ئىز تورى-爱智网

　　 سىتاتىسكىغا ئاساسلانغاندا ، ئادەمنىڭ 2/3 قىسىم ھاياتى ئۆيدە ئۆتىدىكەن . بالىلار ۋە ياشانغانلارنىڭ ئۆيدىكى ۋاقتى بۇنىڭدىنمۇ ئۇزۇن بولۇپ ، ئۆيدە ساقلىقنى ساقلاش شارائىتىنىڭ قانداق بولۇشى ساغلاملىق بىلەن زىچ مۇناسىۋەتلىك ئىكەن . شۇ سەۋەبتىن ساقلىقنى ساقلاش مۇتەخەسىسلىرى ھازىرقى زامان تۇرالغۇ ئۆيلىرىنىڭ شارائىتىغا دائىر تۆۋەندىكى ئۆلچەملەرنى ئوتتۇرىغا قويدى . 1. قۇياش نۇرى ھاۋادىكى كېسەللىك مىكروبلىرىنى ئۆلتۈرىدۇ ، ئادەم بەدىنىڭ ئىممۇنىت ئىقتىدارىنى ئاشۇرىدۇ . مۇتەخەسىسلەرنىڭ قارىشىچە ، ئۆي ئىچىگە كۈنىگە تەخمىنەن ئىككى سائەت ئەتراپىدا قۇياش نۇرى چۈشىدىغان بولۇش ساغلاملىققا زۆرۈر بولغان ئەڭ تۆۋەن تەلەپ ئىكەن . 2. يورۇتۇش دىگەنلىك ، ئۆي ئىچىگە تەبىئىي يورۇقلۇق چۈشىدىغان بولۇش دېگەنلىك بولۇپ ، دېرىزىنىڭ كۆلىمى بىلەن ئۆينىڭ كۆلىمى 1/15 نىسبەتتىن كىچىك بولۇپ قالماسلىقى كېرەك . 3. بەلگىلىمىدە ئۆي ئىچى ئېگىزلىكى 2.6 - 2.8 مېتىرغىچە بولۇش بەلگىلەنگەن . ئينىڭ ئېگىزلىكى بۇ ئۆلچەمگە يەتمىگەندە ئادەم سىقىلىش ھېس قىلىدۇ . تەجرىبىدە كۆرسىتىلىشىچە ، ئۆينىڭ ئېگىزلىكى 2.55 مېتىر بولغاندا ئۆي ئىچىدىكى كاربۇنⅣ ئوكسىدنىڭ قويۇقلۇقى كۆرۈنەرلىك دەرىجىدە ئۆرلەپ ، ئۆي ئىچى ھاۋاسىنىڭ سۈپىتىگە تەسىرى بولىدىكەن . 4. ئۆي ئىچى تىمپىراتۇرىسى قىش كۈنلىرى 12 سىلسىيە گىرادۇستىن تۆۋەن ، ياز كۈنلىرى 30 سىلسىيە گىرادۇستىن يۇقىرى بولۇپ كەتمەسلىكى كېرەك . ھۆللۈك نىسبىتى %65 ئەتراپىدا بولسا مۇۋاپىق . 5. ئۆي ئىچى ھاۋاسىدىكى تۈرلۈك مىكروب ، چاڭ - توزان ئارىلاشقان ماددىلار ، كاربۇنⅣ ئوكسىد قاتارلىق زىيانلىق ماددىلارنىڭ مىقدارى مەلۇم مىقداردىن ئېشىپ كەتمەسلىكى كېرەك . ئولتۇراق ئۆيلەرنىڭ ساقلىقنى ساقلاش ئۆلچىمى يوقارقىلاردىن باشقا يەنە نەملىكتىن ساقلىيالايدىغان ، ئاۋاز ئايرىشچانلىققا ئېگە بولۇشى كېرەك .