتىنى ھەر كۈنى بىر قېتىم كۆزنىڭ سىرتىدىن سۈركەپ بەرسە شىپا بولىدۇ.
پەرھىز: تەستە ھەزىم بولىدىغان، غىدىقلىغۇچى، يەل پەيدا قىلغۇچى، ئاچچىق – چۈچۈك، زىيادە سوغۇق ياكى زىيادە ئىسسىق تەبئىيەتلىك يىمەك – ئىچمەكلەرنى ئىستىمال قىلىش قاتارلىقلاردىن ساقلىنىش، سۇغۇق سۇدا يۇيۇنماسلىق، ھاراق ئىچمەسلىك، چاڭ – توزان، ئىس – تۈتەكلىك ئورۇندا تۇرماسلىق، زىيادە ئاچچىقلانماسلىق، چارچىماسلىق، كۆزىنى پاسكىنا نەرسىلەر بىلەن تۇتماسلىق كېرەك.

كۆرۈش ئاجىزلىشىش
بۇ ھەرخىل ئىچكى – تاشقى ئامىللارنىڭ تەسىرىدىن كۆزنىڭ كۆرۈش كۈچى بارا – بارا ئاجىزلاپ نورمال كۆرەلمەسلىكتىن ئىبارەت.
داۋالاش:
رېتسىپ: چىلاننى قاينىتىپ ئىچىپ بەرسە ياخشى ئۈنۈم بىرىدۇ.
رېتسىپ: بىلىقنىڭ ئىچ يېغىنى ئاپتاپتا قۇرۇتۇپ كۆزگە تارتسا كۆز روشەن بولىدۇ.
رېتسىپ: توخۇ شورپىسىغا چالا سوققان يۇمغاقسۈت سېلىپ ئۈگرە قىلىپ ئىچىپ بەرسە بۇنىڭغا ئانار، زىخ سۈيى قوشۇپ ئىچسە كۆرۈش ئاجىزلىقىغا شىپا بولىدۇ.
رېتسىپ: تۈگىنىڭ جىگىرىنى كاۋاپ قىلىپ ياكى يەڭگىل پۇشۇرۇپ يەپ بەرسە، كۆزنى روشەنلەشتۈرۈپ، كۆرۈش ئاجىزلىقىغا مەنپەئەت قىلىدۇ.
رېتسىپ: ئاق پىياز سۈيىنى ھەسەل بىلەن ئارىلاشتۇرۇپ كۆزگە چاپسا ياخشى ئۈنۈم بىرىدۇ.
رېتسىپ: تۇغۇتلۇق ئايالنىڭ سۈتىگە ئوسۇڭ شىرنىسىنى ئارىلاشتۇرۇپ كۆزگە تېمىتسا ئۈنۈمى ياخشى بولىدۇ.
پەرھىز: تەستە ھەزىم بولىدىغان، غىدىقلىغۇچى، يەل پەيدا قىلغۇچى، زىيادە قۇرۇق ئىسسىق، تەبئىيەتتىكى يېمەكلىكتىن خالىي بولۇش، ھاراق ، تاماكىدىن نېرى بولۇش، قورساقنى تويغۇزۇپلا ئۇخلىماسلىق، كۆزنى قالايمىقان تۇتماسلىق، ئۇۋۇلىماسلىق، قالايمىقان دورا ئىشلەتمەستلىك
ئەزىز ئاتاۋۇللا سارتىكىن تۈزگەن " ئائىلىدىكى رىستىپلار" ناملىق كېتابتىن ئېلىندى.

ئاللا رازى  بولسۇن رەھمەت سىزگە ....يەنە بىلىدىغانلار بولسا ئايىمىساڭلار

ئەسسالامۇ- ئەلەيكۇم ھەمشىرەم ،پەرزەنتىڭىزنىڭ كۆزىگە
ياراتقان ئىگەمدىن شىپالىق تىلەيمەن ،
قېرىندىشىمىز تاھىر دىگەن رىسىتىپلارنى ئىشلىتىڭ ئاندىن
ھەر نامىزىڭىزدىن كىيىن سۈرە تەكاسۇرنى ئۇقۇپ بىرىڭ .
ئاللاھ يۈرەك پارىڭىزنىڭ كۆزىگە شىپالىق بىرەر .

رەھمەت !!! ئەجرىڭىزنى بەرسۇن .

ھەجەپ  ئوپتان  يولاپسىز  بۇ  تىمىنى  مەنمۇ  كۆزەينەك  تاقىغىلى  3 يىل  بولدى
بۇنىڭغا  مۇنبەرلەر   سەۋەپچى  
تاھىر   قىرىندىشىمغا  رەيھان  قىرىندىشىمغا  كۆپ  رەخمەت  
ئاللا  سىلەرگە  رەخمەت قىلسۇن  قىرىنداشلىرىم  ،  
يولۇرۇڭلارنى  راۋان  قىلسۇن  ، قولۇرۇڭلارغا  درەت  بەرمىسۇن  !

سىزگىمۇ  كۆپ  رەخمەت  ئەزىز  قىرىندىشىم  
ئاللاھ  نىڭ  ماڭا  سىلەردەك  ئوبدان  قىرىنداشلىرمنى  ماڭا  
ئۇچۇراتقۇزغىنىغا  كۆپ  رەخمەت  !!

  گەرچە بۇتىمىنى كىچىكىپ كۆرگەن بولساممۇ ، يەنىلا بۇھەدىسنى سىلەر گەيەتكۇزۇشنى لايىق تاپتىم.
ئىبنى مەسئۇد ، ئەبۇ ھۈرەيرە رەزىيەللاھۇ ئەنھۇمالاردىن :رەسۇلۇللاھ سەللەللاھۇ ئەلەيھى ۋەسەللەم مۇنداق دېگەن : ئاللاھ تائالا بىرەر كېسەلنى نازىل قىلىپ چۈشۈرسە ئۇنىڭ داۋسىنىمۇ ،شىپاسىنىمۇ چۈشۈرگەندۇر (داۋالىنىڭلار) بۇخارى - سەھىھ
جابىر رەزىيەللاھۇ ئەنھۇدىن : رەسۇلۇللاھ سەللەللاھۇ ئەلەيھى ۋەسەللەم مۇنداق دېگەن : ھەر بىر كېسەلنىڭ داۋاسى باردۇر، داۋا كېسەلگە يەتكەندە كېسەل ئاللاھنىڭ ئىزنى بىلەن ساقىيىدۇ.
ئەبۇ ھۈرەيرە رەزىيەللاھۇ ئەنھۇ، ئەبۇ سئىد، جابىر رەزىيەللاھۇ ئەنھۇملاردىن : ساھابىلار رەسۇلۇللاھقا :موگو (خۇددى كىچىك بالىنىڭ تىرىسىگە قىزىل چىققاندەك ) زىمىننىڭ ئىچىىدن چىققان قىزىلدۇر دەپ ئۇنى ئەيىپلىگەندە ،رەسۇلۇللاھ سەللەللاھۇ ئەلەيھى ۋەسەللەم مۇنداق دىگەن: موگو بەنى ئىسرائىللارغا بېرىلگەن مەننى دېگەن تائامنىڭ بىر تۈرىدىندۇر. موگونىڭ سۈيى كۆز ئاغرىقىغا شىپادۇر. ئەجۋەت خورمىسى جەننەتتىن نازىل قىلىنغان، ئۇنىڭدا زەھەرگە شىپا باردۇر. ئەبۇ ھۈرەيرە رەزىيەللاھۇ ئەنھۇ : مەن موگودىن ئۈچ تال ياكى بەش ياكى يەتتە تال ئېلىپ ئۇنى سىقىپ ، سۈيىنى شىشىگە ئېلىپ، مېنىڭ دېدىكىم ئەمشائەنىڭ كۆزىگە سۈرتۈپ قويسام ئۇنىڭ كۆزى ساقايدى.
مەنبە : http://bbs.meripet.net/read.php?tid=5941
ئىچىپ كۆرەپ بىقىڭلا بەك ئوبدان نەرسىلەر با............

ئەسالامۇ ئەلەيكۇم ھەمشىرەم ئوغلىڭىزنىڭ كىسىلىگە ئاللاھ شىپالىق بەرسۇن يەنە بىر ئىش تېلۋۇزۇرنى بەك كۆپ كۆرۈپ كەتمىسۇن .نۇرى بار نەرسىلەردىن بەك دىقەت قىلسۇن،