ئاڭلىغىن.ئەگەر مەن بىر تال گۈلگە ئايلانسام،يېڭى چىققان يوپۇرماقلار ئۈستىدە ئۇسسۇل ئوينىسام،سەن مېنى تونىيالارسەنمۇ؟سەن:<سەن نەدە>دەپ چاقىرساڭ مەن تىۋىش چىقارماي كۈلۈپ كېتەتتىم.گۈل بەرگىلىرىنى قايرىپ مېنى ئىزدەۋاتقىنىڭنى كۆرۈپ خۇشال بولۇپ كىتەتتىم.ئويناپ كېلىپ ھويلاڭدىكى سۇپىغا چىقىپ بىر گۈلنىڭ ھىدىنى پۇرايسەن.لېكىن،شۇ گۈلنىڭ مەن ئىكەنلىكىمنى بىلمەيسەن.چۈشلۈك تاماقتىن كېيىن،دېرىزە ئالدىدا ئولتۇرۇپ كىتاپ ئوقۇۋاتقان چېغىڭدا،دەرەخ سايىسى چاچلىرىڭغا،تىزلىرىڭغا يۆتكەلگەندە مەن كىچىككىنە سايە تاشلاپ كىتابىڭنىڭ بەتلىرىگە،دەل سەن ئوقىۋاتقان قۇرلارغا چۈشىمەن.سەن ئۇنىڭ مېنىڭ كىچىككىنە سايەم ئىكەنلىكىنى بىلەرسەنمۇ؟
كەچتە ئويۇنغا قانماي ئۇخلاشتىن بۇرۇن ئاران دېگەندە قوينۇڭغا ئۆزۈمنى ئاتىمەن،-دە،يېنىڭدا پەيدا بولىمەن.<بۈگۈن مېنى تاپالماي نەلەردە يۈردۈڭ>دەپ سۇئال سورايمەن.<بەڭۋاش،نەگە باردىڭ؟>دەيسەن خاپا بولۇپ،ماڭا تىكىلىپ.<ساڭا دەپ بەرمەيمەن>دەيمەن ساڭا.بۇ گەپ بىلەن تەڭ ھەر ئىككىمىزلا كۈلىشىپ كېتىمىز.ئاھ....نەقەدەر بەختىيار،غەمسىز چاغلار،-ھە!مەن كۈنلىرىمنىڭ مەڭگۈ ئاشۇنداق خۇشال،قىزىقارلىق بولىشىنى خالايتتىم.ئەمما ھازىرچۇ؟ئويلاپ باق.سەن مېنى نەقەدەر ئازاپلاۋاتىسەن.مەن كۆز ئالدىمدىكى رىئاللىققا پەقەتلا ئىشەنمەي قالدىم.سېنىڭ ماڭا ئاشۇنداق مۇئامىلە قىلىشىڭغا پەقەتلا ئىشەنمەي قالدىم.بۇلارنىڭ ھەممىسى راستمۇ؟بۇلار چۈشۈم ئەمەستۇ،-ھە~.سەن مېنى نېمىشقا ئاشۇنداق ئېچىلمايلا سولىشىشقا مەجبۇرلايسەن.ئەجىبا...گۈلنىڭ ئېچىلمايلا توزىشى ناھايىتى ئەھمىيەتسىز،مەنىسىز؛ئۆمرى ناھايىتى قىسقا بولىدۇ،دەپ ئويلىمامسەن.تۇرمۇشنىڭ شامىلى ساڭا باقماسكەن.ئۇ ناھايىتى رەھىمسىزكەن.ئەنە،ئۇ مېنىڭ گۈل ئۇرۇقلىرىمنى باشقا بىر ھويلىغا ئۇچۇرۇپ ئاپىرۋەتتى.مەن شۇ ھويلىغا ئۈندىم.بىراق،ئۇ سېنىڭ ھويلاڭ ئەمەس.ئىشىنەمسەن،مەن ئۇ ھويلىدا ئۇزاق تۇرالمايمەن.چۈنكى،ئۇ مۇھىت ماڭا ماسلاشمايدۇ.گەرچە ھويلا ئىگىسى مېنى كۆڭۈل قويۇپ پەرۋىش قىلسىمۇ...كۆنەلمەيمەن.سەن كۈننى ئانچىمۇ خالاپ كەتمەيدىغان گۈلنىڭ كۈن تازا ياخشى چۈشىدىغان مۇھىتتا ئۇزاق مەزگىل ياشىغىنىنى كۆرگەنمىدىڭ؟ بۇ مەزمۇن ئىز تورىدىن كۆچۈرۈلگەن
بۇ شاماللار يەنە قاچانمۇ ئۇرۇقلىرىمنى ئۇچۇرۇپ سېنىڭ ھويلاڭغا ئاپىرار؟بۇ مۇمكىنمۇ؟شۇنچە كۆپ ھويلىلار تۇرسا،گۈل ئۇرۇقلىرىم چوقۇم سېنىڭ ھويلاڭغا بارالارمۇ؟ ئىز تورىدا ئىزلىرىمىز قالسۇن!
شۇڭا،بۇ گۈل ئۇرۇقلىرىنى ئۆزۈڭ تېپىپ تېرىشىڭ كېرەك.ھازىر گۈل ئۇرقلىرىم ئالدىڭدىلا تۇرۇپتۇ.ئەپسۇس،ھازىر قىشنىڭ ئاخىرقى مەزگىلى بولۇپ قالدى.باھاردا بۇ گۈل ئۇرۇقلىرىنى تېرىمسەن،تېرىمامسەن ئۆزۈڭنىڭ ئىشى.
بۇ مەزمۇن ئىز تورىدىن كۆچۈرۈلگەن
چۈنكى،مۇھەببەت شەخسىيەتچى....
