ئىت ئېيىقنىڭ ئۆت سۇيۇقلۇقىنى ئېلىش جەريانى ئىنتايىن ئېچىنىشلىق بولۇپ ، كىشىنى چۆچۈتىدۇ . بىز نېمىشقا بۇنداق ۋەھشىيلىك قىلىمىز؟ مۇتەخەسسىسلەرنىڭ ئېيتىشىچە ، ئېيىقنىڭ ئۆت سۇيۇقلۇقىنى دورا ئۆسۈملۈكلەرگە تايىنىپ ياكى سۈنئىي سىنتېزلاش ئارقىلىق ئېلىشقا تامامەن بولىدىكەن . بۇ بىر يۈرۈش سۈرەتلەرنى كۆرگەندىن كېيىن ، نېمىلەرنى ئويلىدىڭىز؟ بىز نېمىلەرنى قىلىشىمىز كېرەك؟
بەزى ئېيىقلار ھەر كۈنى ئۆت سۇيۇقلۇقى ئېلىنغاندىكى ئازابقا چىدىيالماي ، ئۆزىنىڭ ئۈچەي - باغرىنى سۇغۇرۇپ ئۆلۈۋالىدۇ. ئۇلارنىڭ ئۆزىنى ئۆلتۈرۈۋېلىشىدىن ساقلىنىش ئۈچۈن ، مۇشۇنداق تۆمۈر جىلىتكە (پىنجەك) ئالاھىدە ياسالغان بولۇپ ، كېچە - كۈندۈز ئۇلارغا كىيگۈزۈپ قويۇلىدۇ.
ئۆت سۇيۇقلۇقى ئېلىنغان يارا ئېغىزى ئەزەلدىن تىكىلمەيدىغان ، ساقايمايدىغان بولغاچقا ، ئۇزۇن يىللار ئازاب تارتقان كۆپلىگەن ئېيىقلار ئۆسمە ، راك كېسەللىكلىرىگە گىرىپتار بولۇپ قالىدۇ ، بۇ ئېيىق جىگەر راكىغا گىرىپتار بولۇپ ئۆلۈپ كەتكەن.
تۆمۈر جىلىتكە كىيگۈزۈلۈپ ، ئۆت سۇيۇقلۇقى ئېلىنىۋاتقان ئېيىق
ئېيىقنىڭ جىلىتكىسى چىرىپ كەتكەن بولۇپ ، ئۆت سۇيۇقلۇقى ئېلىنىۋاتقىلى قانچە يىل بولغانلىقىنى بىلگىلى بولمايدۇ.
بىر قىسىم كىشىلەر ئېيىق تاپىنىنى ئېسىل تائام دەپ قارايدۇ ، تىرىك ئېيىقنىڭ تېنىدىن كېسىۋېلىنغان تاپاننى ئەڭ مەززىلىك دېيىشىدۇ. قۇتقۇزۇۋېلىنغان بۇ بىچارە ئېيىقنىڭ ئىككى تاپىنىنى ئىلگىرى كىشىلەر كېسىۋالغان ، ئۇنىڭ ئۈستىگە يەنە ھەر كۈنى بىر قانچە قېتىم ئۆت سۇيۇقلۇقى ئېلىنغان.
ئوڭ مۈرىسىگە ‹‹ئاي ئېيىق›› (月熊) دېگەن ئىككى خەنزۇچە خەتنى چېكىۋالغان JillRobinson باشتىن ئاخىر ئىت ئېيىقلارنى قۇتقۇزۇش ئۈچۈن چېپىپ يۈرىدۇ.
( مۇھەررىر : شەرىپە )
خەتكۈچلەر:
(
ئالاھىدە ئەسكەرتىش: مەزكۇر ماقالىنىڭ ھوقۇقى تەڭرىتاغ تورى گە تەۋە
)
