جۇڭگو ئاخبارات تورىنىڭ 27-نويابر خەۋىرى: يەمەننىڭ مۇئاۋىن پىرىزدېنتى ھادى 11-ئاينىڭ 26-كۈنى بۇيرۇق چۈشۈرۈپ، 2012-يىلى 2-ئاينىڭ 21-كۈنى پىرىزدېنت سايلىمى ئۆتكۈزۈشنى بېكىتكەن. يەمەن ھۆكۈمەت ئاخبارات ئاگېنتلىقىنىڭ خەۋىرىگە ئاساسلانغاندا، ھادى پىرىزدېنت بۇيرۇقى ئېلان قىلىپ، 2012-يىلى 2-ئاينىڭ 21-كۈنىنى پىرىزدېنت سايلىمى كۈنى قىلىپ بېكىتكەن، ھەر قانداق سىياسىي پارتىيىنىڭ سايلام كۈنىنى ئۆزگەرتىش ھوقۇقى يوق ئىكەن. يەمەن پىرىزدېنتى سالىھ 11-ئاينىڭ 23-كۈنى سەئۇدى ئەرەبىستان پايتەختى رىيادتا دېڭىز قولتۇقى ھەمكارلىق كومىتېتىنىڭ يەمەن كىرزىسىنى ھەل قىلىش كېلىشىمىگە ئىمزا قويۇپ، ھوقۇقىنى مۇئاۋىن پىرىزدېنت ھادىغا تاپشۇرۇپ بەردى، سالىھ ۋە تۇققانلىرى كەچۈرۈم قىلىنىش ھوقۇقىغا ئېرىشتى، ئۆكتىچىلەر رەھبەرلىكىدىكى بىرلەشمە ھۆكۈمەت قۇرۇلۇپ، 90 كۈن ئىچىدە پىرىزدېنت سايلىمى ئۆتكۈزىدىغان بولدى. (نەپرەت)
