سۈرەتتىكى بۇ ھوشسىز ھالەتتە ئوڭدىسىغا ياتقان ئىت ئېيىقنىڭ تېنىگە بىر ئىشپىرىس ئۇلاپ قويۇلغان بولۇپ ، قارامتۇل سېرىق رەڭلىك ئۆت سۇيۇقلۇقى سۈمۈرۈپ ئېلىنىۋاتاتتى .
ئۇلار ئېگىزلىكى ۋە كەڭلىكى تەخمىنەن ئىككى مېتىر كېلىدىغان چوڭ تۆمۈر قەپەسكە سولىنىپ بېقىلىدۇ . ھەر نۆۋەت خېرىدار كەلگەندە ، ئوپېراتسىيە ئۆيىگە ئەكىرىلىپ ، ناركوز ئۇرۇلغاندىن كېيىن ، يۇقىرى ئاۋاز دولقۇنلۇق ئاپپارات ئارقىلىق ئۆت خالتىسى تېپىلىپ ، ئۇزۇنلۇقى تەخمىنەن 10 سانتىمېتىرلىق مېتال ياكى كاۋچۇك ئۆتكۈزگۈچ نەيچە ئۇلارنىڭ قورساق دىۋارى ( مەخسۇس ئېچىلغان تۆشۈك ) دىن كىرگۈزۈلۈپ ، بىۋاستە ئۆت خالتىسىغا سانجىلىدۇ . بۇ ۋاقىتتىكى ئازابنى ھېچكىم ھېس قىلالمايدۇ .
جاكارتادىكى بىر گۈل–قۇش بازىرىدا ، فوتوگراف مۇخبىر لياڭ يوڭگۇاڭ ئۆز كۆزى بىلەن بىر ئەرمەك ھايۋان ساتقۇچىنىڭ فىلىپپىن ماكاكا مايمۇنىنىڭ ئۇتتۇر چىشلىرىنى كېسىۋاتقانلىقىنى كۆردى . ئۇ ئادەم بىر قولىدا فىلىپپىن ماكاكا مايمۇنىنىڭ بېشىنى چىڭ تۇتۇۋېلىپ ، يەنە بىر قولىدا ئامبۇر (قىسقۇچ) نى تۇتۇپ ، ئۇنىڭ ئېغىزىدىكى گۈرۈچتەك ئۇششاق چىشلارنى تېزلىكتە كېسىپ ئېلىۋاتاتتى .
ھىندونېزىيەنىڭ سۇماترا تاقىم ئارىلىدىكى رانتاۋ پاراپاتنىڭ بۈك–باراقسان ۋە ياپيېشىل ئىپتىدائىي ئورمانلىقىقا يېقىن جايدا ، يىل بويى سېسىق پۇراق تارقىتىدىغان ئاددىي بىر كارخانا بار . ئىشىكنى ئېچىپ كىرسىڭىز ، چىگە ئارغامچا بىلەن قىستاپ ئېسىلغان ، يېتىلگەن ئەرلەرنىڭ يوتىسىدەك توملۇقتىكى ئون نەچچە بوغما يىلاننى كۆرىسىز . ئېسىلغان ھەر بىر بوغما يىلاننىڭ ئاغزى يوغان ئېچىقلىق بولۇپ ، ئۇلارنىڭ قىمىرلىغۇدەك مادارىمۇ يوق .
2005–يىلىدىن باشلاپ ، فوتوگراف مۇخبىر لياڭ يوڭگۇاڭ تۆت يىل داۋامىدا ، تۈرلۈك يوللار ۋە مۇھىت ئاسرايدىغان ھۆكۈمەتسىز تەشكىلاتلار (NGO) نىڭ ياردىمى ئارقىلىق ، جۇڭگونىڭ گۈيلىندىكى شيۇڭخۇ تاغلىق يېزىسى ، ھىندونېزىيەدىكى لەھەڭ زاۋۇتى ، يىلان سويۇش كارخانىسى ، ۋېيتنامدىكى ئىت ئېيىقنىڭ ئۆت سۇيۇقلۇقىنى ئېلىش بازىسى قاتارلىقلارنى ئۆز ئىچىگە ئالغان ياۋايى ھايۋانلار سودىسىغا ئائىت 100 نەچچە پارچە سۈرەتنى تارتىۋالغان .
كۆپ قىسىم غەربلىكلەرگە نىسبەتەن ئېيتقاندا ، تاشپاقا گۆشى ، لەھەڭ پالاقچىسى ۋە پىل چىشى قاتارلىقلار ئىنتايىن ناتونۇش نەرسىلەر ، ئۇلار بۇلارنىڭ سودىغا ئىشلىتىلىدىغانلىقىغا ئىشەنمەيدۇ ؛ ھالبۇكى نۇرغۇن ئاسىيالىقلار بۇنى ئادەتتىكى ئىش دەپ قارايدۇ.
نۆۋەتتە ، ياۋايى ھايۋانلار سودىسىنىڭ ‹‹روناق›› تېپىشىنىڭ ئاساسلىق سەۋەبى شۇكى ، ئەتكەسچىلەر ‹‹يوقىلىش گىردابىغا بېرىپ قالغان ياۋايى ھايۋان ۋە ئۆسۈملۈك تۈرلىرى خەلقئارا سودا ئەھدىنامىسى›› (CITES) دىكى ‹‹سۈنئىي (قوتانغا سولاپ) بېقىلغان ھايۋانلارنى ئېلىپ–سېتىشقا بولىدۇ›› دېگەن ماددىنىڭ يوچۇقىدىن پايدىلانغان . كۆپلىگەن ئەتكەسچىلەر ‹‹كۆپەيتىش مەركىزى›› قۇرۇپ ، بۇ ئارقىلىق پاناھلىنىدۇ ، قىممەتلىك ھايۋانلارنى ئوغرىلىقچە ئوۋلايدۇ .
قۇتۇلدۇرۇپ چىقىلغان قىزىل ئورانگۇتان بالىسى ھىندونېزىيەدىكى بىر ھاياتلىق باغچىسىدا مۇستەقىل ياشاشنى ئۆگەنمەكتە. بۇ ‹‹يېتىم›› لارنىڭ ئاتا–ئانىلىرىنىڭ كۆپىنى مايلىق پالما زاۋۇتىنىڭ ئىشچىلىرى ئېتىپ ئۆلتۈرۈۋەتكەن ، بۇلارنى بولسا ئەرمەك ھايۋان ئورنىدا سېتىۋەتكەن.
ياۋايى ھايۋانلار سودىسى كۆلىمىنىڭ قانچىلىك چوڭلۇقتا ئىكەنلىكىنى ھېچكىم ئېنىق بىلمەيدۇ ، لېكىن شۇنى جەزملەشتۈرۈشكە بولىدۇكى ، پايدا ئادەتتىن تاشقىرى كۆپ . ئەتكەسچىلەر قانۇنلۇق مالنىڭ ئارىسىغا قانۇنسىز ياۋايى ھايۋانلارنى تىقىپ قويۇش ، ياۋايى ھايۋانلارنى قوغداش تارماقلىرى ۋە تامۇژنا خادىملىرىغا پارا بېرىش ئۇسۇلى ئارقىلىق ، تەكشۈرۈشتىن ئۆزىنى قاچۇرىدۇ . قولغا ئېلىنغانلارمۇ يوق دېيەرلىك ، ئۇنىڭ ئۈستىگە قولغا ئېلىنغانلار ئۇچرايدىغان جازا ئادەتتە قائىدىگە خىلاپ ئاپتوموبىل توختاتقانلارغا قويغان جەرىمانىچىلىكمۇ ئەمەس .
خەتكۈچلەر:
(
ئالاھىدە ئەسكەرتىش: مەزكۇر ماقالىنىڭ ھوقۇقى تەڭرىتاغ تورى گە تەۋە
)
ياخشىكەن
(11)
68.8%
ئالقىشلايمەن
(5)
31.2%
------分隔线----------------------------
