ھاياتلىقتىكى تۆت " خەتەرلىك " مەزگىل . copyright by www.iz.la
1 ) . سەھەر ____ بىر كۈنگە نىسبەتەن سەھەر " خەتەرلىك " ۋاقىت ھېسابلىنىدۇ . ئادەم ئۇخلىغاندا قان بېسىمى ، بەدەن تېمپېراتۇرسى تۆەنلەپ ، قان ئايلىنىش ئاستىلايدۇ . قان نىسبەتەن قويۇق بولىدۇ . مۇسكۇللار بوشاپ ، قان يېتىشمەسلىك خارەكتېرلىك مېڭىگە قان چۈشۈش كېسىلىنىڭ پەيدا بولۇش خەۋىپى ئاشىدۇ . تەكشۈرۈشلەرگە ئاساسلانغاندا ، تاڭ سەھەردە ئۆلۈم خەۋىپىنىڭ كۆرۈلۈش نىسبىتى كۆرۈنەرلىك يۇقرى بولىدىكەن .
2 ) ئاينىڭ ئوتتۇرسى _____ بىر ئايدىكى ھاياتلىققا ئەڭ خەۋىپ يېتىدىغان مەزگىل بىر ئاينىڭ ئوتتۇرسى بولۇپ ھېسابلىنىدۇ . بۇ ئاستېرنومىيە ۋە ھاۋا رايى بىلەن مۇناسىۋەتلىك . كۆپچىلىككە مەلۇمكى ، ئاي تارتىش كۈچىگە ئىگە . ئۇ دېڭىز سۈيىنىڭ كۆتۈرلۈشى ۋە پەسيىشىنى پەيدا قىلغانغا ئوخشاش ، ئادەم بەدىنىدىكى سۇيۇقلۇققىمۇ تەسىر كۆرسىتىدۇ . ئالىملارنىڭ بايقىشىچە ، ئاي ئوتتۇرسىدا ئادەمنىڭ قان بېسىمى تۈۋەنلەپ ، قان تومۇرلىرىنىڭ ئىچى - سىرتىدىكى بېسىم كۈچىنىڭ پەرقى چوڭيىپ ، ناھايىتى ئاسانلا يۈرەك - مېڭە قان تومۇر كېسەللىكلىرى پەيدا بولىدىكەن .
3 ) يىل ئاخىرى _____ بىر يىلدىكى خەتەرلىك ئەھۋال كۆپ كۆرۈلىدىغان مەزگىل 12 - ئاي بولۇپ ھېسابلىنىدۇ . تەكشۈرۈش ماتېرياللىرىدا كۆرسىتىلىشىچە ، 12 - ئايدا ئۆلۈم خەۋىپلىرىنىڭ كۆرۈلۈش نىسبىتى يۇقرى بولىدىكەن . بۇنداق بولۇشى ھاۋانىڭ سوغۇق بولۇشى ، روھىي جەھەتتىن جىددىيلىشىش ، ياشنىڭ چوڭيىشى ، ماددا ئالمىشىشنىڭ ياخشى بولماسلىقى قاتارلىق ئامىللارغا مۇناسىۋەتلىك ئىكەن . بەزى ئاستا خارەكتېرلىك كېسەللەرمۇ بۇ ئايدا ئاسان قوزغۇلىدىكەن .
4 ) ئوتتۇرا ياشلىق مەزگىل _____ بۇ ، تۇرمۇشتىكى " خەتەرلىك مەزگىل " ھېسابلىنىدۇ . ئادەم ئوتتۇرا ياشلىق مەزگىلگە قەدەم قويغاندىن كېيىن بەدەندە فىزلوگىيلىك ئۆزگۈرۈش پەيدا بولۇپ ، ئىچكى ئاجىرتىپ چىقىرىش سېستىمىسىنىڭ ماسلىشىشچانلىقى تەسىرگە ئۇچراپ ، ئىممۇنىتېت كۈچى ئاجىزلايدۇ . بۇ ياش باسقۇچىدا مېڭە قان تومۇر كېسەللىكلىرىنىڭ قوزغۇلۇشى خەۋىپى يۇقرى بولىدۇ .
شۇڭا يۇقىرىقى تۆت مەزگىلدە ھەرخىل كېسەللەرنىڭ ئالدىنى ئېلىشقا دىققات قىلىپ ، سالامەتلىكنى ئاسراشقا تېخىمۇ ئەھمىيەت بېرىش كىرەك .
