ئۇيغۇر ئۇسسۇلى
(مۇخەممەس)
ئاپتور: تۇرغۇن ئوبۇلقاسىم يىلتىز
كۆككە ئىككىنچى قۇياش سەنئەتتە ئۇيغۇر ئۇسسۇلى،
چىن كامالەتكە ئاداش شۆھرەتتە ئۇيغۇر ئۇسسۇلى،
ئەھلى ئەمگەككە قاياش مېھنەتتە ئۇيغۇر ئۇسسۇلى،
ھەممىنى ئەتكەن ھاپاش غەيرەتتە ئۇيغۇر ئۇسسۇلى،
سەھنىدە ئۇزلۇققا باش ئەلۋەتتە ئۇيغۇر ئۇسسۇلى.
سازچىلار دۇنيا تەۋەللۇت ئەيلىسە مەرغۇل بىلەن،
ناخشىچى باشلار غەزەل ئۈن تالىشىپ بۇلبۇل بىلەن،
بەيگىگە چۈشكەي ئۇسسۇلچى بەسلىشىپ دۇلدۇل بىلەن،
يۆگىشىپ كەتكەي بەدەنلەر بالقىشىپ سۇمبۇل بىلەن،
سەزگۈلەرنى ئوۋلىغاي خىسلەتتە ئۇيغۇر ئۇسسۇلى.
بۇ مەزمۇن ئىز تورىدىن كۆچۈرۈلگەن
ئاق، ئوماق بارماق، بىلەك، بەل سەتھىدە يانساسېھىر،
چۆرگۈلۈش ھەم ئۆرگۈلۈشلەردىن چېچىلغاي ئوت، مېھىر،
ھەرىكەتلەر مەۋجىدە پاكلىق، ھايا، ۋىجدان زىكىر،
ھەر تەرەننۇم، تاشلىنىشنىڭ ۋەزنى تاغلاردىنئېغىر...
ئەلگە يار ساغلام، سۈزۈك ئىسكەتتە ئۇيغۇر ئۇسسۇلى.
ياندىشىپ دىلبەرگە، شوخ-شوخ ئوينىسائوغلانلىرىم،
پارلىغاي ئوبرازى باتۇر، ئوت يۈرەك پالۋانلىرىم،
زەڭ سېلىپ باقساڭ، ئۇنىڭدا ئەڭ بۈيۈك ئارمانلىرىم،
پەللىلەردە ئۈندۈرەر گۈل مۇسكۇلۇم-دەرمانلىرىم،
ئەھلى ھىممەتكە ھامان رىغبەتتە ئۇيغۇر ئۇسسۇلى.
ئىز تورى بەك ياخشى
مەيگە ئايلانغاي قېنىڭ شېرىن، خۇش ئاۋاز ئالدىدا،
تەن قۇشۇڭ قاققاي قانات، بۈركۈتچە پەرۋاز ئالدىدا،
سەن ئېرىپ ئۆركەش ياسارسەن جەزبدار ناز ئالدىدا،
مېۋىلەر ساڭرى پىشارسەن گۈلباھار-ياز ئالدىدا،
پەرىنى قىلغاي خىجىل نۇسرەتتە ئۇيغۇر ئۇسسۇلى.
سۆيگۈ ئىزھارى ئۈچۈن گەپ ئىزدىمە سۆز كانىدىن،
مەقسىتىڭ ھەل، بەس، ئېشىپ چۈشسەڭ ئۇسسۇل ئاسمانىدىن،
بولغىنىڭ شۇ: قۇت-بەخت سۇلتاندىن، جانانىدىن،
قەھرىمانلىق نامى ئالغايسەن ھايات داستانىدىن،
قۇشلىبان بەرگەي ھۇزۇر ئىشرەت ئۇيغۇر ئۇسسۇلى.
توي-تۆكۈن، ئايەملىرىمدە، بالقىسا نەغمە-ناۋا،
ھېيىت، مۇراسىم كۆركىدۇر باشتىن-ئاياغ ئۇسسۇل-ساما،
ھەر كىشى قاينام ئارا ئالىي سۈپەت ئارتىس گويا،
ئوينىغانلار شاد-خۇرامدۇر ھەم تاپار تەنگە داۋا،
روھىنى ئەيلەر كۆرەك ھەيۋەتتە ئۇيغۇر ئۇسسۇلى.
ئىز تورى www.iz.la
ۋەسلى ئون ئىككى مۇقامنىڭ دىلبىرى-رەناسى ئۇ،
بەزمە-مەشرەپ، ئولتۇرۇشنىڭ زەپ ئېسىل- ئەلاسىئۇ،
ئالەمى كۆركەم، نازاكەتنىڭ گۈزەل سەھراسى ئۇ،
تەرجىمانسىز كەڭرى، دۇنيا زاھىرى، يەكتاسى ئۇ،
ئۆز تىلىدىن دۇر تۆكەر ھېكمەتتە ئۇيغۇر ئۇسسۇلى.
ئەھلى ئۇيغۇرغا ئۇسسۇل تۇغما تالانتتۇر، ئەي جاھان،
ئىزگۈ ئارمان ئەۋجىدە سۇنماس قاناتتۇر، ئەي جاھان،
ناخشا-ئۇسسۇل قوينىدا ھەركىم ھاياتتۇر، ئەي جاھان،
پۇت-قولى گەر كەلمىسە ئۆلمەك - ئۇياتتۇر، ئەي جاھان،
ھېچ تېپىلماس باشقا بىر مىللەتتە ئۇيغۇر ئۇسسۇلى!
www.iz.la
ئەي ئۇسسۇل، پەخرىم، غۇرۇرۇم، يىلتىزىڭدىنئۆرگىلەي،
شاخلىغىن كۆركەم، باراقسان، ئەڭگىزىڭدىنئۆرگىلەي،
ئۆزگىچە چېچەك، مېۋەڭدىن، مېغىزىڭدىن ئۆرگىلەي،
سەن ئۈچۈن جان بەرگۈچى ئوغلان-قىزىڭدىنئۆرگىلەي،
ئۆزلۈكۈڭدىن ياشنىغىن قىممەتتە ئۇيغۇر ئۇسسۇلى! ئىز تورىدا ئىزلىرىمىز قالسۇن!
مەنبە: «جۇڭگو مىللەتلىرى» ژورنىلى 2004-يىل 1-سانىدىن ئېلىندى.
ئىز تورىدا ئىزلىرىمىز قالسۇن!
