ئاياللارنىڭ ساپاسى ۋە ئائىلە مېھرى
ئىز تورى بەك ياخشى
ى ئىز تورى ئىز تورى ئىز تورى ئىز تورى
رەيھانگۈل قۇربانجان
copyright by www.iz.la
ئاپتور: چاپچال ناھىيە چوڭ بوغرا يېزا پىلانلىق تۇغۇت ئىشخانىسىدا ئىز تورى ئىز تورى ئىز تورى ئىز تورى ئىز تورى ئىز تورى ئىز تورى ئىز تور
«مەن سۆيۈلگەندىن باشلاپ باشقىچىلا بىر ئايال بولۇپ قالدىم، تومۇرلىرىمغا تەڭكەش سوققان تومۇرلار ۋە تىنىقلىرىمغا قوشۇلغان تىنىقلار مېنى باشقا بىر ئادەمگە ئايلاندۇرۇپ قويغاندەك ئىدى. ئەمدىلىكتە تومپايغان قورسىقىم مېنىڭ قەلبىمگە ئوخشاشلا يۈكسەكلىككە مۇيەسسەر بولدى. ھەتتا تىنىقلىرىمدىنمۇ خۇشبۇي ئۇرۇلغىنىنى سېزىمەن، بۇلارنىڭ ھەممىسى گۈل–گىياھلارنىڭ بەرگىدە لىغىرلاپ تۇرغان شەبنەم كەبى قورسىقىمدا نازۇك قىمىرلاپ تۇرغان ئاشۇ كىچىككىنە ھامىلە سەۋەبىدىنغۇ؟»دەپ يازىدۇ چىلىنىڭ داڭلىق ئايال شائىرى، نوبېل ئەدەبىيات مۇكاپاتى ساھىبى گابرېلا مىسترال. ھەقىقەتەن تۇرمۇشنىڭ ئۆزى بىر مەكتەپ. بۇ مەكتەپ كىشىلەرنى، جۈملىدىن ئاياللارنى چېنىقتۇرىدۇ، يېتىلدۈرىدۇ، مۇكەممەللەشتۈرىدۇ. ئاياللار بالىلىق، ياشلىق مەزگىللىرىدە تۇرمۇشتىن ئىبارەت بۇ مەكتەپنىڭ باشلانغۇچ قىسمىنى تاماملىسا، توي قىلىپ ئۆي–ئوچاقلىق بولغاندىن كېيىن، خۇددى بۇ مەكتەپنىڭ تولۇق كۇرسىنى پۈتتۈرگەندەك بولىدۇ.چۈنكى، توي قىلغاندىن كېيىن بولۇپمۇ بالىلىق بولغاندىن كېيىن، ئاياللارنىڭ ئائىلىگە بولغان مېھىر–مۇھەببىتى تېخىمۇ چوڭقۇرلىشىدۇ، تېخىمۇ مۇكەممەللىشىدۇ.
ئىز تورى بەك ياخشى
ئاياللارنىڭ ساپاسى قانچىلىك يۇقىرى بولسا، ئۇلارنىڭ ئائىلىگە بولغان مېھرى شۇنچە چوڭقۇر بولىدۇ. ئۇنىڭ قەلبىدىن ياڭرىغان ئانىلىق كۈيى بوۋاقنىڭ ۋۇجۇدىغا تارىغان سۈتتىنمۇ پاك، غۇبارسىز بولۇش بىلەن بىرگە، ھەر قانداق كۈيدىن ياڭراق بولىدۇ. شۇڭا ئاياللار ھەممىدىن ئائىلىنى مۇھىم ئورۇنغا قويالايدۇ.ئېلىمىزنىڭ داڭلىق ۋالىبول چولپىنى 2008–يىللىق بېيجىڭ ئولىمپىك تەنھەرىكەت مۇسابىقىسىدا ئامېرىكا ئاياللار ۋالىبول كوماندىسىنى يېتەكلەپ، كۈمۈش مېدالنى قولغا كەلتۈرگەن ئامېرىكا ئاياللار ۋالىبول كوماندىسىنىڭ باش تېرىنېرى لاڭ پىڭ يېقىندا ئامېرىكا كوماندىسىنىڭ باش تېرىنېرىلىق ۋەزىپىسىدىن ئىستېپا بېرىشنى قارار قىلغانلىقىنى ئېلان قىلغان. ئامېرىكا ۋالىبولچىلار جەمئىيىتى لاڭ پىڭنىڭ ئامېرىكا ئاياللار ۋالىبول كوماندىسىنى يېتەكلەپ 2012–يىللىق لوندون ئولىمپىك تەنھەرىكەت مۇسابىقىسىگە قاتنىشىشىنى ئۈمىد قىلغانىكەن، بىراق لاڭ پىڭ مۇنداق دەيدۇ: «مەنمۇ دۇنيادىكى باشقا ئاياللارغا ئوخشاشلا ئائىلىگە چوڭقۇر مېھرى بار ئايال، ئائىلەم مەن ئۈچۈن ھەممىدىن مۇھىم، مەن كۆپرەك ۋاقىت ئاجرىتىپ ئائىلەمدىكىلەر بىلەن بىرگە بولۇشنى ئويلايمەن، شۇڭا دۆلەت ئىچىدىكى بىرەر كۇلۇبتا تېرىنېرلىق قىلىشنى ئويلىشىۋاتىمەن. شۇنداق بولغاندا مۇسابىقە مەزگىلىدىن باشقا ۋاقىتتا ئائىلەمدىكىلەر بىلەن بىرگە بولالايمەن». ئېنىقكى، لاڭ پىڭ ئامېرىكىدەك دەرىجىدىن تاشقىرى تەرەققىي قىلغان دۆلەتتە ياشاپ، نۇرغۇن پۇل تېپىش، پەرزەنتىنى ئەڭ ئىلغار مائارىپ تەربىيىسى بويىچە تەربىيىلەش ئىمكانىيىتىگە ئېرىشكەن بولسىمۇ، لېكىن ۋەتەندىن ئىبارەت مەڭگۈلۈك ئائىلىنى، بۇ چوڭ ئائىلىدىكى ئۆزىنىڭ شەخسىي ئائىلىسىنى ھەممىدىن ئۈستۈن ئورۇنغا قويۇپ، ۋەتەنگە قايتىپ ئائىلىسىدىكىلەر بىلەن بىرگە بولۇشنى، ئائىلىسىدىكىلەرگە تېخىمۇ كۆپ مېھرىنى بېرىشنى لايىق تاپقان. بۇ روھ كىشىنى ھەقىقەتەن سۆيۈندۈرىدۇ. بىز مۇشۇنداق مىساللاردىن دەۋرىمىز ئاياللىرىنىڭ ساپاسىنىڭ بارغانسېرى يۇقىرىلاپ بېرىۋاتقانلىقىنى، بۇ ساپانىڭ ئاياللارنىڭ ئۆز ئائىلىسىگە بولغان مېھرىنى تېخىمۇ چوڭقۇرلاشتۇرۇۋاتقانلىقىنى ھېس قىلالايمىز.
بىراق، ئارىمىزدا شۇنداق بىر قىسىم ئاياللارمۇ بار. ئۇلار ئائىلىنىڭ مۇقەددەسلىكىنى ۋە جەمئىيەتتىكى رولىنى چۈشەنمەيدۇ. مېھىر– مۇھەببەتنىڭ قۇدرىتىنى تېخىمۇ ھېس قىلالمايدۇ، ئۆزى شۇغۇللىنىۋاتقان ئاللىقانداق ئىشلارنى ياكى كەسىپتىكى ئالدىراشلىقىنى باھانە قىلىپ ئائىلىدىكى مەسئۇلىيىتىنى تولۇق ئادا قىلمايدۇ، بالىلىرىغا، ئاتا- ئانىسىغا مېھرىنى تولۇق بەرمەيدۇ. ئاقىۋەتتە، پۇشايمانلىق بىر ئاقىۋەتنىڭ شاھىدى بولۇپ قالىدىغان تەقدىرگە دۇچار بولىدۇ. يېقىندا ھەر قايسى ئۇيغۇرچە تور بەتلىرىدە بىر ئايالنىڭ ئۇزۇن يىل كېسەل تارتىپ ئورۇن تۇرۇپ يېتىپ قالغان ئانىسىنى رەھىمسىزلەرچە خارلىغانلىقىدەك قىلمىشى ئېلان قىلىنغاندىن كېيىن جەمئىيەتتە كۈچلۈك مۇنازىرە قوزغىدى. بۇنداق ئاياللار ناھايىتى ئاز ساندا بولسىمۇ، بىزنى چوڭقۇر ئويغا سالماي قالمايدۇ، چۈنكى، ئۇ بىر ئايال شۇنداقلا ئانا بولۇش سۈپىتى بىلەن بالىلىرىغا قانداق تەسىر كۆرسىتىدۇ؟ ئانىسىنىڭ شۇ خىل قىلمىشلىرىنى كۆرۈپ چوڭ بولغان بالىلار قانداق پسىخىكىغا، خاراكتېرگە ئىگە ئادەم بولۇپ يېتىلىدۇ؟ ئۇلار كەلگۈسىدە ئانىسىغا ۋە بالىلىرىغا قانداق مۇئامىلە قىلىدۇ؟ ئانىسىنى ھۆرمەت قىلىپ، ئاغرىق–سىلاق بولسا بېقىپ ئۆتەمدۇ ياكى شۇ ئانىسى ئاچقان يولدىن ماڭامدۇ؟ بۇ بالىلارنىڭ كەلگۈسى ئادەمدە گۇمان قوزغىماي قالمايدۇ.
ئىسپانىيىنىڭ A دەرىجىلىك كۇلۇبىدا توپ تېپىۋاتقان ئارگېنتىنانىڭ داڭلىق پۇتبول چولپىنى لىكارمېي ئانىسىنىڭ دوختۇرخانىدا يېتىپ قالغانلىقىدىن خەۋەر تاپقاندىن كېيىن، دەرھال كوماندىدىن چېكىنىپ، ئارگېنتىناغا قايتىپ ئاپىسىغا قاراشنى قارار قىلغان.ئۇنىڭ بۇ قارارى داڭلىق پۇتبول پادىشاھى مارادونانىڭمۇ ئالقىشىغا ئېرىشكەن.مارادونا ھەر قانداق ئادەم ئۈچۈن ئانىنىڭ مەڭگۈ پۇلدىن ئۈستۈن تۇرىدىغانلىقىنى، ئۇنىڭ ئەڭ سۆيۈملۈك ئىنسان ئىكەنلىكىنى، شۇڭا لىكارمېينىڭ قارارىنى قوللايدىغانلىقىنى بىلدۈرگەن. ياۋروپادىكى پۇتبول كۇلۇبلىرىدا توپ تەپكەن چولپانلارنىڭ يىللىق مائاشى نەچچە مىليون ياۋرۇ بولۇپ، لىكارمېي ئانىسىنىڭ ھالىدىن خەۋەر ئالىدىغان مەخسۇس خىزمەتكار ياللىۋالسىمۇ بولاتتى، بىراق ئۇ يۇقىرى مائاشتىن ۋاز كېچىپ ئانىسىنىڭ يېنىدا تۇرۇپ ئۇنىڭغا ئۆزى قاراشنى تاللىۋالغان. بۇ مەسىلە ئۇنىڭ ساپاسىنىڭ يۇقىرىلىقىنى ئىسپاتلاپ بېرىپلا قالماي، لىكارمېينىڭ ئانىسىنىڭمۇ ئەقىللىق، پەزىلەتلىك، كۆيۈمچان ئايال ئىكەنلىكىنى ئىسپاتلاپ بېرىدۇ، چۈنكى لىكارمېي كىچىكىدىن ئانا مېھرىنىڭ قۇدرىتىنى، سېھرىي كۈچىنى ھېس قىلىپ چوڭ بولغان، ئۇ دەل شۇنداق مۇھىتتا چوڭ بولغانلىقى ئۈچۈن، بۈگۈنكى كۈندە ئەنە شۇنداق ئىنساپلىق، مېھىرلىك، كۆيۈمچان ئادەم بولۇپ يېتىلگەن.
بۇ مەزمۇن ئىز تورىدىن كۆچۈرۈلگەن
بەلكىم بىزنىڭ ئارىمىزدىمۇ ئائىلە ۋە مېھىر – مۇھەببەت ھەققىدىكى بۇنىڭغا ئوخشاش تەسىرلىك ھېكايىلەر كۆپ بولسا كېرەك، بىز بۇنداق مىساللاردىن ئائىلىگە قانداق كۆيۈنۈش كېرەكلىكىنى تېخىمۇ چوڭقۇر ھېس قىلالايمىز، ئەلۋەتتە.
