بىر دانىشمەن شۇنداق دەپتۇ ؛
ئى پەرزەنىتلىرىم ، ئېسىڭلاردا بولسۇنكى 5 نەرسىدىن ۋاپا كۈتمەڭلار !
‹1› بۇلۇتنىڭ سايىسى ،ئۇ قاراپ بولغۇچە ئۆتۈپ كېتىدۇ .
‹2› غەرەزلىك دوست ، ئۇ ھامان ساڭا ئەسقاتمايدۇ .
‹3› يالغاندىن تەرىپلەش ، ئۇمۇ ئىز بېسىپ تۇرالمايدۇ .
‹4› چىرايلىقلارنىڭ جامالى ، ئۇ ئاخىرى ئۆزگىرىپ كېتىدۇ .
‹5› بۇ دۇنيانىڭ مېلى ، ئۇمۇ ئاقىۋەت ئىگىسىگە ۋاپا قىلمايدۇ .
دانىشمەن يەنە شۇنداق دەپتۇ ؛ '
دۇنيادا 7 نەرسە 7 نەرسىگە باغلىق بولىدۇ ؛
‹1› خوتۇننىڭ ئىززىتى ئەر بىلەن .
‹2› بالىنىڭ ئىززىتى ئاتا بىلەن .
‹3› شاگىرىتلارنىڭ ئىززىتى ئۇستازى بىلەن .
‹4› لەشكەرلەرنىڭ قۇۋۋىتى سەردار بىلەن .
‹5› پۇقرالارنىڭ خاتىرجەملىكى پادىشاھ بىلەن .
‹6› پادىشاھنىڭ ئىززىتى ئادىللىق بىلەن .
‹7› ئادىللىقنىڭ روناق تېپىشى ئەقىل ۋە ھوشيارلىق بىلەن باغلىق بولىدۇ .
پەرزەنىتلەر دانىشمەننىڭ سۆزلىرىدىكى پاساھەت ۋە چۇڭقۇر مەنالارغا قايىل بولۇشۇپ ، ئۆزئارا باش لىڭشىتىشىپتۇ .
بوۋام ئېيىتقان ھېكمەتلەر -
بوۋام بىر كۈنى بىزگە تەربىيە قىلىپ شۇنداق دېدى ؛
ئېسىڭلاردا بولسۇنكى ،ھەرقانداق كىشى مۇنۇ 5 خىسلەتنى ئۆمۈرنىڭ سەرمايىسى ۋە يول جابدۇقى قىلسا ، قەيەرگە بارسا غەرىزى ھاسىل بولىدۇ ۋە ئۆزىگە مۇھەببەت تېپىپ ئىززەتلىك بولىدۇ ؛
‹1› بەتقىلىقتىن يىراق بولماق
‹2› ياخشى ئىش قىلىدىغان بولماق
‹3› تۆھمەت ۋە زىيان قىلىدىغان ئىشلاردىن پەرھىز قىلماق
‹4› ياخشى خۇيلۇق بولماق
‹5› ھەممە ۋاقىتتا ئەل بىلەن ياخشى چىقىشماق ۋە ئەدەب ساقلىماق .
بوۋام يەنە شۇنداق دېدى ؛
ماۋۇ خىلدىكى 3 خىل كىشى ھامان ھالاك بولىدۇ ،
‹1› ئۆزىنىڭ كۈچ – قۇدرىتىگە چەكسىز ئىشىنىپ كېتىدىغانلار
‹2› تائام ۋە شاراپنىڭ ئۆزىگە يېتەرلىك مىقدارىنى بىلمەيدىغانلار ‹3› ئاداۋەت ئەھلىنىڭ سۆزىگە ئىشىنىپ ئۇلارنىڭ خۇشامەتلىرىگە ئالدانغانلار .
بوۋام يەنە سۆزىنى داۋاملاشتۇردى ؛
3يەنە شۇداق 3 خىل كىشى باركى مەڭگۈ غەم – ئەندىشىدىن قۇتۇلالمايدۇ ،
‹1› ھەمىشە يامان ئىشنىڭ قەستىدە يۈرگەنلەر -
‹2›قۇدرىتىنىڭ بارىدا ياخشى ئىش قىلمىغانلار `
‹3›نادانلىق بىلەن ئويلىماي ئىش قىلىپ ئاخىرىدا ھەسرەتتە قالغان كىشلەر .
بوۋام سۆزلىرىنى ئاخىرلاشتۇرۇپ نۇرلۇق ۋە ئۆتكۈر كۆزلىرىنى يىراقلارغا تىكتى .بىز بوۋامنىڭ سۆزلىرىدىكى ئۆلمەس ھەقىقەت ۋە چۇڭقۇر پاساھەتلەرگە قايىل بولۇشۇپ ، ئۆزئارا باش لىڭشىتىشتۇق .
مەنبە ؛ خاتىرەمدىكى كۈچۈرمىلەر .\
قىرىندىشىم بۇ تىمىنى تەھرىرلىمەيلام تەستىقلىۋەتسىڭىز! رەھمەت!
