سەن نەلەردە يۈرۈيسەن جېنىم

rayip

سەن نەلەردە يۈرۈيسەن جېنىم
خەت- خەۋەرمۇ بەرمىدىڭ تېخى.
ئايلار ئۆتتى، يىللارمۇ ئۆتتى،
ياكى يوقلاپ كەلمىدىڭ تېخى.

سۆيگەنلىرىم ھېلى ئېسىمدە،
پۇراپ تۇرۇپ تىنىقلىرىڭنى.
ئۇنتالمىدىم ھەرقانچە قىپمۇ،
سېنىڭ تاتلىق قىلىقلىرىڭنى.

سەن نەلەردە يۈرۈيسەن جېنىم،
ئۇنتالمىدىم يۈرۈشلىرىڭنى.
گاھى كۈلۈپ، گاھى دومسۇيۇپ،
شېرن- تاتلىق سۆيۈشلىرىڭنى.

بۇلبۇللارمۇ سايرىماس بولدى،
سەنسىز تىمتاس قالدى باغلىرىم،
تۇيۇلىدۇ گويا بىر چۈشتەك،
سېنى سۆيۈپ ئۆتكەن چاغلىرىم.

قىزىل گۈلنىڭ يېقىپ لىۋىگە،
ھېدلىرىڭنى يىغلاپ پۇرايمەن.
زىكرى قىلىپ كۈندە نامىڭنى،
شاماللاردىن سېنى سورايمەن.

سەن نەلەردە يۈرۈيسەن جېنىم،
ۋېسالىڭدىن تاپمىدىم دىدار.
سېغىنىشتا ئۆتمەكتە تۈنلەر،
مەن بىچارە ئۇيقۇدىن بىدار

(شىرمۇھەممەت جارۇپ)

138

بۇ بەك ياخىشى يىزلغان مۇھابەت لىركىسى ئىكەن . شۈنىداق تەسىرلەنىدىم . ھەممە ئاشىقلارنىڭ شۇنىداق تەقەزا . كۈتىكەن . كۈنلىرى بار . مەن ھەم بۇنىڭ ئىچىدە . سىزىنىڭ بۇ لىركىڭىزنى ئوقۇپ ئەسىكە . ئالىدىم شۈ كۇنىلەرنى . رەخىمەت سىزىگە ، ياخىشى ئەسەلىڭىز ئىز توردا ئىز قالىدۇرغۇسى .

salkin11

ياخشى يېزىلغان لېرىكا ئىكەنغۇ ... رەھمەت ! ...

dilram

(شىرمۇھەممەت جارۇپ) كىم ئەمدى

otyak

ياخشى يېزىلغان مۇھەببەت لىرىكىسى. تەقەززالىق كىشىنى ئاشۇنداق قىلىدۇ...

summayya

ياخشى يېزىپسىز،تىمىڭىزنى بىزەپ قوياي دىسەم،كومپىيوتورىم تولا قىتىپ قىلىپ ياخشى بولماي قالدى،خاپا بولماڭ ھە~!

polat110

بەك ياخىشى يىزىلىغا ن . مۇھاببەت لىركا ئىكەن . ياخىشى يىزپىسز .