ئامېرىكىنىڭ فىلورىدا ئىشتاتىدىكى Sylvia Mythen ئىسىملىك 70 ياشلىق موماي قىزغۇچ سېرىق رەڭلىك قىسقا كالپۇكلۇق بىر تىمساھنى بايقىغان. ئېيتىلىشىچە، بۇ دۇنيادا تۇنجى قېتىم بايقالغان مۇشۇ خىل رەڭلىك قىسقا كالپۇكلۇق تىمساھ ئىكەن. موماي ئۆيىگە قايتىش يولىدا ئۇنى بايقاپ قالغان بولۇپ، دەرھال سۈرەتكە تارتىۋالغان ھەم بىر بىئولوگ بىلەن ئالاقىلەشكەن. لېكىن ئۇ بىئولوگ تىمساھ ئالبىنىزم (ئاقىرىش كېسەللىكى) غا گىرىپتار بولغان بولۇشى مۇمكىن، دەپلا جاۋاب بەرگەن. بىراق، فىلورىدا ئىشتاتلىق بېلىق تۈرى ۋە ياۋايى جانلىقلارنى قوغداش – بېقىش كومىتېتىدىكى Gary Morse بۇ خىل ئەھۋال مەلۇم مۇھىت ئامىلىدىن كېلىپ چىققان بولۇشى مۇمكىن، دەپ قارىغان.
سىز كۆرۈپ تۇرۇۋاتقان بۇ ھايۋاننىڭ بىر شىمالىي قۇتۇپ ئېيىقى (ئاق ئېيىق) ئىكەنلىكىگە ئىشىنەمسىز؟ بۇ رەڭگى ئاق بولمىغان شىمالىي قۇتۇپ ئېيىقى. ئۇنى ئارگېنتىنادىكى مېندوزا شەھەرلىك ھايۋانات باغچىسى بېقىۋاتىدۇ. ھايۋانات باغچىسىنىڭ ئالاقىدار باشقۇرغۇچىلىرى ئۇنىڭ تېرە كېسەللىكىنى داۋالىغان، ئەمما كېيىن بۇ شىمالىي قۇتۇپ ئېيىقى مۇشۇنداق سۆسۈن رەڭگە كىرىپ قالغان.
بۇ ئۇچار دىنوزاۋر ئائىلىسىدىكى بىر خىل كەسلەنچۈك بولۇپ، ھازىر كۆپلىگەن كىشىلەر ئۇنى ئەرمەك ھايۋان سۈپىتىدە بېقىۋاتىدۇ. تېرىسىنىڭ رەڭگى ئۇنى ‹‹ئۆمۈچۈك پالۋان›› غا ئوخشىتىپ قويغان. ئۇ ئەسلىدە كىنىيەدە ياشايدىغان بولۇپ، ئىنتايىن ياخشى ئەرمەك ھېسابلىنىدۇ، چۈنكى لايىقىدا كۆندۈرۈلسە، بۇ كەسلەنچۈك ئىنتايىن رايىش بولۇپ كېتىدۇ. ئۇلار 1 ديۇيم ئۇزۇنلۇققىچە چوڭىيالايدۇ، ئاساسلىقى چېكەتكە، قارا چېكەتكە، ئۇن قۇرتى قاتارلىقلارنى ئوزۇقلۇق قىلىدۇ. ئۇلار تور توقۇيالمايدۇ، لېكىن رەڭگىنى ئۆزگەرتەلەيدۇ (ئەركىكى كېچىدە چۆچۈپ كەتسە قوڭۇر رەڭگە ئۆزگىرىپ قالىدۇ)، يەنە ئارقا پۇتىغا تايىنىپلا ماڭالايدۇ ھەم ئۆمۈچۈككە ئوخشاش تىك تامغا يامىشالايدۇ.
بۇ كارب دېڭىزى رايونىدا ياشايدىغان بىر خىل دېڭىز قۇلۇلىسى. سىز كۆرۈپ تۇرغان بۇ كۆركەم رەڭلەر دېڭىز قۇلۇلىسىنىڭ قېپى ئەمەس، بەلكى نېپىز بىر قەۋەت پەردە توقۇلمىسى. بۇ توقۇلما دېڭىز قۇلۇلىسىنىڭ پۇتى بىلەن تۇتۇشۇپ كەتكەن بولۇپ، پۈتۈن قېپىنى ئوراپ تۇرىدۇ. ئۇ خۇددى بېلىقنىڭ ساقىقىغا ئوخشاش نەپەسلىنىشكە ئىشلىتىلىدۇ. دېڭىز قۇلۇلىسى ھۇجۇمغا ئۇچرىغاندا، بۇ نېپىز توقۇلما قورۇلۇۋالىدۇ ھەم رەڭگىنىمۇ ئۆزگەرتىدۇ.
ئادەتتىكى ئەھۋالدا، ھاشاراتلار ئانچە كۆزگە چېلىقمايدۇ. لېكىن دەرەخ چېكەتكىسى ئۇنداق ئەمەس، ئۆزگىچە ھال رەڭگى ئۇنىڭغا سىرلىق تۈس بېغىشلىغان. دەرەخ چېكەتكىسى ياپونىيەنىڭ ئوساكا شەھىرى ۋە ئامېرىكىنىڭ ئوتتۇرا غەربىي قىسىم رايونلىرىدا ياشايدۇ. تەھلىل قىلىنىشىچە، ئۇلارنىڭ بۇ خىل رەڭگى تېنىدىكى ئادەتتىكىگە ئوخشىمايدىغان بىر خىل قىزىل رەڭلىك ماددا چۆكمىسىدىن ھاسىل بولغان بولۇشى مۇمكىن ئىكەن.
بۇنىڭ شىمالىي ئامېرىكىدا ياشايدىغان ئامېرىكا قىتئەسى ئۆردىكى بىلەن تۇغقاندارچىلىق مۇناسىۋىتى بار. ئەركەك سۇقسۇرنىڭ تۇمشۇقى قىزىل رەڭلىك بولۇپ، كۆز قۇيرۇقىدا ھىلال ئايسىمان ئاق ئىز بار، كۆزى بىلەن پەي – تۈكلىرىگىمۇ سەل – پەل قىزىل ئارىلاشقان. سۇقسۇرنىڭ كۆكرىكى سۆسۈن رەڭلىك بولۇپ، كۆرىكىدە ئىككى تال تىك سىزىق بار، ئۇنىڭ بىر جۈپ قانىتى قىزغۇچ سېرىق رەڭدە.
ئېگىز تاجلىق خامېلېئون
بۇ ئالاھىدە رەڭدار بولغان، رەڭگىنى ئۆزگەرتەلەيدىغان بىر خىل كەسلەنچۈك بولۇپ، ئاساسلىقى يەمەن ۋە سەئۇدى ئەرەبىستانىدىن بايقالغان. ئۇ كەيپىياتىنىڭ ياخشى – يامانلىقىغا قاراپ تېرىسىنىڭ رەڭگىنى ئۆزگەرتەلەيدۇ. ئۇنىڭ بەدىنىدىكى ئالاھىدە رەڭلىك ئاشۇ كىچىك قاپارتمىلار ساغلاملىق ئەھۋالى، كەيپىياتى، بەدەن تېمپېراتۇرىسى قاتارلىق ئامىللارغا ئاساسەن بەلگىلىنىدۇ.
ئالا چارپاقا
ئۇ يەنە پاناما ئالتۇن پاقىسى، ئالا پۇت چارپاقا دەپمۇ ئاتىلىدۇ. بۇ خىل چارپاقا ئىلگىرى كوستارىكا ۋە پاناما ئەتراپىغا كۆپ تارقالغان بولۇپ، ھازىر نەسلى قۇرۇپ كېتىش گىردابىغا بېرىپ قالدى، بۈگۈنكى كۈندە پەقەت پانامادىلا بۇ خىل پاقىنى ئۇچراتقىلى بولىدۇ.
( مۇھەررىر : شەرىپە )
خەتكۈچلەر:
(
ئالاھىدە ئەسكەرتىش: مەزكۇر ماقالىنىڭ ھوقۇقى تەڭرىتاغ تورى گە تەۋە
)
