دۇنيادىكى ئەڭ قىممەت شەخسىي ‹‹مۇستەقىل ئۆي››
ئىز تورىدا ئىزلىرىمىز قالسۇن!
جۇڭگو ئاخبارات تورى ، 15–ئۆكتەبىر تېلېگراممىسى : شياڭگاڭ ‹‹ئەدەبىي مەجمۇئە›› گېزىتىنىڭ خەۋىرىدىن قارىغاندا ، ھىندىستاندىكى 1–باي Mukesh Ambani پات ئارىدا ئائىلىسىدىكىلەرنى ئېلىپ يېڭى تۇرالغۇسىغا كۆچۈپ كىرىدىغان بولۇپ ، جەزمەن پۈتۈن دۇنيانىڭ دىققەت–نەزەرىنى تارتىدىكەن ، چۈنكى ئۇنىڭ يېڭى تۇرالغۇسى 27 قەۋەتلىك بىر بىنا بولۇپ ، قىممىتىنىڭ 1 مىليارد 200 مىليون فوندستېرلىڭغا يېتىدىغانلىقى مۆلچەرلىنىپ ، دۇنيادىكى ئەڭ قىممەت شەخسىي ‹‹مۇستەقىل ئۆي›› بولۇپ قالغان .
بومباي شەھەر مەركىزىدە قەد كۆتۈرگەن بۇ دەرىجىدىن تاشقىرى ھەشەمەتلىك چوڭ تۇرالغۇنىڭ ئىسمى ‹‹Antilla›› بولۇپ، رىۋايەتلەردە ئېيتىلغان ئاتلانتىك ئوكياندىكى بىر ئارالنىڭ نامىدىن كەلگەن . ‹‹Antilla›› نى قۇرۇشقا يەتتە يىل ۋاقىت سەرپ قىلىنغان بولۇپ ، ئېگىزلىكى 173مېتىر كېلىدۇ . ئىچىدىكى ئەسلىھەلەرنىڭ ھەممىسى دۇنيا دەرىجىلىك بولۇپ ، بىرقانچە سۇ ئۈزۈش كۆلچىكى ، ساغلاملىق مەركىزى ، چوڭ تىپتىكى تانسا زالى ، شۇنداقلا ئىچىگە 50 ئورۇندۇق سەپلەنگەن مىكرو كىنوخانا قاتارلىقلارنى ئۆز ئىچىگە ئالىدۇ . ئىگىلىنىشىچە ، بىنانىڭ ھەربىر خانىسىنىڭ لايىھەسى پۈتۈنلەي ئۆزگىچە بولۇپ ، كىشىگە تەكرارلىنىش تۇيغۇسى بەرمەيدىكەن.
‹‹Antilla›› نىڭ ئەڭ ئاستىنقى ئالتە قەۋىتى ئاپتوموبىل توختىتىش ئورنى قىلىپ لايىھەلەنگەن بولۇپ ، بىرلا ۋاقىتتا 160 ئاپتوموبىلنى توختاتقىلى بولىدىكەن . ئاپتوموبىل توختىتىش ئورنىنىڭ ئۈستى زال بولۇپ ، جەمئىي توققۇز لېفىت (ئېلېۋاتور) ئارقىلىق ھەرقايسى قەۋەتلەرگە يېتىپ بارغىلى بولىدىكەن. بىنانىڭ ئۆگزىسىدە يەنە ئۈچ تىك ئۇچار ئايروپىلان قوندۇرۇش ئورنى بولۇپ ، بومبايدا قاتناش ئېغىر دەرىجىدە توسۇلۇپ قالسا ، كىرىپ–چىقىش قولايسىز بولۇش ئەندىشىسىدىن خالاس قىلىدىكەن.
قارىماققا بۇ بىنا ‹‹ئۆچكىلەرنىڭ ئارىسىغا كىرىپ قالغان تۆگە›› دەك كۆرۈنىدۇ
ئىز تورى www.iz.la
‹‹Antilla›› نىڭ قۇرۇلۇش تەننەرخى تەخمىنەن 44 مىليون فوندستېرلىڭ بولغانلىقى مۆلچەرلەنگەن، لېكىن يېقىنقى مەزگىلدە بومباينىڭ يەر باھاسى ۋە بىنا باھاسىنىڭ جىددىي ئۆرلىگەنلىكىنى ھېسابقا ئالغاندا ، ‹‹Antilla›› نىڭ باھاسى مۇشۇ ئاساستا تەڭ ئۆرلەپ ، 1 مىليارد 200 مىليون فوندستېرلىڭغا يېتىشى مۇمكىن. ى ئىز تورى ئىز تورى ئىز تورى ئىز تورى
Ambani مۇشۇ ئاينىڭ 28–كۈنى تۇرالغۇغا كۆچۈپ كىرىدىكەن ، شۇ چاغدا تەبرىكلەش پائالىيىتى ئۆتكۈزۈلىدىكەن ، قايسى ئەزىز مېھمانلارنىڭ تەبرىكلەش پائالىيىتىگە قاتنىشىش شەرىپىگە ئېرىشەلەيدىغانلىقى ھازىرچە ئېنىق ئەمەس ئىكەن . ئىلگىرى Antilla نى ئېكىسكۇرسىيە قىلغان يەرلىك بىر سودىگەر مۇنداق دېگەن: ‹‹ ‹Antilla› كىشىنى ھەيران قالدۇرىدۇ، ئېسىمدە قېلىشىچە ئۇ يەردە يەنە پىكاسونىڭ داڭلىق رەسىملىرىمۇ بار››. مۇتەخەسسىسلەر دۇنيادىكى ھەرقانداق بىر شەخسىي تۇرالغۇنىڭ كۆلەم ۋە دىققەتنى تارتىش دەرىجىسى جەھەتتە ‹‹Antilla›› بىلەن بەسلىشەلمەيدىغانلىقىنى بىلدۈردى.
مەنبە؛تەڭرىتاغ تورى
خەتكۈچلەر:
(
ئالاھىدە ئەسكەرتىش: مەزكۇر ماقالىنىڭ ھوقۇقى نامەلۇم گە تەۋە
)
