شىنخۇا ئاگېنتلىقىنىڭ يېزا ئىگىلىك قوشۇمچە مەھسۇلاتلىرى ۋە يېزا ئىگىلىك ماددىي ئەشيالىرى باھاسى بازار ئەھۋالى سىستېمىسىنىڭ كۆزىتىپ ئۆلچەش سانلىق مەلۇماتلىرىدىن ئىگىلىشىچە، نۆۋەتتە، مەملىكىتىمىزدە كالا گۆشىنىڭ باھاسى بۇلتۇرقىنىڭ ئوخشاش مەزگىلدىكىدىن كۆرۈنەرلىك ئۆسكەن بولۇپ، 6-ئاۋغۇستتىكى باھا بۇلتۇرقى شۇ كۈنىدىكىدىن %25كە يېقىن ئۆسكەن.
بۇ مەزمۇن ئىز تورىدىن كۆچۈرۈلگەن
چاڭچۈن «خۇڭشىڭ» دېھقانچىلىق مەھسۇلاتلىرىنى توپ تارقىتىش بازىرىدىكى بىر كالا گۆشى ساتقۇچىنىڭ مۇخبىرغا ئېيتىشىچە، بۇ بازاردا ھەر جىڭ كالا گۆشىنىڭ 21 يۈەندىن سېتىلىشى چاڭچۈن بويىچە ئەڭ تۆۋەن باھا ھېسابلىنىدىغان بولۇپ، چاڭچۈندىكى «ياۋروپا-ئاسىيا» بازىرى، «ۋال-مارت» تاللا بازىرى قاتارلىق جايلاردا ھەر جىڭ كالا گۆشى 23 يۈەندىن 25 يۈەنگىچە سېتىلىدىكەن. ئىچكى قىسىمدىكى بىر خىزمەتچى خادىمنىڭ قارىشىچە، بۇ يىل كىرگەندىن بۇيانقى يەم-خەشەك باھاسىنىڭ ئۆسۈپ كېتىشى شۇنداقلا مەھسۇلات مىقدارىنىڭ يېتىشمەسلىكى تەمىنلەش بىلەن ئېھتىياجنىڭ تەڭپۇلسىزلىقىنى كەلتۈرۈپ چىقارغان؛ بۇنىڭدىن باشقا، ئادەم كۈچى، تىرانسىپورت تەننەرخىنىڭ ئۆسۈپ كېتىشى بىلەن يەم-خەشەك تەننەرخى ۋە مال باھا ئامىلىنىڭ بىرلەشمە رولىمۇ يېقىنقى مەزگىلدىكى كالا گۆشى پارچە سېتىلىش باھاسىنىڭ ئۆسۈپ كېتىشىنى كەلتۈرۈپ چىقارغان يەنە بىر سەۋەب ئىكەن. بۇ مەزمۇن ئىز تورىدىن كۆچۈرۈلگەن
