ھايتىدىكى جادۇگەرلىك ۋە ئىلاھ قانۇنىنىڭ كۈچىنى ئاساس قىلغان ۋۇدۇ دىنى (Voodoo) يەرلىك ھۆكۈمەت بېكىتكەن ئىككى ئېتىقادنىڭ بىرى . ھايتىدا ھەر يىلى ۋۇدۇ بايرىمىنى تەبرىكلەش يۈزىسىدىن بىر كۈن دەم ئېلىشقا قويۇپ بېرىلىدۇ. ئىز تورى www.iz.la
‹‹ۋۇدۇ›› (Voodoo) دېگەن سۆز ‹‹روھ ›› دېگەن مەنىدە بولۇپ ، ئۇ ئەسلىدە غەربىي ئافرىقا ، گانا قاتارلىق جايلاردا كەڭ تارقالغان بىر خىل سىرلىق دىن ئىدى. 16–ئەسىردە ، ھايتىنىڭ ھالى خارابلىشىپ فىرانسىيەنىڭ مۇستەملىكىسىگە ئايلىنىپ قالغان ، فىرانسىيە مۇستەملىكىچىلىرى نورغۇنلىغان ئافرىقىلىق قارا تەنلىك قۇللارنى ھايتىغا ئەكىلىپ سېتىش بىلەن بىرگە، ئافرىقىدا كەڭ تارقالغان ئىپتىدائىي دىننىمۇ ھايتىغا ئېلىپ كىرگەن ، كېيىن بۇ ئافرىقىلىق قارا تەنلىك قۇللار رىم كاتولىك دىنى (پاپىزم) نىڭ نۇرغۇنلىغان مۇرەككەپ دىنىي مۇراسىملىرى بىلەن يەرلىك ئەنئەنىۋى دىننى ئارىلاشتۇرۇپ، سىرلىق، غەلىتە، كىشىنى ۋەھىمىگە سالىدىغان ۋۇدۇ دىنىنى شەكىللەندۈرگەن .
مەن ئىز تورىغا بەك ئامراق
ھايتىنىڭ ‹‹زەمزەم›› بازىرىدا ئۆتكۈزۈلىدىغان يىللىق تەبرىكلەش مۇراسىمىدا ، نەچچە يۈزلىگەن ۋۇدۇ دىنى مۇرىتلىرى شارقىراتما ئاستىغا يىغىلىپ يۇيۇنىدۇ . مۇرىتلار شارقىراتمىغا يالىڭاچ دېگۈدەك چۈشۈۋېلىپ ، خۇشاللىقتىن سەكرەشكىنىچە پاكلىنىدۇ ، مۇشۇنداق قىلسا ئۆز گۇناھلىرىنىڭ يۇيۇلىدىغانلىقىغا ، شۇنىڭ بىلەن بىر ۋاقىتتا كېلەر يىللىق بەخت–ئامەت ۋە ساغلاملىقنىڭمۇ يېتىپ كېلىدىغانلىقىغا ئىشىنىدۇ . كۆپلىگەن ھايتىلىقلار ۋۇدۇ دىنىنىڭ نەزىر–مۇراسىملىرىغا قاتناشمىسا، بالايىئاپەتتىن قېچىپ قۇتۇلالمايدىغانلىقلىرىغا ئىشىنىدۇ!
بۇ مەزمۇن ئىز تورىدىن كۆچۈرۈلگەن
