ئىز تورى-爱智网

　　 1.ئۆي بوشلۇقىدىكى ماسلاشتۇرۇلغان رەڭلەر ئۈچ خىلدىن ئېشىپ كەتمەسلىكى كېرەك . ئاق ۋە قارىنى ئۆز ئىچىگە ئالمايدۇ . 2.ئالتۇنرەڭ ، كۈمۈشرەڭلەرنى ھەرقانداق رەڭ بىلەن ماسلاشتۇرۇشقا بولىدۇ . ئەمما ئالتۇنرەڭ سېرىق بىلەن ، كۈمۈشرەڭ ئاقۇش كۈلرەڭ بىلەن ماسلاشتۇرسا ئۈنۈمى ئانچە ياخشى بولمايدۇ . 3.لاھىيلىگۈچى بولمىغان ئەھۋال ئاستىدا ، ئۆي جاھازىلىرىنىڭ ئەڭ ياخشى ماسلاشتۇرۇلىشى : تامنى سۇس رەڭدە ، يەرنى ئوتتۇرىدىكى رەڭلەردە ، ئۆي جاھازلىرىنى قېنىق رەڭدە ماسلاشتۇرۇشتۇر . 4.ئاشخانىنى بېزىگەندە ئىسسىق رەڭلەرنى ئىشلەتمەڭ . 5.قېنىق كۆك رەڭلىك پول ياتقۇزۇشتىن ھەزەر ئەيلەڭ . 6.ھەرگىز ئوخشىمىغان سۈپەتتىكى بىر تۈردىكى مەھسۇلاتلارنى بىر يەرگە قويماڭ . بولمىسا سىز ئوڭايلا ئارىلاشتۇرۇپ ئىشلىتىپ قېلىشىڭىز مۇمكىن . 7.سىز ئەگەر ھازىرقى زامانغا ماس كېلىدىغان ئۆي مۇھىتىنى بەرپا قىلماقچى بولسىڭىز ، ئامال بار گۈللۈك نەرسىلەرنى ئاز ئىشلىتىپ ، ساپ سۇس رەڭلەرنى كۆپرەك ئىشلىتىڭ . 8.ئۆگزە تەگلىكىنىڭ رەڭگى چوقۇم تامنىڭ رەڭگىدىن سۇسراق بولۇشى ، ھىچبولمىغاندا بىر خىل بولۇشى كېرەك . ئۆگزە تەگلىكىنىڭ رەڭگى پەقەت ئاق ياكى تامنىڭ رەڭگىدىن سۇسراق رەڭلەر بولۇشى كېرەك . 9.قارا بىلەن ئاق رەڭنى ماسلاشتۇرۇپ ئىشىلىتىڭ . ئاق رەڭ بىلەن قارا رەڭ ماسلاشتۇرۇپ بېزەلگەن ئۆي كىشىگە زامانىۋىيلىق تۇيغۇسى بېرىدۇ ، مودا قوغلىشىدىغان كىشىلەرنىڭ تاللىشى بولالايدۇ .ئەمما ئەگەر ئۆي ئىچىدىكى ئاق قارا رەڭنىڭ ماسلاشتۇرۇلۇشى بەك زىچ بولۇپ كەتسە ، ۋاقىت ئۆتكەنسىرى كىشىدە كۆزلىرى تورلىشىدىغان ، جىددىيلىشىدىغان ، بىئارام بولىدىغان كەيپىيات شەكىللىنىپ قالىدۇ . ئەڭ ياخشىسى ئاق رەڭنى ئاساس ،باشقا رەڭلەرنى تۇلۇقلىما قىلىپ بېزىگەندە ، كىشىگە ئوچۇق يورۇق ، ئازادىلىك تۇيغۇسى بېرىلىدۇ .