بىراۋنىڭ قاراپ قويۇشى سىزنى سۆيىدىغانلىقى ياكى ياخشى كۆرىدىغانلىقى ئەمەس.
- درېۋ باررىمور
ھۆرمەتلىك خانىم:
بىر يەكشەنبە كۈنى چۈشتىن ئىلگىرى كۈتۈپخانىغا كىتاپ كۆرگىلى باردىم. قىرائەتخانا ئادەملەر بىلەن توشۇپ كېتىپتىكەن. ئۇيان-بۇياندىن ئورۇن ئىزدىدىم.‹‹ئورۇن ئىزدەۋاتامسىز؟›› دىدى بىر يىگىت ماڭا ۋە ‹‹بۇ يەردە بوش ئورۇن بار، ئولتۇرۇڭ›› دېدى. ئۇنىڭ ئەدەپ- قائىدىلىك قىلىقلىرى مېنى ئۆزىگە جەلپ قىلىۋالدى-دە، ئۇنىڭغا سەپسالدىم. ئۇ ئېگىز بويلۇق، كۆزلىرى يوغان،قارا قاشلىق، تولىمۇ قاملاشقان يىگىتكەن. بىر خىل سىرلىق ھېسىيات قەلبىمنى ئىگىلىگەندەك بولدى. مەن ئۇنىڭغا قاراپ تاتلىققىنە كۈلۈپ قويدۇم. ئۇ يىگىتنى ياخشى كۆرۈپ قالىغىنمغا ئىقرارمەن. كېيىن بۇ يەردە ئۇنىڭ بىلەن بىر نەچچە قېتىم ئۇچرىشىپ قالدىم. ئۇنىڭ كۆزلىرىدىن مېنى ياخشى كۆرىدىغانلىقى بىلىنىپ تۇرىدۇ. بۇنىڭدىن ئۆزۈمنى ئىنتايىن بەخىتلىك ھىس قىلدىم. لېكىن قىز دوستلىرىم:« ئېھتىيات قىل، بىر كۆرۈپلا ئاشىق بولۇش ئىشەنچىلىك بولمايدۇ»دېيىشىۋاتىدۇ. سىزنىڭچە ئۇلارنىڭ دېگىنى توغرىمۇ؟
ئىز تورىدا ئىزلىرىمىز قالسۇن!
ئەنئەنىۋى دىرامىلاردا بىز دائىم ئوقۇمۇشلۇق ئادەملەر بىلەن نازىنىن خېنىملارنىڭ تاسادىپىي ئۇچرىشىپ قېلىشى بىلەن مۇھەببەت باغلاپ ، ياخشى ھەمراھلاردىن بولۇپ قالغانلىقىنى كۆرۈپ يۈرەتتۇق. بۇ، ئادەمنى زوقلاندۇرىدىغان ۋە تەلپۈندىرىدىغان ئىش. بىر قىسىم ئەدەبىي ئەسەرلەردىكى ياش قىز-يىگىتلەرنىڭ بىر كۆرۈپلا ئاشىق بولۇپ قېلىشىدەك «رومانتىك»لىق ياشلارنى بەك جەلپ قىلماقتا. ئۇنداقتا، تۇرمۇشىمىزدىكى بىر كۆرۈپلا ياخشى كۆرۈپ قېلىش ئىشەنچىلىك بولامدۇ- يوق؟
مەن سوتتا ئىشلەيدىغان بىرەيلەننى زىيارەت قىلدىم. ئۇ ماڭا ئۆزى مەسئۇل بولۇپ بىر تەرەپ قىلغان ئاجرىشىش دېلولىرىنىڭ خېلى كۆپ قىسمىنىڭ بىر كۆرۈپلا ئاشىق بولۇپ توي قىلغانلارنىڭ، تويدىن كېيىن بەزى مەسىلىلەر سېزىلىپ، ھېسسىيات جەھەتتە بىرلىككە كېلەلمەي ئايرىلىپ كەتكەنلەر ئىكەنلىكىنى ئېيتىپ بەردى.
بۇ مەزمۇن ئىز تورىدىن كۆچۈرۈلگەن
مەلۇم ئىدارىدە ناھايىتى چىرايلىق، ئەمما ھاكاۋۇر بىر قىز بار ئىكەن. ئۇ ئادەتتىكى يىگىتلەرنى پەقەتلا ياراتمايدىكەن. مۇھەببەت باغلاشتىن ئىلگىرى ئۆزى ئۈچۈن قەددى- قامىتى كېلىشكەن، سالاپەتلىك، گەپ-سۆزى جايىدا بولغان بىر « كۆڭۈلدىكىدەك لايىق» قا يولۇقۇپ قېلىپ، خۇشال بولغىنىدىن بۇ كېلىشكەن يىگىتنى ئۆزى تانسىغا تەكلىپ قىپتۇ. يىگىتمۇ قىزنىڭ گۈزەل رۇخسارىغا ئاشىق بولۇپ، كۆزلىرىدىن مۇھەببەت ئوتى يېنىپتۇ. بۇ ئىككىيلەن بىر-بىرىنى بىر كۆرۈپلا ياخشى كۆرۈشۈپ، چاقماق تېزلىكىدە مۇھەببەتلىشىپ، ئۇزاق ئۆتمەيلا توي قىپتۇ. سىرتتىن قارىماققا بۇ بىر جۈپ كېلىشكەن يىگىت بىلەن گۈزەل قىز‹‹خۇدا قوشقان قوشماق« لاردەك كۆرۈنسىمۇ، ئەمەلىيەت دەل بۇنىڭ ئەكسىچە تولىمۇ رەھىمسىز بوپتۇ. توي بولۇپ ئۇزاق ئۆتمەي ئايالى ناھايىتى سەزگۈرلۈك بىلەن ئېرىنىڭ ئۆزىگە بارغانچە سوغۇقلىىشپ كېتىۋاتقانلىقىنى ۋە باشقىلار بىلەن كۆڭۈل خۇشى قىلىپ يۈرگەنلىكىنى ھېس قىپتۇ. ئۇ ئاچچىقلىنىپ ئېرىدىن ئۆزىگە نېمە ئۈچۈن قارا يۈزلۈك قىلىدىغانلىقىنى سورىغىنىدا، ئۇ نۇمۇسسسىزلارچە:‹‹مەن كېلىشكەن يىگىتمەن. مېنى سەن ياخشى كۆرسەڭ بولىدىكەنۇ، باشقىلار ياخشى كۆرسە بولمامدىكەن؟» دەپتۇ. مانا شۇ چاغدىلا ھېلىقى گۈزەل قىز ئېرىنىڭ ئەسلىدە چىرايىغا تاينىپ قىزلارنى ئەخمەق قىلىدىغان لۈكچەك ئىكەنلىكىنى بىلىپ، ئۆكۈنۈپ ياش تۆكۈپتۇ.
