ئاپتۇر:كامىلجان ناسىر(دىلداش)
پۇرسەت بولسا كىلىڭ قەشقەرگە
گۈزەللىككە پۈركەندى قەشقەر،
جاسارەتتە شان - زەپەر قۇچۇپ.
مېھىرلەردىن يايرىتار دىلنى،
مەمنۇنلۇقتىن كۆڭۈلنى ئۇتۇپ.
سائادەتنىڭ نۇرى چاقنايدۇ،
ھەۋەسلىنىپ تىكسەڭ كۆزۇڭنى.
ماگىنىتتەك تارتسا زوقۇڭنى،
زور مەمنۇنلۇق قاپلار يۈزۈڭنى.
شۇنچە ئاۋات رەستە بازارى،
زوقلاندۇرۇپ بارار شۇقەدەر.
ئەسكە سالار يىپەك يولنى،
خاسىيەتلىك بۇ قەدىم شەھەر.
ئاۋات ئەنە گۈزەل ھەيتگاھ ،
قۇچاغىدۇر ئادەم دىڭىزى.
ھەر باققانچە ئەقىل بۇلۇر لال،
مەدىنيەتنىڭ بولغاچ ئەندىزى.
بەشكىرەمنىڭ بېھىش باغلىرى،
جان ھۇزۇرى كۆركەم ھاۋالىق.
ئانار،ئەنجۈر،ئۈزۈملىرى خىل،
تەشنا دىلغا بىرەر شىپالىق.
تۈمەن دەريا بويى زەپ گۈزەل،
بىنا بۇلۇپ ياسالدى كۆركەم.
ھەۋەسلەرنى قوزغايدۇ كۆرسە،
تەشنا دىللار تاپقاندەك مەلھەم.
سۈزۈك سۈيى ئاقار توختىماي،
ئانا يۇرتنى باغاشلاپ ھامان.
يۈرەكتىكى ئوتلۇق تۇيغۇنى،
ھەر باققانچە قىلدۇرار قىيان.
يۈسۈپ،مەھمۇد بوۋام قەبرىسى،
قەشقەر ئۈچۈن قوشتى زور زىننەت.
تاۋاپ قىلار ئىخلاسمەن يۈرەك،
ۋۇجۇدىدا بولغاچقا ھۆرمەت.
تەرىپلىسەم چەكسىز تەرىپى،
تۈگىمەيدۇ يازساممۇ قانچە.
ئىپتىخارىم ئىشىپ بارىدۇ،
گۈل ھۆسنىگە نەزەر سالغانچە.
ئىناقلىقتىن كۈلدى قەشقىرىم،
ئىسلاھاتتىن تاپقاچقا قانات.
ھەممە مىللەت بولغاچ ھۆر ئىناق،
مەمنۇنلۇقتا ئۆتمەكتە ھايات.
يازغانلىرىم مىڭنىڭ بىرىدۇر،
پۇرسەت بولسا كىلىڭ قەشقەرگە.
ئالدىڭىزدا بۇلاي ساھبخان،
يول باشلايمەن بىرىڭ قەيەرگە.
مېھمان قىلىپ ئۇينۇتۇپ كۈندە،
سەيلەگاھقا باشلايمەن چۇقۇم.
بولسا سىزدە كىلىشكە ئىمكان،
تەقدىم سىزگە مېنىڭ بار يوقۇم.
رىزالىقتىن كۈلەر كۆڭلىڭىز،
ئىككىلەنمەي كىلىڭ كۈتىمەن.
ئەقدەمدىن تىزىپ گۈلدەستە،
يوللۇغۇم دەپ سىزگە تۇتىمەن.
+++++++++++++++++++++
---------------------
قەشقەر ئوغلىمەن
پاك ۋىجدانلىق قەشقەر ئوغلىمەن،
قەلبىمدە بار يۈكسەك جاسارەت.
ئادىمىلىك،غۇرۇرۇم چەكسىز،
ئەقىدەمدىن چاقنار مۇھەببەت.
يۈسۈپ ،مەخمۇت نەسلىمەن سادىق،
ئېلىم - پەنگە مۇھەببىتم بار.
ئانا يۇرتقا بۈيۈكتۇر ئىشقىم،
شىجائىتىم ئۆزەمگە چىن يار.
مەن قەشقەرلىك دىسەم ئۆزەمنى،
ئىپتىخاردىن زوقلۇنار دىلىم،
ئىناقلىقنى گۈللىگەچ يۇرتۇم،
مەمنۇنلۇقتىن سۆزلەيدۇ تىلىم.
---------------------
پەخرىمسەن گۈزەل قەشقەر
پەخرىمسەن گۈزەل قەشقەر،
گۈللەندىڭ تېپىپ نۇسرەت.
ھەر باقسام جامالىڭغا،
قەلبىمدە يانار ھۆرمەت.
مەھلىيا قىلار دىلنى،
گۈللەنگەن گۈزەل چېھرىڭ.
شەنىڭگە ياغار ئالقىش،
سىڭگەچ ئەل ئۈچۈن مېھرىڭ.
ياڭرايدۇ ھامان ناخشام،
كۈيلىسەم سېنى قانچە.
قەلبىمدە قىيان ئىشقىڭ،
ھۆرمىتىم ئاشار شۇنچە.
بۈركۈتتەك قانات قاققىن،
يۈكسېلىپ جاسارەتتە.
گۈللەيمىز سېنى ھەردەم،
دىلدىن زور مۇھەببەتتە.
------------------
ئاپتۇر:كامىلجان ناسىر(دىلداش)قەشقەر يېڭشەھەر ناھيسىدە شىپاگەر.
ئاپتۇرنىڭ ئەسكەرتمىسى - مىنىڭ تىمىلىرىمنى رۇخستىمسىز باشقا مۇنبەرگە كۈچۈرۈشكە،خالىغانچە ئۆز نامىدا كۈچۈرۋىلىشقا بولمايدۇ.
| 
يوللانغان ۋاقتى 2011-2-9 14:14
يوللانغان ۋاقتى 2011-2-9 20:42
