ئىز تورى-爱智网

　　  جۇڭگو ئۇيغۇرچە رادىيو تورى 21-ئىيۇل بېيجىڭ خەۋىرى: مائارىپ مىنىستىرلىقىغا بىۋاسىتە قاراشلىق ئالىي مەكتەپلەرنىڭ دۆلەتلىك مىللەتلەر ئىشلىرى كومىتېتىغا قاراشلىق ئالىي مەكتەپلەرگە نىشانلىق ياردەم بېرىشىگە ئىمزا قويۇش مۇراسىمى يېقىندا بېيجىڭدا ئۆتكۈزۈلدى. داليەن سانائەت، تەبىئىي پەن ئۇنىۋېرسىتېتى بىلەن داليەن مىللەتلەر ئۇنىۋېرسىتېتى، خېفېي سانائەت ئۇنىۋېرسىتېتى بىلەن شىمال مىللەتلەر ئۇنىۋېرسىتېتى، چۇڭچىڭ ئۇنىۋېرسىتېتى بىلەن ئوتتۇرا جەنۇب مىللەتلەر ئۇنىۋېرسىتېتى، خۇنەن ئۇنىۋېرسىتېتى بىلەن غەربىي جەنۇب مىللەتلەر ئۇنىۋېرسىتېتى، سىچۈەن ئۇنىۋېرسىتېتى بىلەن غەربىي شىمال مىللەتلەر ئۇنىۋېرسىتېتى ئىمزا قويۇش مۇراسىمىدا نىشانلىق ياردەم بېرىش كېلىشىمىگە ئايرىم-ئايرىم ئىمزا قويدى. دۆلەتلىك مىللەتلەر ئىشلىرى كومىتېتىنىڭ مۇئاۋىن مۇدىرى ۋۇ شىمىن دۆلەتلىك مىللەتلەر ئىشلىرى كومىتېتىغا قاراشلىق ئالىي مەكتەپلەردىن ياردەم بەرگەن ئالىي مەكتەپلەرنىڭ ياردىمىدە، مەكتەپنىڭ تەرەققىيات پىلانىنى يەنىمۇ تەتقىق قىلىپ ۋە ياخشى تۈزۈپ، مەكتەپنىڭ ئەمەلىيىتى بىلەن بىرلەشتۈرۈپ، تەدبىرلەرنى ھەقىقىي ئەمەلىيلەشتۈرۈش ھەم ياردەم بەرگەن ئالىي مەكتەپلەر بىلەن بولغان ئالاقىنى كۈچەيتىپ، ھەمكارلىقنى چىڭىتىشنى تەلەپ قىلدى. ياردەمگە ئېرىشكۈچى تەرەپ بولغان دۆلەتلىك مىللەتلەر ئىشلىرى كومىتېتىغا قاراشلىق ئالىي مەكتەپلەر نەپكە ئېرىشىش بىلەن بىر ۋاقىتتا، ياردەم بەرگەن ئالىي مەكتەپلەر ئۈچۈن كۈچىنىڭ يېتىشىچە خىزمەت قىلىپ، ياردەم بەرگەن ئالىي مەكتەپلەرنىمۇ نەپكە ئىگە قىلىشى كېرەك. ئىگىلىنىشىچە، ئېلىمىز 2001-يىلىدىن تارتىپ ئالىي مەكتەپلەرنىڭ نىشانلىق ياردەم بېرىش خىزمىتىنى باشلىغان. ھازىر نىشانلىق ياردەم بېرىشكە قاتناشقان ئالىي مەكتەپ 112 گە يەتكەن.