ئىز تورى-爱智网

　　  جۇڭگو ئۇيغۇرچە رادىيو تورى 21-ئىيۇل بېيجىڭ خەۋىرى: مۇخبىرنىڭ 20-ئىيۇل خەلق ئىشلىرى مىنىستىرلىقىدىن ئۇقۇشىچە، يېقىندا، گەنسۇ ئۆلكىلىك خەلق ئىشلىرى نازارىتى بىلەن ئىچكى موڭغۇل ئاپتونوم رايونلۇق خەلق ئىشلىرى نازارىتى «ئىچكى موڭغۇل-گەنسۇ چېگراسىدا تىنچ، ئىناق چېگرا قۇرۇش پائالىيىتىنى قانات يايدۇرۇش ھەققىدىكى كېلىشىم»نى ئىمزالىغان. بۇ كېلىشىمنىڭ ئىمزالىنىشى-پۈتۈن مەملىكەتتىكى 68 قۇرۇقلۇق ئۆلكە چېگراسىدا تىنچ چېگرا قۇرۇش كېلىشىمىنىڭ ئىمزالانغانلىقىدىن دېرەك بېرىدىكەن. خەلق ئىشلىرى مىنىستىرلىقىنىڭ ئالاقىدار مەسئۇلى مۇنداق دېدى: تىنچ چېگرا قۇرۇش كېلىشىمىنى ئىمزالاش-بىرلەشمە چېگرا ئېنىقلاش كېلىشىمىنى ئەمەلىيلەشتۈرۈش ۋە مۇكەممەللەشتۈرۈش، چېگرا رايونلارنىڭ مۇقىملىقىنى قوغداشنىڭ ئۇزاق ئۈنۈملۈك مېخانىزمىنى ئورنىتىش، تىنچ چېگرا قۇرۇش خىزمىتىنى ئىلگىرى سۈرۈشتە ئەمەلىي ئۈنۈم ھاسىل قىلىشتا ئىجابىي ئەھمىيەتكە ئىگە. ئىگىلىنىشىچە، 2007-يىلى مەملىكەت بويىچە تىنچ چېگرا قۇرۇش خىزمىتى باشلانغاندىن بۇيان، جايلار ئۆلكە، ناھىيە دەرىجىلىك چېگرىلاردا تىنچ چېگرا قۇرۇش كېلىشىمى ئىمزالاپ، تۇتاش ئاساسىي قاتلام يېزا-بازارلىرى، كەنتلەردە ئىناق قوشنىدارچىلىق، دوستلۇق ئەھدىنامىسى تۈزۈش پائالىيىتىنى پائال قانات يايدۇرغان. كېلىشىمنىڭ ئىمزالىنىشى ۋە تەدرىجىي ئەمەلىيلەشتۈرۈلۈشىگە ئەگىشىپ، پۈتۈن مەملىكەتنىڭ تىنچ چېگرا قۇرۇش پائالىيىتىدە تېخىمۇ كۆرۈنەرلىك ئۈنۈم ھاسىل قىلىنغۇسى.